-
pA.NchavA.N adhikAr ][ 125
anyamat nirUpit tattva-vichAr
ab, paNDitapaneke balase kalpit yuktiyo.n dvArA nAnA mat sthApit hue hai.n, uname.n jo
tattvAdik mAne jAte hai.n, unakA nirUpaN karate hai.nH —
sA.nkhyamat
vahA.N sA.nkhyamatame.n pachchIs tattva mAnate hai.n1. so kahate hai.n — sattva, raj, tamaH yah tIn
guN kahate hai.n. vahA.N sattva dvArA prasAd (prasanna) hotA hai, rajoguN dvArA chitta kI cha.nchalatA hotI
hai, tamoguN dvArA mU.DhtA hotI hai, ityAdi lakShaN kahate hai.n. inarUp avasthAkA nAm prakR^iti hai;
tathA usase buddhi utpanna hotI hai; usIkA nAm mahatattva hai, usase aha.nkAr utpanna hotA hai; usase
solah mAtrA hotI hai.n. vahA.N pA.Nch to j~nAn indriyA.N hotI hai.n — sparshan, rasanA, ghrAN, chakShu, shrotra
tathA ek man hotA hai. tathA pA.Nch karma indriyA.N hotI hai.n — vachan, charaN, hasta, li.ng, gudA.
tathA pA.Nch tanmAtrA hotI hai.n — rUp, ras, gandha, sparsha, shabda. tathA rUpase agni, ras se jal,
gandha se pR^ithvI, sparsha se pavan, shabda se AkAsh — is prakAr hue kahate hai.n. is prakAr chaubIs
tattva to prakR^itisvarUp hai.n; inase bhinna nirguN kartA-bhotA ek puruSh hai.
is prakAr pachchIs tattva kahate hai.n so yah kalpit hai.n; kyo.nki rAjasAdik guN Ashray
binA kaise ho.nge? inakA Ashray to chetan dravya hI sambhav hai. tathA inase buddhi huI kahate
hai.n so buddhi nAm to j~nAnakA hai aur j~nAnaguNadhArI padArthame.n yah hotI dekhI jAtI hai, to
isase j~nAn huA kaise mAne.n? koI kahe — buddhi alag hai, j~nAn alag hai, tab man to pahale
solah mAtrAme.n kahA aur j~nAn alag kahoge to buddhi kisakA nAm ThaharegA? tathA usase
aha.nkAr huA kahA so paravastu me.n ‘‘mai.n karatA hU.N’’ aisA mAnanekA nAm aha.nkAr hai, sAkShIbhUt
jAnanese to aha.nkAr hotA nahI.n hai, to j~nAnase utpanna kaise kahA jAtA hai?
tathA aha.nkAr dvArA solah mAtrAe.N kahI.n, uname.n pA.Nch j~nAnaindriyA.N kahI.n, so sharIrame.n
netrAdi AkArarUp dravyendriyA.N hai.n ve to pR^ithvI Adivat ja.D.h.h dekhI jAtI hai.n aur varNAdikake
jAnanerUp bhAvaindriyA.N hai.n so j~nAnarUp hai.n, aha.nkArakA kyA prayojan hai? koI-kisIko aha.nkAr
buddhirahit dekhaneme.n AtA hai? vahA.N aha.nkAr dvArA utpanna honA kaise sambhav hai? tathA man
kahA, so indriyavat hI man hai; kyo.nki dravyaman sharIrarUp hai, bhAvaman j~nAnarUp hai. tathA
pA.Nch karmaindriy kahate hai.n so yah to sharIrake a.ng hai.n, mUrtik hai.n. amUrtik aha.nkArase inakA
utpanna honA kaise mAne.n?
1. prakR^itamahA.nstatA.aha.nkArastaramAdgaNashcha ShoDashakaH.
tasmAdapi ShoDashakAtpa.nchabhyaH pa.nch bhUtAni.. (sA.nkhya kA0 12)