-
36 ] [ mokṣhamārgaprakāshak
gnān-darshanopayogādikī pravr̥utti
is prakār gnān – darshanakā sadbhāv gnānāvaraṇ, darshanāvaraṇake kṣhayopashamake anusār hotā
hai. jab kṣhayopasham thoṛā hotā hai tab gnān – darshanakī shakti thoṛī hotī hai; jab bahut hotā
hai tab bahut hotī hai. tathā kṣhayopashamase shakti to aisī banī rahatī hai, parantu pariṇaman dvārā
ek jīvako ek kālamen ek viṣhayakā hī dekhanā aur jānanā hotā hai. is pariṇaman hī
kā nām upayog hai. vahān̐ ek jīvako ek kālamen yā to gnānopayog hotā hai yā darshanopayog
hotā hai. tathā ek upayogake bhī ek bhedakī pravr̥utti hotī hai. jaise — matignān ho tab anya
gnān nahīn hotā. tathā ek bhedamen bhī ek viṣhayamen hī pravr̥utti hotī hai. jaise — sparshako jānatā
hai tab rasādikako nahīn jānatā. tathā ek viṣhayamen bhī use kisī ek aṅgamen hī pravr̥utti hotī
hai. jaise — uṣhṇa sparshako jānatā hai tab rūkṣhādikako nahīn jānatā.
is prakār ek jīvako ek kālamen ek gney athavā dr̥ushyamen gnān athavā darshanakā
pariṇaman jānanā. aisā hī dikhāī detā hai. jab sunanemen upayog lagā ho tab netrake samīp
sthit bhī padārtha nahīn dīkhatā. is hī prakār anya pravr̥utti dekhī jātī hai.
tathā pariṇamanamen shīghratā bahut hai. isase kisī kālamen aisā mān lete hain ki yugapat
bhī anek viṣhayoṅkā jānanā tathā dekhanā hotā hai, kintu yugapat hotā nahīn hai, kramamen hī
hotā hai, sanskārabalase unakā sādhan rahatā hai. jaise — kaueke netrake do golak hain, putalī
ek hai vah phi ratī shīghra hai, usase donon golakoṅkā sādhan karatī hai; usī prakār is jīvake
dvār to anek hain aur upayog ek hai, vah phi ratā shīghra hai, usase sarva dvāroṅkā sādhan
rahatā hai.
yahān̐ prashna hai ki — ek kālamen ek viṣhayakā jānanā athavā dekhanā hotā hai to
itanā hī kṣhayopasham huā kaho, bahut kyon kahate ho? aur tum kahate ho ki kṣhayopashamase
shakti hotī hai, to shakti to ātmāmen kevalagnān – darshanakī bhī pāī jātī hai.
samādhānaḥ — jaise kisī puruṣhake bahut grāmommen gaman karanekī shakti hai. tathā use kisīne
rokā aur yah kahā ki pān̐ch grāmommen jāo, parantu ek dinamen ek grāmako jāo. vahān̐ us
puruṣhake bahut grām jānekī shakti to dravya-apekṣhā pāī jātī hai; anya kālamen sāmarthya ho, parantu
vartamān sāmarthyarūp nahīn hai — kyoṅki vartamānamen pān̐ch grāmonse adhik grāmommen gaman nahīn kar
sakatā. tathā pān̐ch grāmommen jānekī paryāy-apekṣhā varttamān sāmarthyarūp shakti hai, kyoṅki unamen gaman
kar sakatā hai; tathā vyaktatā ek dinamen ek grāmako gaman karanekī hī pāī jātī hai.