સ્તવનમાળા ][ ૭૧
તે લઘુધી અસમાન ગુનનકૌં નાહિં ભજૈ હૈં,
સુવરન આયો હાથ જાનિ પાષાન તજૈ હૈં. ૨૩
સુરાસુરનકો જીતિ મોહને ઢોલ બજાયા,
તીનલોકમેં કિયે સકલ વશિ યોં ગરભાયા;
તુમ અનંત બલવંત નાહિં ઢિગ આવન પાયા,
કરિ વિરોધ તુમ થકી મૂલતૈં નાશ કરાયા. ૨૪
એક મુક્તિકા માર્ગ દેવ તુમને પરકાસ્યા,
ગહન ચતુરગતિમાર્ગ અન્ય દેવનકૂં ભાસ્યા;
‘હમ સબ દેખનહાર’ ઇસીવિધિ ભાવ સુમિરિકૈં,
ભુજ ન વિલોકો નાથ કદાચિત ગર્ભ જુ ધરિકૈં. ૨૫
કેતુ વિપક્ષી અર્કતનો પુનિ અગ્નિતનો જલ,
અંબુનિધી અરિ પ્રલયકાલકો પવન મહાબલ;
જગતમાહિં જે ભોગ વિયોગ વિપક્ષી હૈં નિતિ,
તેરો ઉદયો હૈ વિપક્ષતૈં રહિત જગતપતિ. ૨૬
જાને બિન હૂ નવત આપકોં જો ફલ પાવૈ,
નમત અન્ય કો દેવ જાનિ સો હાથ ન આવૈ;
હરી મણીકૂં કાચ, કાચકૂં મણી રટત હૈ,
તાકી બુધિમેં ભૂલ, મૂલ્ય મણિકો ન ઘટત હૈ. ૨૭
જે વિવહારી જીવ વચનમેં કુશલ સયાને,
તે કષાયકરિ દગ્ધ નરનકોં દેવ વખાને;
જ્યોં દીપક બુઝિ જાય તાહિ કહૈં ‘નંદિ’ ભયો હૈ,
ભગ્ન ઘડેકો કલશ કહૈં યે મંગલિ ગયો હૈ. ૨૮