-
254 ] [ mokShamArgaprakAshak
phi ra ham pUChate hai.n ki vratAdikako Cho.Dkar kyA karegA? yadi hi.nsAdirUp pravartegA
to vahA.N to mokShamArgakA upachAr bhI sambhav nahI.n hai; vahA.N pravartanese kyA bhalA hogA? narakAdi
prApta karegA. isaliye aisA karanA to nirvichArIpanA hai. tathA vratAdikarUp pariNatiko miTAkar
keval vItarAg – udAsInabhAvarUp honA bane to achChA hI hai; vah nichalI dashAme.n ho nahI.n sakatA;
isaliye vratAdi sAdhan Cho.Dkar svachChanda honA yogya nahI.n hai. isaprakAr shraddhAname.n nishchayako,
pravR^ittime.n vyavahArako upAdey mAnanA vah bhI mithyAbhAv hI hai.
tathA yah jIv dono.n nayo.nkA a.ngIkAr karaneke artha kadAchit apaneko shuddha siddha
samAn rAgAdi rahit, kevalaj~nAnAdi sahit AtmA anubhavatA hai, dhyAnamudrA dhAraN karake aise
vichAro.nme.n lagate hai.n; so aisA Ap nahI.n hai, parantu bhramase ‘nishchayase mai.n aisA hI hU.N’ — aisA
mAnakar santuShTa hotA hai. tathA kadAchit vachan dvArA nirUpaN aisA hI karatA hai. parantu
nishchay to yathAvat vastuko prarUpit karatA hai. pratyakSha Ap jaisA nahI.n hai vaisA apaneko
mAne to nishchay nAm kaise pAye? jaisA keval nishchayAbhAsavAle jIvake ayathArthapanA pahale kahA
thA usI prakAr isake jAnanA.
athavA yah aisA mAnatA hai ki is nayase AtmA aisA hai, is nayase aisA hai. so
AtmA to jaisA hai vaisA hI hai; parantu usame.n nay dvArA nirUpaN karanekA jo abhiprAy hai
use nahI.n pahichAnatA. jaise — AtmA nishchayase to siddhasamAn kevalaj~nAnAdi sahit, dravyakarma-
nokarma-bhAvakarma rahit hai aur vyavahAranayase sa.nsArI matij~nAnAdi sahit tathA dravyakarma-nokarma-
bhAvakarma sahit hai — aisA mAnatA hai; so ek AtmAke aise do svarUp to hote nahI.n hai.n;
jis bhAvakA hI sahitapanA us bhAvakA hI rahitapanA ek vastume.n kaise sambhav ho? isaliye
aisA mAnanA bhram hai.
to kis prakAr hai? jaise — rAjA aur ra.nk manuShyapanekI apekShA samAn hai.n; usI prakAr
siddha aur sa.nsArIko jIvatvapanekI apekShA samAn kahA hai. kevalaj~nAnAdikI apekShA samAnatA
mAnI jAy, so to hai nahI.n; sa.nsArIke nishchayase matij~nAnAdik hI hai.n, siddhake kevalaj~nAn hai.
itanA visheSh hai ki sa.nsArIke matij~nAnAdik karmake nimittase hai.n, isaliye svabhAv-apekShA sa.nsArIme.n
kevalaj~nAnakI shakti kahI jAye to doSh nahI.n hai. jaise — ra.nk manuShyame.n rAjA honekI shakti pAyI
jAtI hai, usI prakAr yah shakti jAnanA. tathA dravyakarma-nokarma pudgalase utpanna hue hai.n, isaliye
nishchayase sa.nsArIke bhI inakA bhinnapanA hai, parantu siddhakI bhA.Nti inakA kAraN kArya-apekShA sambandha
bhI na mAne to bhram hI hai. tathA bhAvakarma AtmAkA bhAv hai so nishchayase AtmAkA hI hai,
parantu karmake nimittase hotA hai, isaliye vyavahArase karmakA kahA jAtA hai. tathA siddhakI bhA.Nti
sa.nsArIke bhI rAgAdik na mAnanA, unhe.n karmakA hI mAnanA vah bhI bhram hai.