સ્તવનમાળા ][ ૧૭૩
શ્રીમત વાદિરાજ મુનિવરસોં, કહ્યો કુષ્ટિ ભૂપતિ જિહ બાર,
શ્રાવક સેઠ કહ્યો તિહં અવસર, મેરે ગુરુ કંચન તન ધાર;
તબ હી એકીભાવ રચ્યૌ ગુરુ, તન સુવર્ણદુતિ ભયો અપાર; સો૦ ૬
શ્રીમત કુમુદચન્દ્ર મુનિવરસોં, વાદ પર્યો જહં સભા મંઝાર,
તબ હી શ્રીકલ્યાનધામથુતિ શ્રીગુરુ રચના રચી અપાર;
તબ પ્રતિમા શ્રીપાર્શ્વનાથકી, પ્રગટ ભઈ ત્રિભુવન જયકાર સો૦ ૭
શ્રીમત અભયચંદ્ર ગુરુસોં જબ, દિલ્લીપતિ ઇમિ કહી પુકાર,
કૈ તુમ મોહિ દિખાવહું અતિશય, કૈ પકરૌ મેરો મત સાર,
તબ ગુરુ પ્રગટ અલૌકિક અતિશય, તુરત હર્યો તાકો મદભાર,
સો ગુરુદેવ બસો ઉર મેરે વિઘનહરન મંગલકરતાર. ૮
શ્રી સ્તવન
(દોહા)
ત્રિભુવન આનંદકારી જિન છબિ, થારી નૈન નિહારી. ટેક.
જ્ઞાન અપૂરવ ઉદય ભયૌ અબ, યા દિનકી બલિહારી,
મો ઉર મોદ બઢ્યૌ જુ નાથ સો, કથા ન જાત ઉચારી. ત્રિ૦ ૧
સુન ઘનઘોર મોરમુદ ઓર ન, જ્યોં નિધિ પાય ભિખારી,
જાહિ લખત ઝટ ઝરત મોહરજ, હોય સો ભવિ અવિકારી. ત્રિ૦ ૨
જાકી સુંદરતા સુ પુરન્દર, શોભ લજાવનહારી,
નિજ અનુભૂતિ સુધાછબિ પુલકિત, વદન મદન અરિહારી. ત્રિ૦૩
શૂલ દુકૂલ ન બાલા માલા, મુનિમનમોદ – પ્રસારી,
અરુન ન નૈનન સૈન ભ્રમૈ ના, બંક ન લંક સમ્હારી. ત્રિ૦ ૪