Moksha-Marg Prakashak-Hindi (simplified iso15919 transliteration).

athavā nishchay-vyavahāranayoṅkī dr̥uṣhṭiko nahīn samajhanese khaṛī hotī viparīt kalpanāyen nirmūl ho
jātī haĩn. is mahatvapūrṇa prakaraṇamen paṇḍitajīne jainoṅke abhyantar mithyātvake nirasanakā bahut
hī rochak aur siddhāntik vivechan kiyā hai tathā ubhay nayoṅkī sāpekṣha dr̥uṣhṭi spaṣhṭa karate
hue dev-shāstra-guru sambandhī bhaktikī anyathā pravr̥uttikā nirākaraṇ kiyā hai. antamen samyaktva
sanmukh mithyādr̥uṣhṭikā svarūp tathā kṣhayopasham, vishuddha, deshanā, prāyogya aur karaṇ — yah pān̐ch

labdhiyoṅkā nirdesh karate hue yah adhikār pūrṇa kiyā hai.

āṭhaven adhikāramen prathamānuyog, karaṇānuyog, charaṇānuyog aur dravyānuyog — in chār

anuyogoṅkā prayojan, svarūp, vivechan shailī darshāte hue unake sambandhamen honevālī doṣh
kalpanāoṅkā nirākaraṇ karate hue, anuyogoṅkī sāpekṣha kathanashailīkā samullekh kiyā hai; sāthamen
hī āgamābhyāsakī preraṇā bhī dī hai.

navaven adhikāramen mokṣhamārgakā svarūp-nirūpaṇakā ārambh karate hue mokṣhake kāraṇabhūt

samyagdarshan, samyaggnān aur samyakchāritra — in tīnommense mokṣhamārgake mūlakāraṇabhūt samyagdarshanakā

bhī pūrā vivechan nahīn likhā jā sakā hai. khed hai ki akālik mr̥utyu ho jānese granthakartā
is adhikār va is granthako pūrā nahīn kar saken; yah apanā durbhāgya hai. kintu is adhikāramen
jo kuchh kathan kiyā hai vah bahut hī saral aur sugam hai. use hr̥udayagamm karanese samyagdarshanake
vibhinna lakṣhaṇoṅkā samanvay sahaj hī ho jātā hai aur unake svarūpakā bhī sāmānya parichay
prāpta hotā hai.

is tarah is granthamen charchit sabhī viṣhay athavā pramey granthakartāke vishāl adhyayan,

anupam pratibhā aur siddhāntik anubhavakā saphal pariṇām hai aur vah granthakartākī jo
āntarik bhadratākī mahattākā dyotak hai.

is granthakī khās visheṣhatā yah hai ki usamen gambhīr va durūh charchāko ati saral

shabdommen anek draṣhṭānta aur yuktiyon dvārā samajhānekā prayatna kiyā gayā hai. svayanne hī prashna
uṭhākar usakā mārmik uttar diyā hai ki, jisase adhyayanakartāko bādamen koī sandehakā avakāsh
na rahe. is granthamen jo kuchh vastuvivechan hai vah anek viṣhayon par prakāsh ḍālanevālā susambaddha,
āshcharyakārak aur jainadarshanake mārmik rahasyoṅko samajhāneke liye ek advitīy chābīke samān
hai, arthāt isamen nirgrantha pravachanake gahan mārmik rahasyoṅko granthakārane jagah-jagah pragaṭ kiyā
hai.

anyamatanirākaraṇake viṣhayamen likhanekā hetu koī paramatake prati dveṣh pariṇati karānekā

[ 7 ]

< Previous Page Next Page >