સ્તવનમાળા ][ ૧૬૯
દિવ્ય વચન સબ ભાષા ગર્ભિત, ખિરહિ ત્રિકાલ સુવાની,
‘આસા’ આસ કરે સો પૂરણ, શ્રી પારસ સુખદાની. ૧૪
સુર નર જિય તિરયંચ ઘનેરે, જિન વંદન ચિત આનૈ,
વૈરભાવ પરિહાર નિરન્તર, પ્રીતિ પરસ્પર ઠાનૈ;
દશહૂં દિશિ નિરમલ અતિ દીખૈ, ભયો હૈ શોભ ઘનેરા,
સ્વચ્છ સરોવર જલકલ પૂરે, વૃક્ષ ફિરેં ચહુ ફેરા. ૧૫
સાલી આદિક ખેત ચહૂંદિશિ, ભઈ સ્વમેવ ઘનેરી,
જીવન વધ નહિં હોય કદાચિત, યહ અતિશય પ્રભુકેરી;
નખ અરુ કેશ બઢેં નહિં પ્રભુકે, નહિં નૈંનન ટમકારે,
દર્પણવત પ્રભુકો તન દીપૈ, આનન ચાર નિહારે. ૧૬
ઇન્દ્ર નરેંદ્ર ધનેંદ્ર સબે મિલિ ધર્મામૃત અભિલાષી,
ગણધર પદ શિર નાય સુરાસુર પ્રભુકી થુતિ અભિલાષી;
દીનદયાલ કૃપાલ દયાનિધિ; તૃષાવંત ભવિ ચીન્હેં,
ધર્મામૃત વર્ષાય જિનેશ્વર, તોષિત બહુ વિધિ કીન્હેં. ૧૭
આરજ ખંડ વિહાર જિનેશ્વર કીનોં ભવિહિતકારી,
ધર્મચક્ર આગૌનિ ચલૈ પ્રભુ, કેવલ મહિમા ભારી;
પન્દ્રહ પાંતિ કમલ પન્દ્રહ જુગ, સુંદર હેમ સમ્હારે,
અંતરીક્ષ ડગ સહિત ચલૈં પ્રભુ, ચરણામ્બુજ જલ ધારે. ૧૮
કેવલ લહિ ઉપસર્ગ મિટે પ્રભુ, ભૂમિ પવિત્ર સુહાઈ,
સો અહિક્ષેત્ર થાપ્યો સુર નર મિલ, પૂજનકો સુખદાઈ;
નામ લેત સબ વિઘન વિનાશૈ, સંકટ ક્ષણમેં ચૂરૈ,
વંદન કરત બઢૈ સુખ સંપત્તિ, સુમિરત આશા પૂરૈ. ૧૯