-
dūsarā adhikār ][ 35
vahān̐ ekendriyādik asañgnī jīvoṅko to anakṣharātmak hī shrutagnān hai aur sañgnī
pañchendriyoṅke donon haĩn. yah shrutagnān hai so anek prakārase parādhīn aise matignānake bhī ādhīn
hai tathā anya anek kāraṇoṅke ādhīn hai; isalie mahā parādhīn jānanā.
avadhignān, manaḥparyayagnān, kevalagnānakī pravr̥utti
ab, apanī maryādāke anusār kṣhetra-kālakā pramāṇ lekar rūpī padārthoṅko spaṣhṭarūpase
jisake dvārā jānā jāy vah avadhignān hai. vah dev, nārakiyommen to sabako pāyā jātā
hai aur sañgnī pañchendriy tiryañch tathā manuṣhyoṅke bhī kisīko pāyā jātā hai. asañgnī-paryant
jīvoṅke yah hotā hī nahīn hai. so yah bhī sharīrādik pudgaloṅke ādhīn hai. avadhike
tīn bhed hain — 1. deshāvadhi, 2. paramāvadhi, 3. sarvāvadhi. inamen thoṛe kṣhetra-kālakī maryādā
lekar kiñchitmātra rūpī padārthoṅko jānanevālā deshāvadhi hai, so hī kisī jīvake hotā hai.
tathā paramāvadhi, sarvāvadhi aur manaḥparyay — ye gnān mokṣhamārgamen pragaṭ hote hain; kevalagnān
mokṣharūp hai, isaliye is anādi sansār-avasthāmen inakā sadbhāv hī nahīn hai.
is prakār to gnānakī pravr̥utti pāyī jātī hai.
chakṣhu, achakṣhu, avadhi, kevaladarshanakī pravr̥utti
ab, indriy tathā manako sparshādik viṣhayoṅkā sambandha honese pratham kālamen matignānase
pūrva jo sattāmātra avalokanarūp pratibhās hotā hai usakā nām chakṣhudarshan tathā achakṣhudarshan
hai. vahān̐ netra-indriy dvārā darshan honekā nām to chakṣhudarshan hai; vah to chauindriy, pañchendriy
jīvoṅko hī hotā hai. tathā sparshan, rasanā, ghrāṇ, shrotra — in chār indriyon aur man dvārā
jo darshan hotā hai usakā nām achakṣhudarshan hai; vah yathāyogya ekendriyādi jīvoṅko hotā hai.
ab, avadhike viṣhayoṅkā sambandha hone par avadhignānake pūrva jo sattāmātra avalokanarūp
pratibhās hotā hai usakā nām avadhidarshan hai. yah jinake avadhignān sambhav hai unhīṅko
hotā hai.
yah chakṣhu, achakṣhu, avadhidarshan hai so matignān va avadhignānavat parādhīn jānanā.
tathā kevaladarshan mokṣhasvarūp hai usakā yahān̐ sadbhāv hī nahīn hai.
is prakār darshanakā sadbhāv pāyā jātā hai.
❉