Moksha-Marg Prakashak-Hindi (simplified iso15919 transliteration). Page: 23.

dūsarā adhikār ][ 33

matignānakī parādhīn pravr̥utti

vahān̐ pratham to matignān hai; vah sharīrake aṅgabhūt jo jībh, nāsikā, nayan, kān,

sparshan ye dravyaindriyān̐ aur hr̥udayasthānamen āṭh pan̐khuriyoṅke phū le kamalake ākārakā dravyaman —

inakī sahāyatāse hī jānatā hai. jaise — jisakī dr̥uṣhṭi mand ho vah apane netra dvārā hī dekhatā

hai, parantu chashmā lagāne par hī dekhatā hai, binā chashmeke nahīn dekh sakatā. usī prakār ātmākā
gnān mand hai, vah apane gnānase hī jānatā hai, parantu dravyaindriy tathā manakā sambandha hone
par hī jānatā hai, unake binā nahīn jān sakatā. tathā jis prakār netra to jaiseke taise
hain, parantu chashmemen kuchh doṣh huā ho to nahīn dekh sakatā athavā thoṛā dīkhatā hai yā aurakā
aur dīkhatā hai; usī prakār apanā kṣhayopasham to jaisākā taisā hai, parantu dravyaindriy tathā
manake paramāṇu anyathā pariṇamit hue hon to jān nahīn sakatā athavā thoṛā jānatā hai athavā
aurakā aur jānatā hai. kyoṅki dravyaindriy tathā manarūp paramāṇuoṅke pariṇamanako aur
matignānako nimitta-naimittik sambandha hai, isaliye unake pariṇamanake anusār gnānakā pariṇaman
hotā hai. usakā udāharaṇ — jaise manuṣhyādikako bāl-vr̥uddhaavasthāmen dravyaindriy tathā man

shithil ho tab jānapanā bhī shithil hotā hai; tathā jaise shīt vāyu ādike nimittase
sparshanādi indriyoṅke aur manake paramāṇu anyathā hon tab jānanā nahīn hotā athavā thoṛā jānanā
hotā hai.

tathā is gnānako aur bāhya dravyoṅko bhī nimitta-naimittik sambandha pāyā jātā hai.

usakā udāharaṇ — jaise netraindriyako andhakārake paramāṇu athavā phū lā ādike paramāṇu yā

pāṣhāṇādike paramāṇu āṛe ā jāyen to dekh nahīn sakatī. tathā lāl kāñch āṛā ā jāye
to sab lāl dīkhatā hai, harit āṛā āye to harit dīkhatā hai — is prakār anyathā jānanā

hotā hai.

tathā dūrabīn, chashmā ityādi āṛe ā jāyen to bahut dīkhane lag jātā hai. prakāsh,

jal, hilavvī kān̐ch ityādike paramāṇu āṛe āyen to bhī jaisekā taisā dīkhatā hai. isaprakār
anya indriyon tathā manake bhī yathāsambhav jānanā. mantrādike prayogase athavā madirāpānādikase
athavā bhūtādikake nimittase nahīn jānanā, thoṛā jānanā yā anyathā jānanā hotā hai. is
prakār yah gnān bāhyadravyake bhī ādhīn jānanā.

tathā is gnān dvārā jo jānanā hotā hai vah aspaṣhṭa jānanā hotā hai; dūrase kaisā

hī jānatā hai, samīpase kaisā hī jānatā hai, tatkāl kaisā hī jānatā hai, jānanemen bahut der

< Previous Page Next Page >