Panchastikay Sangrah-Hindi (simplified iso15919 transliteration).

prashnaḥ– [1] vyavahārake binā nishchayakā upadesh nahīn hotā – vah kis prakār? tathā [2]

vyavahāranayako aṅgīkār nahīn karanā chāhiye – vah kis prakār?

uttaraḥ– [1] nishchayanayase to ātmā paradravyase bhinna, svabhāvonse abhinna svayansiddha vastu hai. use

jo na pahichānee, unasee aisā hī kahate rahe to ve nahīn samajheṅge. isaliye unhen samajhāneke liye
vyavahāranayase sharīrādik paradravyoṅkī sāpekṣhatā dvārā nar–nārak–pr̥ithvīkāyādirūp jīvake bhed kiye,
tab ‘manuṣhya jīv hai,’ nārakī jīv hai’ ityādi prakārase unhen jīvakī pahichān huī; athavā abhed
vastumen bhed utpanna karake gnān–darshanādi guṇaparyāyarūp jīvake bhed kiye, tab ‘jānanevālā jīv hai,’
‘dekhanevālā jīv hai’ ityādi prakārase unhenn jīvakī pahichān huī. aur nishchayase to vītarāgabhāv
mokṣhamārga hai; kintu use jo nahīn jānate, unasee aisā hī kahate rahen to ve nahīn samajheṅge ; isaliye
unhen samajhāneke liye, vyavahāranayase tattvārthashraddhān gnānapūrvak paradravyakā nimitta miṭānekī sāpekṣhatā
dvārā vrat–shīl–sanyamādirūp vītarāgabhāvake visheṣh darshāye, tab unhen vītarāgabhāvakī pahichān huī.
isī prakār, anyatra bhī vyavahār binā nishchayakā upadesh na honā samajhanā.

[2] yahān̐ vyavahārase nar–nārakādi paryāyako hī jīv kahā. isaliye kahīn us paryāyako hī

jīv na mān lenā. paryāy to jīv–pudgalake sanyogarūp hai. vahān̐ nishchayase jīvadravya prathak hai;
usīko jīv mānanā. jīvake sanyogase sharīrādikako bhī jīv kahā vah kathanamātra hī hai. paramārthase
sharīrādik jīv nahīn hote. aisā hī shraddhān karanā. ḍūsarabh, abhed ātmāmen gnān–darshanādi bhed
kiye isaliye kahīn unhen bhedarūp hī na mān lenā; bhed to samajhāneke liye hai. nishchayase ātmā
abhed hī hai; usīko jīvavastu mānanā. sañgnā–saṅkhyādi bhed kahe ve kathanamātra hī hai ; paramāthase ve
pr̥uthak– pr̥uthak nahīn haĩn. aisā hī shraddhān karanā. punashcha, paradravyakā nimitta miṭānekī apekṣhāse vrat–
shīl–sanyamādikako mokṣhamārga kahā isaliye kahīn unhīṅko mokṣhamārga na mān lenā; kyoṅki paradravyake
grahaṇ–tyāg ātmāko ho to ātmā paradravyakā kartā–hartā ho jāye, kintu koī dravya kisī dravyake
ādhīn nahīn haĩn. ātmā to apane bhāv jo rāgādik hai unhen chhoṛakar vītarāgī hotā hai, isaliye
nishchayase vītarāgabhāv hī mokṣhamārga hai. vītarāgabhāvoṅko aur vratādikako kadāchit kāryakāraṇapanā hai
isaliye vratādikako mokṣhamārga kahā kintu vah kathanamātra hī hai. paramārthase bāhyakriyā mokṣhamārga nahīn
hai. aisā hī shraddhān karanā. isī prakār, anyatra bhī vyavahāranayako aṅgīkār na karanekā samajh
lenā.

< Previous Page Next Page >