Samaysar-Hindi (simplified iso15919 transliteration). Page: 16.

samayasār

[ bhagavānashrīkundakunda-

dāhyaniṣhṭhadahanasyevāshuddhatvan, yato hi tasyāmavasthāyān gnāyakatven yo gnātaḥ sa
svarūpaprakāshanadashāyān pradīpasyev kartr̥ukarmaṇorananyatvāt gnāyak ev .

aur jaise dāhya ( — jalane yogya padārtha) ke ākār honese agniko dahan kahate hain tathāpi usake dāhyakr̥ut ashuddhatā nahīn hotī, usī prakār gneyākār honese us ‘bhāv’ke sāth gnāyakatā prasiddha hai, tathāpi usake gneyakr̥ut ashuddhatā nahīn hai; kyoṅki gneyākār avasthāmen jo gnāyakarūpase gnāt huā vah svarūpaprakāshanakī (svarūpako jānanekī) avasthāmen bhī dīpakakī bhānti, kartā- karmakā ananyatva honese gnāyak hī hai — svayam jānanevālā hai, isalie svayam kartā aur apaneko jānā, isalie svayam hī karma hai . (jaise dīpak ghaṭapaṭādiko prakāshit karanekī avasthāmen bhī dīpak hai aur apaneko — apanī jyotirūp shikhāko — prakāshit karanekī avasthāmen bhī dīpak hī hai, anya kuchh nahīn; usī prakār gnāyakakā samajhanā chāhiye .)

bhāvārtha : — ashuddhatā paradravyake sanyogase ātī hai . usamen mūl dravya to anya dravyarūp nahīn hotā, mātra paradravyake nimittase avasthā malin ho jātī hai . dravyadr̥uṣhṭise to dravya jo hai vahī hai aur paryāy(avasthā)-dr̥uṣhṭise dekhā jāye to malin hī dikhāī detā hai . isīprakār ātmākā svabhāv gnāyakatvamātra hai, aur usakī avasthā pudgalakarmake nimittase rāgādirūp malin hai vah paryāy hai . paryāy-dr̥uṣhṭise dekhā jāy to vah malin hī dikhāī detā hai aur dravyadr̥uṣhṭise dekhā jāye to gnāyakatva to gnāyakatva hī hai; yah kahīn jaṛatva nahīn huā . yahān̐ dravyadr̥uṣhṭiko pradhān karake kahā hai . jo pramatta-apramattake bhed hain ve paradravyake sanyogajanit paryāy hain . yah ashuddhatā dravyadr̥uṣhṭimen gauṇ hai, vyavahār hai, abhūtārtha hai, asatyārtha hai, upachār hai . dravyadr̥uṣhṭi shuddha hai, abhed hai, nishchay hai, bhūtārtha hai, satyārtha hai, paramārtha hai . isaliye ātmā gnāyak hī hai; usamen bhed nahīn hai isaliye vah pramatta-apramatta nahīn hai . ‘gnāyak’ nām bhī use gneyako jānanese diyā jātā hai; kyoṅki gneyakā pratibimba jab jhalakatā hai tab gnānamen vaisā hī anubhav hotā hai . tathāpi use gneyakr̥ut ashuddhatā nahīn hai, kyoṅki jaisā gney gnānamen pratibhāsit huā vaisā gnāyakakā hī anubhav karane par gnāyak hī hai . ‘yah jo main jānanevālā hūn̐ so main hī hūn̐, anya koī nahīn’ — aisā apaneko apanā abhedarūp anubhav huā tab is jānanerūp kriyākā kartā svayam hī hai aur jise jānā vah karma bhī svayam hī hai . aisā ek gnāyakatvamātra svayam shuddha hai . — yah shuddhanayakā viṣhay hai . anya jo parasanyogajanit bhed hain ve sab bhedarūp ashuddhadravyārthikanayake viṣhay hain . ashuddhadravyārthikanay bhī shuddha dravyakī dr̥uṣhṭimen paryāyārthik hī hai, isaliye vyavahāranay hī hai aisā āshay samajhanā chāhie .

yahān̐ yah bhī jānanā chāhie ki jinamatakā kathan syādvādarūp hai, isaliye ashuddhanayako

< Previous Page Next Page >