-
126 ] [ mokShamArgaprakAshak
tathA karma indriyA.N pA.Nch hI to nahI.n hai.n, sharIr ke sarva a.ng kAryakArI hai.n. tathA
varNan to sarva jIvAshrit hai, manuShyAshrit hI to nahI.n hai, isaliye sU.nD, pU.nCh ityAdi a.ng
bhI karmaindriyA.N hai.n; pA.NchakI hI sa.nkhyA kisaliye kahate hai.n?
tathA sparshAdik pA.Nch tanmAtrA kahI.n, so rUpAdi kuCh alag vastu nahI.n hai.n, ve to
paramANuo.n se tanmay guN hai.n; ve alag kaise utpanna hue? tathA aha.nkAr to amUrtik jIv
kA pariNAm hai, isaliye yah mUrtik guN kaise utpanna hue mAne.n?
tathA in pA.Ncho.nse agni Adi utpanna kahate hai.n so pratyakSha jhUTh hai. rUpAdik aur agni
Adikake to sahabhUt guN-guNI sambandha hai, kathanamAtra bhinna hai, vastubhed nahI.n hai. kisI prakAr
koI bhinna hote bhAsit nahI.n hote, kathanamAtrase bhed utpanna karate hai.n. isaliye rUpAdise agni
Adi utpanna hue kaise kahe.n? tathA kahaneme.n bhI guNIme.n guN hai.n, guNase guNI utpanna huA kaise mAne.n?
tathA inase bhinna ek puruSh kahate hai.n, parantu usakA svarUp avaktavya kahakar pratyuttar
nahI.n karate, to kaun samajhe? kaisA hai, kahA.N hai, kaise kartA-hartA hai, so batalA. jo batalAyegA
usIme.n vichAr karanese anyathApanA bhAsit hogA.
is prakAr sA.nkhyamat dvArA kalpit tattva mithyA jAnanA.
tathA puruShako prakR^itise bhinna jAnanekA nAm mokShamArga kahate hai.n; so pratham to prakR^iti aur
puruSh koI hai hI nahI.n tathA mAtra jAnanese hI to siddhi hotI nahI.n hai; jAnakar rAgAdik miTAne par
siddhi hotI hai. parantu is prakAr jAnanese kuCh rAgAdik nahI.n ghaTate. prakR^itikA karttavya mAne, Ap
akarttA rahe; to kisaliye Ap rAgAdik kam karegA? isaliye yah mokShamArga nahI.n hai.
tathA prakR^iti-puruShakA bhinna honA use mokSha kahate hai.n. so pachchIs tattvo.nme.n chaubIs tattva
to prakR^iti sambandhI kahe, ek puruSh bhinna kahA; so ve to bhinna hai.n hI; aur koI jIv
padArtha pachchIs tattvo.nme.n kahA hI nahI.n. tathA puruShako hI prakR^itikA sa.nyog hone par jIv sa.nj~nA
hotI hai to puruSh nyAre-nyAre prakR^itisahit hai.n, pashchAt sAdhan dvArA koI puruSh prakR^itirahit
hotA hai — aisA siddha huA, ek puruSh na ThaharA.
tathA prakR^iti puruShakI bhUl hai yA kisI vya.ntarIvat bhinna hI hai, jo jIvako A lagatI
hai? yadi usakI bhUl hai to prakR^itise indriyAdik va sparshAdik tattva utpanna hue kaise mAne.n?
aur alag hai to vah bhI ek vastu hai, sarva kartavya usakA ThaharA. puruShakA kuCh kartavya
hI nahI.n rahA, tab kisaliye upadesh dete hai.n?
is prakAr yah mokSha mAnanA mithyA hai.