Sattasvarup (Gujarati). Page: 16.

૧૬ ]

[ સત્તાસ્વરૂપ

દર્શનાદિ ધર્મબુદ્ધિપૂર્વક કરીએ છીએ.’ તેને કહીએ છીએ કે —

એ દેવ તો સાચા જ છે, પરંતુ તમારા જ્ઞાનમાં તેનું

સાચાપણું ભાસ્યું નથી, જેમ તમે પંચાયત વા કુલાદિના
આશ્રયે ધર્મબુદ્ધિથી પૂજાદિ કાર્યોમાં પ્રવર્તો છો તે જ પ્રમાણે
અન્યમતાવલંબી પણ ધર્મબુદ્ધિથી વા પોતાની પંચાયત વા
કુલાદિકના આશ્રયે પોતાના દેવાદિકની પૂજાદિ કરે છે, તો
ત્યાં તમારામાં અને તેમનામાં વિશેષ ફરક ક્યાં રહ્યો? ત્યારે
તે શંકાકાર કહે છે કે – અમે તો સાચા જિનદેવની પૂજાદિક

કરીએ છીએ, પણ અન્ય મિથ્યાદેવની પૂજાદિક કરે છે
એટલી તો વિશેષતા છે? તેને કહીએ છીએ કે – (વાસ્તવિક)

ધર્મબુદ્ધિ તો તમારામાં પણ નથી તથા એ અન્યમાં પણ
નથી, જેમ બે બાળક અજ્ઞાની હતા એ બંનેમાં એક
બાળકના હાથમાં હીરો આવ્યો તથા બીજાના હાથમાં એક
બિલોરી પથ્થર આવ્યો, એ બંનેએ શ્રદ્ધાપૂર્વક તેને
પોતપોતાના આંચળમાં (કપડાના છેડામાં) બાંધી લીધા, પરંતુ
બંને બાળકોને તેનું યથાર્થ મતિજ્ઞાન નથી એ અપેક્ષાએ તે
બંને અજ્ઞાની જ છે. જેના હાથમાં હીરો આવ્યો તે હીરો
જ છે તથા બિલોરી પથ્થર આવ્યો તેની પાસે બિલોરી
પથ્થર જ છે.

ત્યારે તે કહે છે કે – અન્યમતવાળાને ગૃહિતમિથ્યાત્વ

છે અને અમે તો સાચા દેવાદિની પૂજા કરીએ છીએ – અન્ય

દેવાદિની નથી કરતા, તેથી અમને ગૃહિતમિથ્યાત્વ તો છૂટ્યું

< Previous Page Next Page >