સ્તવનમાળા ][ ૧૭૫
વર કુંદ કુંદ અવદાત, ચામરવ્રજ સર્વ સુહાત,
તુમ ઊપર મધવા ઢારૈ, ધર ભક્તિ ભાવ અઘ ટારૈ. ૭
મુક્તાફલ માલ સમેત, તુમ ઊર્ધ્વ છત્રત્રય સેત,
માનોં તારાન્વિત ચંદ, ત્રય મૂર્તિ ધરી દુતિ વૃન્દ. ૮
શુભ દિવ્ય પટહ બહુ બાજૈં, અતિશય જુત અધિક વિરાજૈં,
તુમરો જસ દ્યૌકૈં માનૌં, ત્રૈલોક્યનાથ યહ જાનૌં. ૯
હરિચંદન સુમન સુહાયે, દશદિશિ સુગંધિ મહકાયે,
અલિપુંજ વિગુંજત જામૈં, શુભ વૃષ્ટિ હોત તુમ સામૈં. ૧૦
ભામંડલ દીપ્તિ અખંડ, છિપ જાત કોટ માર્તંડ,
જગલોચનકો સુખકારી, મિથ્યાતમ પટલ નિવારી. ૧૧
તુમરી દિવ્યધ્વનિ ગાજૈ, બિન ઇચ્છા ભવિહિત કાજૈ,
જીવાદિક તત્ત્વ પ્રકાશી, ભ્રમતમહર સૂર્ય – કલાસી. ૧૨
ઇત્યાદિ વિભૂતિ અનંત, બાહિજ અતિશય અરહંત,
દેખત મન ભ્રમતમ ભાગા, હિત અહિત જ્ઞાન ઉર જાગા. ૧૩
તુમ સબ લાયક ઉપગારી, મૈં દીન દુખી સંસારી,
તાતૈં સુનિયે યહ અરજી, તુમ શરણ લિયો જિનવરજી. ૧૪
મૈં જીવ દ્રવ્ય વિન અંગ, લાગો અનાદિ વિધિ સંગ,
તા નિમિત્ત પાય દુખ પાયેં, હમ મિથ્યાતાદિ મહા યે. ૧૫
નિજગુણ કબહૂં નહિ ભાયે, સબ પરપદાર્થ અપનાયે,
રતિ અરતિ કરી સુખદુખમેં, હ્વૈ કરિ નિજધર્મ વિમુખમૈં. ૧૬
પર – ચાહ – દાહ નિત દાહૌ, નહિં શાંતિ-સુધા અવગાહૌ,
પશુ નારક નર સુરગતમેં, ચિર ભ્રમત ભયો ભ્રમતમમેં. ૧૭