Moksha-Marg Prakashak-Hindi (simplified iso15919 transliteration). Page: 31.

dūsarā adhikār ][ 41

inhen īṣhat kaṣhāy kahate haĩn. yahān̐ no shabda īṣhatvāchak jānanā. inakā uday un krodhādikoṅke
sāth yathāsambhav hotā hai.

is prakār mohake udayase mithyātva aur kaṣhāyabhāv hote hain, so ye hī sansārake mūl

kāraṇ haĩn. inhīnse vartamān kālamen jīv duḥkhī hain, aur āgāmī karmabandhake bhī kāraṇ ye
hī haĩn. tathā inhīṅkā nām rāg-dveṣh-moh hai. vahān̐ mithyātvakā nām moh hai; kyoṅki vahān̐
sāvadhānīkā abhāv hai. tathā māyā, lobh kaṣhāy evan hāsya, rati aur tīn vedoṅkā nām
rāg hai; kyoṅki vahān̐ iṣhṭabuddhise anurāg pāyā jātā hai. tathā krodh, mān, kaṣhāy aur
arati, shok, bhay jugupsāoṅkā nām dveṣh hai; kyoṅki vahān̐ aniṣhṭabuddhise dveṣh pāyā jātā
hai. tathā sāmānyataḥ sabhīkā nām moh hai; kyoṅki inamen sarvatra asāvadhānī pāī jātī hai.

antarāyakarmodayajanya avasthā

tathā antarāyake udayase jīv chāhe so nahīn hotā. dān denā chāhe so nahīn de sakatā,

vastukī prāpti chāhe so nahīn hotī, bhog karanā chāhe so nahīn hotā, upabhog karanā chāhe
so nahīn hotā, apanī gnānādi shaktiko pragaṭ karanā chāhe so pragaṭ nahīn ho sakatī. is
prakār antarāyake udayase jo chāhatā hai so nahīn hotā, tathā usīke kṣhayopashamase kiñchitmātra
chāhā huā bhī hotā hai. chāh to bahut hai, parantu kiñchitmātra dān de sakatā hai, lābh
hotā hai, gnānādik shakti pragaṭ hotī hai; vahān̐ bhī anek bāhya kāraṇ chāhiye.

is prakār ghātikarmoṅke udayase jīvakī avasthā hotī hai.

vedanīyakarmodayajanya avasthā

tathā aghātikarmommen vedanīyake udayase sharīramen bāhya sukh-duḥkhake kāraṇ utpanna hote haĩn.

sharīramen ārogyapanā, shaktivānapanā ityādi tathā kṣhudhā, tr̥uṣhā, rog, khed, pīṛā ityādi sukh-
duḥkhake kāraṇ hote haĩn. bāhyamen suhāvane r̥utu – pavanādik, iṣhṭa strī – putrādik tathā mitra –

dhanādik; asuhāvane r̥utu – pavanādik, aniṣhṭa strī – putrādik tathā shatru, dāridray, vadh-bandhanādik

sukh-duḥkhako kāraṇ hote haĩn.

yah jo bāhya kāraṇ kahe hain unamen kitane kāraṇ to aise hain jinake nimittase sharīrakī

avasthā sukh-duḥkhako kāraṇ hotī hai, aur ve hī sukh-duḥkhako kāraṇ hote hain tathā kitane
kāraṇ aise hain to svayam hī sukh-duḥkhako kāraṇ hote haĩn. aise kāraṇoṅkā milanā vedanīyake
udayase hotā hai. vahān̐ sātāvedanīyase sukhake kāraṇ milate hain aur asātāvedanīyase duḥkhake
kāraṇ milate haĩn.

< Previous Page Next Page >