-
314 ] [ mokShamArgaprakAshak
mokSha hotA hai aur unake na hone par sarvathA mokSha nahI.n hotA. – aise yah kAraN kahe, uname.n
atishayapUrvak niyamase mokShakA sAdhak jo samyagdarshan-j~nAn-chAritrakA ekIbhAv so mokShamArga
jAnanA. in samyagdarshan-samyagj~nAn-samyakchAritrame.n ek bhI na ho to mokShamArga nahI.n hotA.
vahI ‘sUtrame.n’ kahA haiH – ‘‘samyagdarshanaj~nAnachAritrANi mokShamArgaH..’’ (tattvArthasUtra 1 – 1)
is sUtrakI TIkAme.n kahA hai ki yahA.N ‘‘mokShamArgaH’’ aisA ekavachan kahA, usakA artha
yah hai ki tIno.n milane par ek mokShamArga hai, alag-alag tIn mArga nahI.n hai.n.
yahA.N prashna hai ki asa.nyat samyagdR^iShTike to chAritra nahI.n hai, usako mokShamArga huA hai
yA nahI.n huA hai?
samAdhAnaH – mokShamArga usake hogA, yah to niyam huA; isaliye upachArase isake mokShamArga
huA bhI kahate hai.n; paramArthase samyakchAritra hone par hI mokShamArga hotA hai. jaise – kisI puruShako
kisI nagar chalanekA nishchay huA; isaliye usako vyavahArase aisA bhI kahate hai.n ki ‘yah
us nagarako chalA hai’; paramArthase mArgame.n gaman karane par hI chalanA hogA. usI prakAr
asa.nyatasamyagdR^iShTiko vItarAgabhAvarUp mokShamArgakA shraddhAn huA; isaliye usako upachArase
mokShamArgI kahate hai.n; paramArthase vItarAgabhAvarUp pariNamit hone par hI mokShamArga hogA. tathA
pravachanasArame.n bhI tIno.nkI ekAgratA hone par hI mokShamArga kahA hai. isaliye yah jAnanA ki
tattvashraddhAn-j~nAn binA to rAgAdi ghaTAnese mokShamArga nahI.n hai aur rAgAdi ghaTAye binA
tattvashraddhAn-j~nAnase bhI mokShamArga nahI.n hai. tIno.n milane par sAkShAt mokShamArga hotA hai.
ab, inakA nirdesh, lakShaNanirdesh aur parIkShAdvArase nirUpaN karate hai.nH –
vahA.N ‘samyagdarshan, samyagj~nAn, samyakchAritra mokShakA mArga hai’ – aisA nAm mAtra kathan vah
to ‘nirdesh’ jAnanA.
tathA ativyApti, avyApti, asambhavapanese rahit ho aur jisase inako pahichAnA jAye
so ‘lakShaN’ jAnanA; usakA jo nirdesh arthAt nirUpaN so ‘lakShaNanirdesh’ jAnanA.
vahA.N jisako pahichAnanA ho usakA nAm lakShya hai, usake sivA aurakA nAm alakShya
hai. so lakShya va alakShya dono.nme.n pAyA jAye, aisA lakShaN jahA.N kahA jAye vahA.N ativyAptipanA
jAnanA. jaise – AtmAkA lakShaN ‘amUrtattva’ kahA; so amUrtattvalakShaN lakShya jo AtmA hai usame.n
bhI pAyA jAtA hai aur alakShya jo AkAshAdik hai.n uname.n bhI pAyA jAtA hai; isaliye yah
‘ativyApta’ lakShaN hai. isake dvArA AtmAko pahichAnanese AkAshAdik bhI AtmA ho jAye.nge;
yah doSh lagegA.