বেদোদযে বিদ্যমানেঽপি মন্দমোহোদযেন স্ত্রীবিষযবাধা নাস্তি, তথা ভগবত্যসদ্বেদ্যোদযে বিদ্যমানেঽপি নিরবশেষমোহাভাবাত্ ক্ষুধাবাধা নাস্তি . যদি পুনরুচ্যতে ভবদ্ভি ::::: — মিথ্যাদৃষ্টযাদিসযোগ- কেবলিপর্যন্তাস্ত্রযোদশগুণস্থানবর্তিনো জীবা আহারকা ভবন্তীত্যাহারকমার্গণাযামাগমে ভণিতমাস্তে, ততঃ কারণাত্ কেবলিনামাহারোঽস্তীতি . তদপ্যযুক্তম্ . ‘‘ণোকম্ম -কম্মহারো কবলাহারো য লেপ্পমাহারো . ওজমণো বি য কমসো আহারো ছব্বিহো ণেযো’’ .. ইতি গাথাকথিতক্রমেণ যদ্যপি ষট্প্রকার আহারো ভবতি তথাপি নোকর্মাহারাপেক্ষযা কেবলিনামাহারকত্বমববোদ্ধব্যম্ . ন চ কবলাহারাপেক্ষযা . তথাহি — সূক্ষ্মাঃ সুরসাঃ সুগন্ধা অন্যমনুজানামসংভবিনঃ কবলাহারং বিনাপি কিঞ্চিদূনপূর্বকোটিপর্যন্তং শরীরস্থিতিহেতবঃ সপ্তধাতুরহিতপরমৌদারিকশরীরনোকর্মাহারযোগ্যা লাভান্ত- রাযকর্মনিরবশেষক্ষযাত্ প্রতিক্ষণং পুদ্গলা আস্রবন্তীতি নবকেবললব্ধিব্যাখ্যানকালে ভণিতং তিষ্ঠতি . ততো জ্ঞাযতে নোকর্মাহারাপেক্ষযা কেবলিনামাহারকত্বম্ . অথ মতম্ – ভবদীযকল্পনযা আহারানাহারকত্বং নোকর্মাহারাপেক্ষযা, ন চ কবলাহারাপেক্ষযা চেতি কথং জ্ঞাযতে . নৈবম্ . ‘‘একং দ্বৌ ত্রীন্ বানাহারকঃ’’ ইতি তত্ত্বার্থে কথিতমাস্তে . অস্য সূত্রস্যার্থঃ কথ্যতে — ভবান্তরগমনকালে বিগ্রহগতৌ শরীরাভাবে সতি নূতনশরীরধারণার্থং ত্রযাণাং শরীরাণাং ষণ্ণাং পর্যাপ্তীনাং যোগ্যপুদ্গলপিণ্ডগ্রহণং নোকর্মাহার উচ্যতে . স চ বিগ্রহগতৌ কর্মাহারে বিদ্যমানেঽপ্যেকদ্বিত্রিসমযপর্যন্তং নাস্তি . ততো নোকর্মাহারাপেক্ষযাঽঽহারা- নাহারকত্বমাগমে জ্ঞাযতে . যদি পুনঃ কবলাহারাপেক্ষযা তর্হি ভোজনকালং বিহায সর্বদৈবানাহারক এব, সমযত্রযনিযমো ন ঘটতে . অথ মতম্ – কেবলিনাং কবলাহারোঽস্তি মনুষ্যত্বাত্ বর্তমানমনুষ্যবত্ . তদপ্যযুক্ত ম্ . তর্হি পূর্বকালপুরুষাণাং সর্বজ্ঞত্বং নাস্তি, রামরাবণাদিপুরুষাণাং চ বিশেষসামর্থ্যং নাস্তি বর্তমানমনুষ্যবত্ . ন চ তথা . কিংচ ছদ্মস্থতপোধনা অপি সপ্তধাতুরহিতপরমৌদারিকশরীরাভাবে ‘ছট্ঠো ত্তি পঢমসণ্ণা’ ইতি বচনাত্ প্রমত্তসংযতষষ্ঠগুণস্থানবর্তিনো যদ্যপ্যাহারং গৃহ্ণন্তি তথাপি জ্ঞানসংযম- ধ্যানসিদ্ধযর্থং, ন চ দেহমমত্বার্থম্ . উক্তং চ — ‘‘কাযস্থিত্যর্থমাহারঃ কাযো জ্ঞানার্থমিষ্যতে . জ্ঞানং কর্মবিনাশায তন্নাশে পরমং সুখম্’’ .. ‘‘ণ বলাউসাহণট্ঠং ণ সরীরস্স য চযট্ঠ তেজট্ঠং . ণাণট্ঠ সংজমট্ঠং ঝাণট্ঠং চেব ভুংজংতি ..’’ তস্য ভগবতো জ্ঞানসংযমধ্যানাদিগুণাঃ স্বভাবেনৈব তিষ্ঠন্তি ন চাহারবলেন . যদি পুনর্দেহমমত্বেনাহারং গৃহ্ণাতি তর্হি ছদ্মস্থেভ্যোঽপ্যসৌ হীনঃ প্রাপ্নোতি . অথোচ্যতে — তস্যাতিশযবিশেষাত্প্রকটা ভুক্তির্নাস্তি প্রচ্ছন্না বিদ্যতে . তর্হি পরমৌদারিকশরীরত্বাদ্ভুক্তিরেব নাস্ত্যযমেবাতিশযঃ কিং ন ভবতি . তত্র তু প্রচ্ছন্নভুক্তৌ মাযাস্থানং দৈন্যবৃত্তিঃ, অন্যেঽপি পিণ্ডশুদ্ধিকথিতা দোষা বহবো ভবন্তি . তে চান্যত্র তর্কশাস্ত্রে জ্ঞাতব্যাঃ . অত্র
অন্বযার্থ : — [কেবলজ্ঞানিনঃ ] কেবলজ্ঞানীকে [দেহগতং ] শরীরসম্বন্ধী [সৌখ্যং ] সুখ [বা পুনঃ দুঃখং ] যা দুঃখ [নাস্তি ] নহীং হৈ, [যস্মাত্ ] ক্যোংকি [অতীন্দ্রিযত্বং জাতং ] অতীন্দ্রিযতা উত্পন্ন হুঈ হৈ [তস্মাত্ তু তত্ জ্ঞেযম্ ] ইসলিযে ঐসা জাননা চাহিযে ..২০..