Moksha-Marg Prakashak-Hindi (simplified iso15919 transliteration). Page: 32.

42 ] [ mokṣhamārgaprakāshak

yahān̐ aisā jānanā ki ve kāraṇ hī sukh-duḥkhako utpanna nahīn karate, ātmā mohakarmake

udayase svayam sukh-duḥkh mānatā hai. vahān̐ vedanīyakarmake udayakā aur mohakarmake udayakā aisā
hī sambandha hai. jab sātāvedanīyakā utpanna kiyā bāhya kāraṇ milatā hai tab to sukh mānanerūp
mohakarmakā uday hotā hai, aur jab asātāvedanīyakā utpanna kiyā bāhya kāraṇ milatā hai
tab duḥkh mānanerūp mohakarmakā uday hotā hai.

tathā yahī kāraṇ kisīko sukhakā, kisīko duḥkhakā kāraṇ hotā hai. jaise — kisīko

sātāvedanīyakā uday hone par milā huā jaisā vastra sukhakā kāraṇ hotā hai, vaisā hī vastra
kisīko asātāvedanīyakā uday hone par milā so duḥkhakā kāraṇ hotā hai. isalie bāhya
vastu sukh-duḥkhakā nimittamātra hotī hai. sukh-duḥkh hotā hai vah mohake nimittase hotā hai.
nirmohī muniyoṅko anek r̥uddhi ādi tathā parīṣhahādi kāraṇ milate hain tathāpi sukh-duḥkh utpanna
nahīn hotā. mohī jīvako kāraṇ milane par athavā binā kāraṇ mile bhī apane saṅkalpa
hī se sukh-duḥkh huā hī karatā hai. vahān̐ bhī tīvra mohīko jis kāraṇake milane par tīvra
sukh-duḥkh hote hain, vahī kāraṇ milane par mand mohīko mand sukh-duḥkh hote haĩn.

isaliye sukh-duḥkhakā mūl balavān kāraṇ mohakā uday hai. anya vastuen̐ hain ve balavān

kāraṇ nahīn hain; parantu anya vastuoṅke aur mohī jīvake pariṇāmoṅke nimitta-naimittikakī mukhyatā
pāī jātī hai; usase mohī jīv anya vastu hī ko sukh-duḥkhakā kāraṇ mānatā hai.

is prakār vedanīyase sukh-duḥkhakā kāraṇ utpanna hotā hai.

āyukarmodayajanya avasthā

tathā āyukarmake udayase manuṣhyādi paryāyoṅkī sthiti rahatī hai. jab tak āyukā uday

rahatā hai tab tak anek rogādik kāraṇ milane par bhī sharīrase sambandha nahīn chhūṭatā. tathā
jab āyukā uday na ho tab anek upāy karane par bhī sharīrase sambandha nahīn rahatā, us
hī kāl ātmā aur sharīr pr̥uthak ho jāte haĩn.

is sansāramen janma, jīvan, maraṇakā kāraṇ āyukarma hī hai. jab navīn āyukā uday

hotā hai tab navīn paryāyamen janma hotā hai. tathā jab tak āyukā uday rahe tab tak
us paryāyarūp prāṇoṅke dhāraṇase jīnā hotā hai. tathā āyukā kṣhay ho tab us paryāyarūp
prāṇ chhūṭanese maraṇ hotā hai. sahaj hī aisā āyukarmakā nimitta hai; dūsarā koī utpanna
karanevālā, kṣhay karanevālā yā rakṣhā karanevālā hai nahīn — aisā nishchay jānanā.

< Previous Page Next Page >