sarvathA asatyArtha na mAnA jAye; kyonki syAdvAdapramANase shuddhatA aur ashuddhatA — donon vastuke dharma hain aur vastudharma vastukA sattva hai; antar mAtra itanA hI hai ki ashuddhatA paradravyake sanyogase hotI hai . ashuddhanayako yahAn hey kahA hai, kyonki ashuddhanayakA viShay sansAr hai aur sansAramen AtmA klesh bhogatA hai; jab svayam paradravyase bhinna hotA hai tab sansAr chhUTatA hai aur klesh dUr hotA hai . isaprakAr dukh miTAneke liye shuddhanayakA upadesh pradhAn hai . ashuddhanayako asatyArtha kahanese yah na samajhanA chAhie ki AkAshake phU lakI bhAnti vah vastudharma sarvathA hI nahIn hai . aisA sarvathA ekAnta samajhanese mithyAtva hotA hai; isaliye syAdvAdakI sharaN lekar shuddhanayakA Alamban lenA chAhiye . svarUpakI prApti honeke bAd shuddhanayakA bhI Alamban nahIn rahatA . jo vastusvarUp hai vah hai — yah pramANadRuShTi hai . isakA phal vItarAgatA hai . isaprakAr nishchay karanA yogya hai .
yahAn, (gnAyakabhAv) pramatta-apramatta nahIn hai aisA kahA hai vahAn guNasthAnonkI paripATImen chhaTThe guNasthAn tak pramatta aur sAtavense lekar apramatta kahalAtA hai . kintu yah sab guNasthAn ashuddhanayakI kathanImen hai; shuddhanayase to AtmA gnAyak hI hai ..6..
ab, prashna yah hotA hai ki darshan, gnAn aur chAritrako AtmAkA dharma kahA gayA hai, kintu yah to tIn bhed hue; aur in bhedarUp bhAvonse AtmAko ashuddhatA AtI hai ! isake uttarasvarUp gAthAsUtra kahate hain : —
gAthArtha : — [gnAnina ] gnAnIke [charitran darshanan gnAnam ] chAritra, darshan, gnAn — yah tIn bhAv [vyavahAreN ] vyavahArase [upadishyate ] kahe jAte hain; nishchayase [gnAnan api na ] gnAn bhI nahIn hai, [charitran na ] chAritra bhI nahIn hai aur [darshanan na ] darshan bhI nahIn hai; gnAnI to ek [gnAyaka shuddha ] shuddha gnAyak hI hai .