૭૦ ][ શ્રી જિનેન્દ્ર
વીતરાગતા કહાં કહાં ઉપદેશ સુખાકર,
સો ઇચ્છાપ્રતિકૂલ વચન કિમ હોય જિનેસર;
પ્રતિકૂલી ભી વચન જગતકૂં પ્યારે અતિ હી,
હમ કછુ જાની નાહિં તિહારી સત્યાસતિ હી. ૧૮
ઉચ્ચપ્રકૃતિ તુમ નાથ સંગ કિંચિત ન ધરનતૈં,
જો પ્રાપતિ તુમ થકી નાહિં સો ધનેસુરનતૈં;
ઉચ્ચપ્રકૃતિ જલ વિના ભૂમિધર ધુની પ્રકાસ,
જલધિ નીરતૈં ભર્યો નદી ના એક નિકાસૈ. ૧૯
તીન લોકકે જીવ કરો જિનવરકી સેવા,
નિયમ થકી કર દંડ ધર્યો દેવનકે દેવા;
પ્રાતિહાર્ય તો બનૈ ઇન્દ્ર કે બનૈ ન તેરે,
અથવા તેરે બનૈ તિહારે નિમિત્ત પરેરે. ૨૦
તેરે સેવક નાહિં ઇસે જે પુરુષ હીનધન,
ધનવાનોંકી ઓર લખત વે નાહિં લખત પન;
જૈસૈં તમથિતિ કિયે લખત પરકાસથિતીકૂં,
તૈસૈં સૂઝત નાહિં તમ-થિતી મંદમતીકૂં. ૨૧
નિજ વૃધ સ્વાસોસાસ પ્રગટ લોચન ટમકારા,
તિનકોં વેદત નાહિં લોકજન મૂઢ વિચારા;
સકલ જ્ઞેય જ્ઞાયક જુ અમૂરતિ જ્ઞાન સુલચ્છન,
સો કિમિ જાન્યો જાય દેવ તવ રૂપ વિચચ્છન. ૨૨
નાભિરાયકે પુત્ર પિતા પ્રભુ ભરતતને હૈં,
કુલપ્રકાશિકૈં નાથ તિહારો તવન ભનૈ હૈં;