૬૮ ][ શ્રી જિનેન્દ્ર
તુમસોં સન્મુખ રહૈ ભક્તિસોં સો સુખ પાવૈ,
જો સુભાવતૈં વિમુખ આપતૈં દુખહિ બઢાવૈ;
સદા નાથ અવદાત એક દ્યુતિરૂપ ગુસાંઈ,
ઇન દોનોંકે હેત સ્વચ્છ દરપણવત ઝાંઈ. ૭
હૈ અગાધ જલનિધિ સમુદજલ હૈ જિતનૌ હી;
મેરૂ તુંગસુભાવ શિખરલૌં ઉચ્ચ ભન્યો હી;
વસુધા અર સુરલોક એહુ ઇસ ભાંતિ સઈ હૈ,
તેરી પ્રભુતા દેવ ભુવનિકૂં લંઘિ ગઈ હૈ. ૮
હૈ અનવસ્થાધર્મ પરમ સો તત્ત્વ તુમારે,
કહ્યો ન આવાગમન પ્રભુ મતમાંહિ તિહારે;
દ્રષ્ટ પદારથ છાંડિ આપ ઇચ્છિત અદ્રષ્ટકૌં,
વિરુધવૃત્તિ તવ નાથ સમંજસ હોય સૃષ્ટકૌં. ૯
કામદેવકો કિયા ભસ્મ જગત્રાતા થે હી,
લીની ભસ્મ લપેટિ નામ શંભુ નિજ દેહી;
સૂતો હોય અચેત વિષ્ણુ વનિતાકરિ હાર્યો,
તુમકો કામ ન ગહૈ આપ ઘટ સદા ઉજાર્યો. ૧૦
પાપવાન વા પુન્યવાન સો દેવ બતાવૈ,
તિનકે અવગુન કહૈ નાહિં તૂ ગુણી કહાવૈ;
નિજ સુભાવતૈં અંબુરાશિ નિજ મહિમા પાવૈ,
સ્તોક સરોવર કહે કહા ઉપમા બઢિ જાવૈ. ૧૧
કર્મનકી થિતિ જન્તુ અનેક કરૈ દુખકારી,
સો થિતિ બહુ પરકાર કરૈ જીવનકી ખ્વારી;