દિશિ ઓર ધરે રંચક ન ધ્યાન, તબ પાવત હૈ અક્ષય નિધાન;
જિન સો નિજ નિજ સો જિનસ્વરૂપ, કરકે પ્રતીતિ હ્વૈ જગતભૂપ. ૮
વર ભક્તિ તિહારી તેં જિનંદ, પ્રગટે સુખ નાનાવિધ અમંદ;
ઇમ મુનિજન મિલ નિહચે સુકીન, તુમ ધ્યાન વિષે નિત હોત લીન. ૯
તે પાવત હૈં શુચિ શક્તિ સાર, સો સુરપતિ હૂ મેં ન લગાર;
તુમ ધન્ય જગોત્તમ દેવદેવ, નિત કરત પાક શાસન સુસેવ. ૧૦
વસુ દ્રવ્ય ચઢાવત ધરિ ઉમંગ, પુનિ નાચત રાચત ભક્તિ રંગ;
વિરયાં સમાન રચિ સબ સુઠાટ, કરિ તન છિન લઘુ છિનમેં વિરાટ. ૧૧
સજિ સ્વાંગ વિવિધ વિધિકે અનૂપ, સરસાત નવું રસ દેવભૂપ;
વર ભૂષન ભૂષિત લસત અંગ, મનુ ભૂષણાંગ સુરતરુ ચલંગ. ૧૨
ધુનિ ભૂષણ મુખવાદિત્ર ભૂરિ, મિલિ એક સનાકો સુરહિ પૂર;
સમસુર ત્રિતાલ ત્રયગ્રામ ધારિ, લય લલિત તરલ તાનેં અપાર. ૧૩
તતતા તતતા વિતતા ભનંત, થેઈતા થેઈતા થેઈતા ચલંત;
છુમ છુમ છુમ ઘુંઘરૂ ઘમક ચંગ, દ્રુમ દ્રુમ દ્રુમ દ્રુમ બાજત મૃદંગ. ૧૪
સનન નનન સારંગી ઉચાર, તૂં તૂં તનનં તનનં સિતાર;
તં તનન તનન મુહચંગ ચંગ, ઝનઝનઝન ઝુનકે જલતરંગ. ૧૫
ટમટમટમટમ ટંકાર પૂરિ, મંજિર બજેં સુરતેં સનૂરિ;
કરતાર ઝરર ઝરરર ઝુનંત, સમપે સબ આવત એકતંત. ૧૬
છિનમેં જુગ બાહુનકું પસાર, સોહે ચલ કર પલ્લવ અપાર;
ઇક કર કટિ ધરિ કરિ ગ્રીવ બંક, ઇક કર શિર ધરિ નાચે ત્રિબંક.૧૭
ભજનમાળા ][ ૧૮૩