अकलं अचलं सकलं विमलं, अअलं सअलं सुवचं सुअलं;
अतनं अगनं सुमनं दमनं, रमनं वमनं भव दुःखगनं. २
दुःखदाघहतार्थ घनं सघनं, गरुडं दुर रागफणी दमनं;
अघ औघघनं घन हो पवनं, दुर आस पिपासहनं सुवनं. ३
अघटं विकटं निकटं सुघटं, अतटं सुतटं विरटं सुरटं;
अखयं अभयं अजरं अमरं, सचिरं अचिरं सपरं अपरं. ४
विददं अमदं अगदं सुसदं, सुखदं शिवदं शुभदं सुविदं;
अमरं सभरं सुकरं निकरं, अगतागत तुं जितकं समरं. ५
न क्षुधा न तृषा नहि रागधृतं, नहि द्वेष रु जन्म जरा न मृतं;
भय विस्मय रोग रू शोकहतं, नहि स्वाप महादुःखदाय रतं. ६
नहि स्वेद रु खेद जु मोह मदं, नहि आरति और सुचिंत इदं;
यह दोष महा दश-आठ हने, वर वैन दया रसपूर सने. ७
त्रयकाल जु भूत रु वर्तन है, सु भविष्यत भेद कहे तुम है;
विन गोचर अक्ष पदारथ जे, सु जिताय दिये सबकुं जिम जे. ८
करते अनुभौ सुख होत महा, नहि लोक विरुद्ध प्रसंग तहां;
भ्रममें भवि भूल रहे सु जिन्हें, सुखपंथ जिताय दियो सुतिन्हें. ९
समये इक जो परतीति धरे, वह जीव अनुपम शक्ति वरे;
परिवर्तन काल जु अर्द्ध समे, फिरतो भव काननमें न भ्रमे. १०
यह दीनदयालपनो तुमरो, सु उचारि शके मुख कयुं हमरो;
अरजी उर ‘थान’ तनी धरिये, अब दीन निहारी दया करिये. ११
१७२ ][ श्री जिनेन्द्र