વેદી તજિ ધ્વજપંક્તિ વિશાલ, ઇક યોજન પંચમ ભૂ રસાલ;
પુનિ રજત કોટ પૂરવ સમાન, રાજેં અનુપમ રચના નિધાન. ૨૧
દરવાન જહાં સુરનાગ જાન, સન્મુખ અદ્ભુત રાજે મહાન;
પુનિ છઠવીં ભુમિ યોજન મઝાર, વન કલ્પવૃક્ષ સોહે અપાર. ૨૨
તરુ સિદ્ધ ચહું દિશ હૈ શુભેશ, યુત સિદ્ધ બિંબ રાજેં નગેશ;
મંદારન મેરુક પારિજાત, સંતાનકયુત ઇમ ચાર ભાંત. ૨૩
વેદી તજિ પુનિ યોજન સૂ આધ, ભુવિ સપ્તમી રાજત હરિ વિષાદ;
ચહું દિશમેં નવ નવ તૂપ શૃંગ, જિનપ્રતિમાયુત છબિકે પ્રસંગ. ૨૪
પુનિ ફટિક કોટ શોભા અમાન, સબતેં અદ્ભુત રાજે મહાન;
ગોપુર પન્નાસમ લસત જાસ, સુરકલ્પ સુભગ દરવાન જાસ. ૨૫
ગલિયનકી વેદી યુત મહાન, વેદી તક ષોડશ ભીંત જાન;
તિનપૈં ખંભન પર ફટિકરૂપ, શ્રી મંડપ રાજત હૈ અનૂપ. ૨૬
મુક્તાફલમાલા રત્નઘંટ, ઘટધૂપ આદિ રચના મહંત;
સબ થલ તેં અષ્ટમ ભૂ મઝાર, રચના અદ્ભુત આનંદકાર. ૨૭
તિનમેં ચહું ઓર ગલી જૂ ટાર, દશ-દોય સભા શોભે સુસાર;
મુનિ કલ્પસુરી અજિયા સુજાની, તિય જ્યોતિષ વ્યંતર ભુવન માનિ.
વ્યંતર ભાવન જ્યોતિષ જૂ દેવ, કલ્પામર નર પશુ યેમ ભેવ;
પુુનિ ભીતર વેદી મધ્ય જાનિ, હૈ પ્રથમ પીઠ પન્ના સમાન. ૨૯
વસુ ધનુષ તુંગ દ્વય કોશ વ્યાસ, વસુ પહલ દ્વિગુન છવિ ગોલ જાસ;
તા પરિ ચારોં દિશ યક્ષ દેવ, વૃષચક્ર ધરેં શિરપે સ્વમેવ. ૩૦
૨૦૪ ][ શ્રી જિનેન્દ્ર