૮ ][ પંચસ્તોત્ર
જાય છે, શોભા રહિત થઈ જાય છે. (ઘણા લોકો આપના મુખને ચંદ્રમાની
ઉપમા આપે છે, પણ એ બરાબર નથી, કારણ કે આપની શોભા સ્થાયી
છે અને ચંદ્રમાની શોભા અસ્થાયી છે. એ સિવાય એ કલંકી છે ને આપ
નિષ્કલંકી છો.) ૧૩.
संपूर्णमंडलशशाङ्गकलाकलाप
शुभ्रा गुणास्त्रिभुवनं तव लङ्घयन्ति ।
ये संश्रितास्त्रिजगदीश्वरनाथमेकं
कस्तान्निवारयति संचरतो यथेष्टम् ।।१४।।
સંપૂર્ણ ચંદ્રતણી કાન્તિ સમાન તારા,
રૂડા ગુણો ભુવન ત્રૈણ ઉલંઘનારા;
ત્રૈલોકનાથ તુજ આશ્રિત એક તેને,
સ્વેચ્છા થકી વિચરતાં કદિ કોણ રોકે? ૧૪.
ભાવાર્થ : — હે પ્રભો! પૂર્ણ ચંદ્રમાની કળાની માફક નિર્મળ એવા
આપના ગુણો ફેલાઈ ગયા છે; કેમકે ત્રણે જગત્ના આપ એકલા જ સ્વામી
છો તેથી આપના આશ્રયે રહેલા તે ગુણોને ઇચ્છા પ્રમાણે વર્તતાં કોણ
અટકાવી શકે એમ છે? ૧૪.
चित्रं किमत्र यदि ते त्रिदशाङ्गनाभि —
र्नीतं मनागपि मनो न विकारमार्गम् ।
कल्पान्तकालमरुता चलिताचलेन
किं मंदराद्रिशिखरं चलितं कदाचित् ।।१५।।
આશ્ચર્ય શું પ્રભુતણા મનમાં વિકાર —
દેવાંગના ન કદિ લવી શકી લગાર;
સંહારકાળ પવને ગિરિ સર્વ ડોલે,
મેરુ ગિરિ શિખર શું કદિ તોય ડોલે? ૧૫.