Moksha-Marg Prakashak-Hindi (simplified iso15919 transliteration). Page: 24.

34 ] [ mokṣhamārgaprakāshak

ho jāye tab kaisā hī jānatā hai, kisīko sanshay sahit jānatā hai, kisīko anyathā jānatā
hai, kisīko kiñchit jānatā hai — ityādi rūpase nirmal jānanā nahīn ho sakatā.

is prakār yah matignān parādhīnatā sahit indriy — man dvārase pravartatā hai. un indriyon

dvārā to jitane kṣhetrakā viṣhay ho utane kṣhetramen jo vartamān sthūl apane jānane yogya pudgalaskandha
hon unhīṅko jānatā hai. unamen bhī alag-alag indriyon dvārā alag-alag kālamen kisī skandhake
sparshādikakā jānanā hotā hai. tathā man dvārā apane jānane yogya kiñchitmātra trikāl sambandhī
dūr kṣhetravartī athavā samīp kṣhetravartī rūpī-arūpī dravyon aur paryāyoṅko atyanta aspaṣhṭarūpase jānatā
hai. so bhī indriyon dvārā jisakā gnān huā ho athavā jisakā anumānādik kiyā ho us
hī ko jān sakatā hai. tathā kadāchit apanī kalpanā hī se asatko jānatā hai. jaise svapnamen
athavā jāgate hue bhī jo kadāchit kahīn nahīn pāye jāte aise ākārādikakā chintavan karatā
hai aur jaise nahīn hain vaise mānatā hai. is prakār man dvārā jānanā hotā hai. so yah indriyon
va man dvārā jo gnān hotā hai, usakā nām matignān hai.

yahān̐ pr̥ithvī, jal, agni, pavan, vanaspatirūp ekendriyoṅke sparsha hī kā gnān hai; laṭ,

shaṅkh ādi do indriy jīvoṅko sparsha, rasakā gnān hai; kīṛī, makoṛā ādi tīn indriy jīvoṅkon
sparsha, ras, gandhakā gnān hai; bhramar, makṣhikā, pataṅgādik chauindriy jīvoṅko sparsha, ras, gandh,
varṇakā gnān hai; machchha, gāy, kabūtar ityādik tiryañch aur manuṣhya, dev, nārakī yah pañchendriy
hain — inhen sparsha, ras, gandh, varṇa, shabdoṅkā gnān hai. tiryañchommen kaī sañgnī hain, kaī asañgnī

haĩn. vahān̐ sañgniyoṅke manajanit gnān hai, asañgniyoṅko nahīn hai. tathā manuṣhya, dev, nārakī sañgnī
hī hain, un sabake manajanit gnān pāyā jātā hai.

is prakār matignānakī pravr̥utti jānanā.

shrutagnānakī parādhīn pravr̥utti

ab, matignān dvārā jis arthako jānā ho usake sambandhase anya arthako jisake

dvārā jānā jāye so shrutagnān hai. vah do prakārakā hai — 1. akṣharātmak 2. anakṣharātmaka.

jaise ‘ghaṭ’, yah do akṣhar sune yā dekhe vah to matignān huā; unake sambandhase ghaṭ-padārthakā
jānanā huā so shrutagnān hai. is prakār anya bhī jānanā. yah to akṣharātmak shrutagnān
hai. tathā jaise sparsha dvārā shītakā jānanā huā vah to matignān hai; usake sambandhase ‘yah
hitakārī nahīn hai, isaliye bhāg jānā’ ityādirūp gnān huā so shrutagnān hai. is prakār
anya bhī jānanā. yah anakṣharātmak shrutagnān hai.

< Previous Page Next Page >