svayaṅkā hī doṣh, mithyātvādikā jaṛapanā usī prakār chetanapanā, puṇya aur pāp donoṅkā bandhasvarūpapanā, mokṣhamārgamen charaṇānuyog kā sthān — ityādi anek viṣhay is shāstramen prarūpaṇ kiye hain. bhavya jīvoṅko yathārtha mokṣhamārga batalānekā in sabakā uddesh hai. is shāstrakī mahattā dekhakar antar ullās ā jānese shrīmad jayasen āchārya kahate hain ki ‘jayavant varto ve padmanandi āchārya arthāt kundakunda āchārya ki jinhonne mahātattvase bhare huye prābhr̥utarūpī parvatako buddhirūpī sir par uṭhākar bhavya jīvoṅko samarpit kiyā hai. vastutaḥ is kālamen yah shāstra mumukṣhu bhavya jīvoṅkā param ādhār hai. aise duḥṣham kālamen bhī aisā adbhut ananya-sharaṇabhūt shāstra — tīrthaṅkaradevake mukhamense nikalā huā amr̥ut — vidyamān hai yah ham sabakā mahā sadbhāgya hai. nishchay-vyavahārakī sandhipūrvak yathārtha mokṣhamārgakī aisī saṅkalanābaddha prarūpaṇā dūsare koī bhī granthamen nahīn hai. paramapūjya sadgurudev(shrī kānajīsvāmī)ke shabdommen kahā jāye to — ‘yah samayasār shāstra āgamoṅkā bhī āgam hai; lākhon shāstroṅkā sār isamen hai; jainashāsanakā yah stambha hai; sādhakakī yah kāmaghenu hai, kalpavr̥ukṣha hai. chaudah pūrvakā rahasya isamen samāyā huvā hai. isakī haraek gāthā chhaṭṭhe-sātaven guṇasthānamen jhūlate hue mahāmunike ātma-anubhavamense nikalī huī hai. is shāstrake kartā bhagavān kundakundāchāryadev mahāvidehakṣhetramen sarvagna vītarāg shrī sīmangharabhagavānake samavasaraṇamen gaye the aur vahān̐ ve āṭh din rahe the yah bāt yathātathya hai, akṣharashaḥ satya hai, pramāṇasiddha hai, isamen leshamātra bhī shaṅkāke liye sthān nahīn hai. un param upakārī āchāryabhagavān dvārā rachit is samayasāramen tīrthaṅṅkaradevakī nirakṣharī omkāradhvanimense nikalā huā hī upadesh hai’.
is shāstramen bhagavān kundakundāchāryadevakī prākr̥it gāthāon par ātmakhyāti nāmakī sanskr̥it ṭīkā likhanevāle (lagabhag vikramakī dasavīn shatābdīmen hue) shrīmān amr̥utachandrāchāryadev hain. jisaprakār is shāstrake mūl kartā alaukik puruṣh hain usīprakār isake ṭīkākār bhī mahāsamartha āchārya hain. ātmakhyāti jaisī ṭīkā abhī tak dūsare koī jain granthakī nahīn likhī gaī hai. unhonne pañchāstikāyasaṅgrah tathā pravachanasārakī bhī ṭīkā likhī hai aur tattvārthasār, puruṣhārthasiddhayupāy ādi svatantra grantha bhī likhe hain. unakī ek is ātmakhyāti ṭīkā parḥanevāleko hī unakī adhyātmarasikatā, ātmānubhav, prakhar vidvattā, vastusvarūpako nyāyase siddha karanekī unakī asādhāraṇ shakti aur uttam kāvyashaktikā pūrā gnān ho jāyegā. ati saṅkṣhepamen gambhīr rahasyoṅko bharadenekī unakī anokhī shakti vidvānoṅko āshcharyachakit karatī hai. unakī yah daivī ṭīkā shrutakevalīke vachanoṅke samān hai. jisaprakār mūlashāstrakartāne samasta nijavaibhavase is shāstrakī rachanā kī hai usīprakār ṭīkākārane bhī atyanta utsāhapūrvak sarva nijavaibhavase yah ṭīkā rachī hai, aisā is ṭīkāke parḥanevāloṅko svabhāvataḥ hī nishchay huye binā nahīn rah sakatā. shāsanamānya bhagavān kundakundāchāryadevane is kalikālamen jagadguru tīrthaṅkaradevake jaisā kām kiyā hai aur shrī amr̥utachandrāchāryadevane, mānon ki ve kundakundabhagavānke hr̥udayamen pravesh kar gaye hon us prakārase unake