-
134 ] [ mokShamArgaprakAshak
parantu is mArgake phalako Ap to prApta karatA hI nahI.n hai, kisaliye is mArgame.n pravartatA hai?
tathA tere matame.n nirarthak shAstra kisaliye banAye? upadesh to kuCh kartavya dvArA phal prApta karaneke
artha diyA jAtA hai. is prakAr yah mArga mithyA hai.
tathA rAgAdik j~nAnasa.ntAnavAsanAkA uchChed arthAt nirodh use mokSha kahate hai.n. parantu
kShaNik huA tab mokSha kisako kahatA hai? aur rAgAdikakA abhAv honA to ham bhI mAnate
hai.n; parantu j~nAnAdik apane svarUpakA abhAv hone par to apanA abhAv hogA, usakA upAy
karanA kaise hitakArI hogA? hitAhit kA vichAr karanevAlA to j~nAn hI hai; so apane abhAvako
j~nAnI hit kaise mAnegA?
tathA bauddhamatame.n do pramAN mAnate hai.n — pratyakSha aur anumAna. isake satyAsatyakA
nirUpaN jainashAstro.nse jAnanA. tathA yadi ye do hI pramAN hai.n to inake shAstra apramAN hue,
unakA nirUpaN kis artha kiyA? pratyakSha-anumAn to jIv Ap hI kar le.nge, tumane shAstra
kisaliye banAye?
tathA vahA.N sugatako dev mAnate hai.n aur usakA svarUp nagna va vikriyArUp sthApit
karate hai.n so biDambanArUp hai. tathA kamaNDal aur raktAmbarake dhArI, pUrvAhname.n bhojan karanevAle
ityAdi li.ngarUp bauddhamatake bhikShuk hai.n; so kShaNikako bheSh dhAraN karanekA kyA prayojan? parantu
maha.ntatAke artha kalpit nirUpaN karanA aur bheSh dhAraN karanA hotA hai.
is prakAr bauddho.n ke chAr prakAr hai.n — vaibhAShik, sautrA.ntik, yogAchAr, mAdhyamika.
vahA.N vaibhAShik to j~nAnasahit padArthako mAnate hai.n; sautrA.ntik pratyakSha yah dikhAI detA hai, yahI
hai, isase pare kuCh nahI.n hai aisA mAnate hai.n. yogAchAro.nke AchArasahit buddhi pAyI jAtI hai;
tathA mAdhyamik hai.n ve padArthake Ashray binA j~nAnako hI mAnate hai.n. ve apanI-apanI kalpanA
karate hai.n; parantu vichAr karane par kuCh ThikAnekI bAt nahI.n hai.
is prakAr bauddhamatakA nirUpaN kiyA.
chArvAkamat
ab chArvAkamat kA svarUp kahate hai.nH —
koI sarvaj~nadev, dharma, adharma, mokSha hai nahI.n, puNya-pApakA phal hai nahI.n, paralok hai
nahI.n; yah indriyagochar jitanA hai vah lok hai — aisA chArvAk kahatA hai.
so vahA.N usase pUChate hai.n — sarvaj~nadev is kAl-kShetrame.n nahI.n hai.n yA sarvadA sarvatra nahI.n
hai.n? is kAl-kShetrame.n to ham nahI.n mAnate hai.n, parantu sarvakAl-kShetrame.n nahI.n hai.n aisA jAnanA sarvaj~nake