૧૭૪ ][ શ્રી જિનેન્દ્ર
તાતૈં વિધિવિભાવ ક્રોધાદિ ન, લખિયત હે જગતારી,
પૂજત પાતકપુંજ પલાવત, ધ્યાવત શિવવિસ્તારી. ત્રિ૦ ૫
કામધેનુ સુરતરુ ચિંતામનિ, ઇકભવ સુખકરતારી,
તુમ છવિ લખત મોદતૈં જો સુર, સો તુમ પદ દાતારી. ત્રિ૦ ૬
મહિમા કહત ન લહત પાર સુર – ગુરુહૂકી બુધિ હારી,
ઔર કહૈ કિમ દૌલ ચહૈ ઇમ, દેહુ દશા તુમ ધારી. ત્રિ૦ ૭
દર્શન સ્તુતિ
(દોહા)
વિશ્વભાવવ્યાપી મહા, એક વિમલ ચિદ્રૂપ;
જ્ઞાનાનંદમયી સદા, જયવન્તૌ જિનભૂપ. ૧
(છન્દ ચાલ)
સફલી મમ લોચન દ્વંદ, દેખત તુમકો જિનચન્દ,
મમ તનમન શીતલ એમ, અમૃતરસ સીંચત જેમ. ૨
તુમ બોધ અમોઘ અપારા, દર્શન પુનિ સર્વ નિહારા,
આનંદ અતીન્દ્રિય રાજૈ, બલ અતુલ સ્વરૂપ ન ત્યાજૈ. ૩
ઇત્યાદિક સ્વગુન અનંતા, અંતર્લક્ષ્મી ભગવંતા,
બાહિજ વિભૂતિ બહુ સોહૈ, વરનન સમર્થ કવિ કો હૈ. ૪
તુમ વૃચ્છ અશોક સુસ્વચ્છ, સબ શોક હરનકો દચ્છ,
તહાં ચંચરીક ગુંજારૈં, માનોં તુમ સ્તોત્ર ઉચારૈં. ૫
શુભ રત્નમયૂખ વિચિત્ર, સિંહાસન શોભ પવિત્ર,
તહં વીતરાગ છબિ સોહૈ, તુમ અંતરીછ મન મોહૈ. ૬