Shri Jinendra Stavan Manjari (Gujarati). Page: 2.

Page 363 of 438
PDF/HTML Page 381 of 456
single page version

જો કુદેવ છવિહીન વચન ભૂષણ અભિલાખૈ;

વૈરી સોં ભયભીત હોય સો આયુધ રાખૈ;

તુમ સુંદર સર્વઙ્ગ શત્રુ સમરથ નહિં કોઈ,

ભૂષણ વસન ગદાદિ ગ્રહન કાહેકો હોઈ. ૧૯

સુરપતિ સેવા કરૈ કહા પ્રભુ પ્રભુતા તેરી,

સો સલાઘન લહૈ મિટૈ જગસોં જગફેરી;

તુમ ભવજલધિ જિહાજ તોહિ શિવકંત ઉચરિયે,

તુહીં જગત-જનપાલ નાથથુતિકી થુતિ કરિયે. ૨૦

વચન જાલ જડરૂપ આપ ચિન્મૂરતિ ઝાંઈ,

તાતૈં થુતિ આલાપ નાહિં પહુંચૈ તુમ તાંઈ;

તો ભી નિર્ફલ નાહિં ભક્તિરસભીને વાયક,

સંતનકો સુરતરુ સમાન વાંછિત વરદાયક. ૨૧

કોપ કભી નહિં કરો પ્રીતિ કબહું નહિં ધારો,

અતિ ઉદાસ બેચાહ ચિત્ત જિનરાજ તિહારો;

તદપિ આન જગ બહૈ બૈર તુમ નિકટ ન લહિયે,

યહ પ્રભુતા જગ તિલક કહાં તુમ વિન સરદહિયે. ૨૨

સુરતિય ગાવૈં સુયશ સર્વગતિ જ્ઞાનસ્વરૂપી,

જો તુમકો થિર હોહિં નમૈં ભવિઆનઁદરૂપી;

તાહિ છેમપુર ચલનવાટ બાકી નહિં હો હૈ,

શ્રુતકે સુમરનમાંહિ સો ન કબહૂં નર મોહૈ. ૨૩

Page 364 of 438
PDF/HTML Page 382 of 456
single page version

અતુલ ચતુષ્ટયરૂપ તુમૈં જો ચિતમૈં ધારૈ,

આદરસોં તિહુંકાલમાહિં જગથુતિ વિસ્તારૈ;

સો સુક્રત શિવપંથ ભક્તિરચના કર પૂરૈ,

પંચકલ્યાનક ૠદ્ધિપાય નિહચૈ દુખ ચૂરૈ. ૨૪

અહો જગતપતિ પૂજ્ય અવધિજ્ઞાની મુનિ હારૈ,

તુમ ગુણકીર્તનમાંહિ કૌન હમ મંદ વિચારે;

થુતિ-છલસોં તુમ વિષૈ દેવ આદર વિસ્તારે!

શિવસુખપૂરનહાર કલપતરુ યહી હમારે. ૨૫

વાદિરાજ મુનિતૈ અનુ, વૈયાકરણી સારે,

વાદિરાજ મુનિતૈં અનુ, તાર્કિક વિદ્યાવારે;

વાદિરાજ મુનિતૈં અનુ, હૈં કાવ્યનકે જ્ઞાતા,

વાદિરાજ મુનિતૈં અનુ, હૈં ભવિજનકે ત્રાતા. ૨૬

(દોહા)

મૂલ અર્થ બહુવિધિકુસુમ, ભાષા સૂત્ર મંઝાર,

ભક્તિમાલ ‘ભૂધર’ કરી, કરો કંઠ સુખકાર. ૧

❐

શ્રી જિનેન્દ્ર – સ્તુતિ

(પદ્ધરી છંદ)

જિન પ્રતિબિંબ લખી મૈં સાર, મનવાંછિત સુખ લહો અપાર;
જય જય નિઃકલંક જિનદેવ, જય જય સ્વામી અલખ અભેવ.

Page 365 of 438
PDF/HTML Page 383 of 456
single page version

જય જય મિથ્યા તુમ હર સૂર, જય જય શિવ તરુવર અંકૂર;
જય જય સંયમવન-ધનમેહ, જય જય કંચનસમ દ્યુતિ દેહ.
જય જય કર્મ વિનાસનહાર, જય જય ભવગતિ સાગર પાર;
જય કંદર્પ ગજ દલન મૃગેશ, જય ચારિત્ર ધરાધર શેષ.
જય જય ક્રોધ સર્પ હત મોર, જય અજ્ઞાન રાત્રિહર ભોર;
જય જય નિરાભરણ શુભ સંત, જય જય મુક્તિ કામનીકંત.
બિન આયુધ કોઈ શંક ન રહે, રાગ દ્વેષ તુમકો નહીં ચહે;
નિરાવરણ તુમ હો જિન-ચન્દ્ર, ભવ્ય કુમુદ વિકસાવન કંદ.
આજ ધન્ય વાસર તિથિ વાર, આજ ધન્ય મેરો અવતાર;
આજ ધન્ય લોચન મમસાર, તુમ સ્વામી દેખે જુ નિહાર.
મસ્તક ધન્ય આજ મો ભયો, તુમ્હરે ચરણકમલકો નયો;
ધન્ય પાદ મેરે ભયે અબૈ, તુમ તટ આય પહુંચો જબૈ.
આજ ધન્ય મેરે કર ભયે, સ્વામી તુમ પદ સ્પર્શન લયે;
આજહી મુખ પવિત્ર મુઝ ભયો, રસના ધન્ય નામ જિન લયો.
આજહી મેરો સબ દુખ ગયો, આજહી મો કલંક ક્ષય ભયો;
મેરે પાપ ગયે સબ આજ, આજહી સુધરો મેરો કાજ.

❐

શ્રી શાંતિનાથ જિન – સ્તવન

(છંદ ભુજંગપ્રયાત)

પ્રભુ આપને સર્વ કે ફન્દ તોડે,

ગિનાઊં કછૂ મૈં તિનોં નામ થોડે;

Page 366 of 438
PDF/HTML Page 384 of 456
single page version

પડો અંબુધે બીચ શ્રીપાલ રાઈ,

જપો નામ તેરો ભયો થે સહાઈ. ૧

ધરો રાયને સેઠ કો સૂલિકા પૈ,

જપી આપકે નામ કી સાર જાપૈ;

ભયે થે સહાઈ તબૈ દેવ આયે,

કરી ફૂલ વર્ષા સુ વૃષ્ટિર બનાયે. ૨

જબૈ લાખ કે ધામ વહ્નિ પ્રજારી,

ભયો પાંડવોં પૈ મહા કષ્ટ ભારી;

જબૈ નામ તેરે તની ટેર કીની,

કરી થી વિદુરને વહી રાહ દીની. ૩

હરી દ્રૌપદી ધાતુકી ખંડ માંહી;

તુમ્હીં વ્હાં સહાઈ ભલા ઔર નાહીં;

લિયો નામ તેરો ભલો શીલ પાલો,

બચાઈ તહાં તે સબૈ દુઃખ ટાલો. ૪

જબૈ જાનકી રામ ને જો નિકારી,

ધરે ગર્ભ કો ભાર ઉદ્યાન ડારી,

રટા નામ તેરો સબૈ સૌખ્યદાઈ,

કરી દૂર પીડા સુ ક્ષણના લગાઈ. ૫

વ્યસન સાત સેવે કરેં તસ્કરાઈ,

સુઅંજન સે તારે ઘડી ના લગાઈ;

સહે અંજના ચંદના દુઃખ જેતે,

ગયે ભાગ સારે જરા નામ લેતે. ૬

Page 367 of 438
PDF/HTML Page 385 of 456
single page version

ઘડે બીચમેં સાસને નાગ ડારો,

ભલો નામ તેરો જુ સોમા સંભારો;

ગઈ કાઢને કો ભઈ ફૂલમાલા,

ભઈ હૈ વિખ્યાત સબે દુઃખ ટાલા. ૭

ઇન્હેં આદિ દેકે કહાં લોં બખાનૈ,

સુનો વિરદ ભારી તિહૂં લોક જાનૈં;

અજી નાથ મેરી જરા ઓર હેરો,

બડી નાવ તેરી રતી બોઝ મેરો. ૮

ગહો હાથ સ્વામી કરો વેગ પારા,

કહૂં ક્યા અબૈ આપની મૈં પુકારા;

સબૈ જ્ઞાન કે બીચ ભાસી તુમ્હારે,

કરો દેર નાહીં મેરે શાંતિ પ્યારે. ૯

❐

શ્રી આદિનાથ ભગવાનકી સ્તુતિ

(મંગલકરન વિનતી છન્દ ગીતામેં)

શ્રીવર પરમગુરુ આદિ જિનવર ત્રિજગપતિ સર્વોત્તમં,
હનિ રજરહસ્ય પ્રત્યક્ષજ્ઞાયક વિશ્વનાયક દ્યોતમં. ટેક.
શતઇન્દ્રનમત પાદયુગ તુમ નખતની દ્યુતિશોભિતં,
મહિમા અનન્ત ભનંત કોન લહંત ગનનહિ છોરતં;
વૈભવ અતુલકરિ યુક્ત કમલા ભુક્તનંત ચતુષ્ટયં,
લહિ સમવસરન પ્રઘટરમા સામ્રાજ્યપદવર ઇષ્ટયં;

Page 368 of 438
PDF/HTML Page 386 of 456
single page version

હમ સ્વલ્પમતિ કિમ કહિ શકૈં અનુપમ્ય તુમ પુરુષોત્તમં,

હનિ રજરહસ્ય પ્રત્યક્ષ-જ્ઞાયક વિશ્વનાયક દ્યોતમં. ૧

જબ ગર્ભ આયે માસ પંચદશ રત્નધારા વર્ષિયં,

જન્મેં જિનેન્દ્ર સુરેન્દ્ર ન્હવન ગિરીન્દ્રપૈ કરિ હર્ષિયં;

ભયો સર્વ જગજન સૌખ્યહિત ગયો દુઃખ નારકિ આદિકો,

શ્રીધર્મચક્રશિતાપ્રવર્તો નશો તિમિર અનાદિકો;

ત્રૈલોક્યપાવન ઇષ્ટ અતિ ઉત્કૃષ્ટ જિનદેવોત્તમં,

હનિ રજરહસ્ય પ્રત્યક્ષ-જ્ઞાયક વિશ્વનાયક દ્યોતમં. ૨

તુમ શ્રેયકર હમ દેહધર ભરમેં અપર ઘર-ઘર તને,

હ્વૈ રંક અતિ સકલંક ગતિ સહિ પંકફસિ અઘભી બને;

મિતિ હૈ ન વ્યક્તિ અશર્મકી નહિં દુરતિ હારી લખિ પરે,

પાયે તુમ્હીં કલ્યાણકારી વિરદ ભારી અઘ હરે;

તુમ વિઘ્નહરવર સકલ મંગલદાય સહાય કરોત્તમં,

હનિ રજરહસ્ય પ્રત્યક્ષજ્ઞાયક વિશ્વનાયક દ્યોત્તમં. ૩

સમરથ્થ સબવિધિ હો તુમ્હીં અસમર્થ મૈં અગ્રેશ્વરી,

ઐસી દશા મમ જાનકર મોહિ લૈ ચલૌ અપની પુરી;

તુમ અઘનિવારન નામ ધારૌ કાજ સારૌ સર્વકો,

મૈં તો અનાદિ નિપટ દુખારી ભયો હારી કર્મકો;

Page 369 of 438
PDF/HTML Page 387 of 456
single page version

તુમ ચરણકજ્જ ભ્રમર બનૌં, ન કદાપિ છોડૂં જો તુમં,

હનિ રજરહસ્ય પ્રત્યક્ષજ્ઞાયક વિશ્વનાયક દ્યોતમં. ૪

ધનિ ભાગ જગજીવનિતનોં સુવિહારકરત જિનેશ્વરં,

સુરરચત કમલ પચીસ દ્વૈ સૌ પગધરત પરમેશ્વરં;

નાગેન્દ્ર ખગ ગન્ધર્વ કિન્નર ગીત મધુરે ગાવતં,

બાજત સમાજ મૃદંગ વીણા બાંસુરી ધુનિ છાવતં;

યશ ભણત પ્રેમ પ્રમોદયુત સુર ચમર શિરપર ઢોંર્તમં,

હનિ રજરહસ્ય પ્રત્યક્ષજ્ઞાયક વિશ્વનાયક દ્યોતમં. ૫

કહું નૃત્ય કરતી અપસરા અંગ મોરિ હાવ રુ ભાવતં,

ઝનનંઝનં ઘુંગુરૂ બજૈ સનનં સનં દરશાવતં;

કોઈ હાથમેં આશા લિયે સુરવિનયવંત ચલાવતં,

કોઈ સ્તુતિ પઢૈં કોઈ છન્દવરલંકારસાર સુનાવતં;

જગઈશ દેવાધીશ શીશ ત્રિલોક વાજે હોં તુમં,

હનિ રજરહસ્ય પ્રત્યક્ષજ્ઞાયક વિશ્વનાયક દ્યોતમં. ૬

તુમ જગતનાથ અનાથ હમ અપ સાથકરિ આદીશજી,

ફિર ફિર નમત તુમ ચરણ સિરકરિ, કૃપા વિશ્વાવીસજી;

અબ ભયો સબતર કાજ પૂરન, તુમ હૃદયબિચ ધારિયં,

ફલ મલ્યો કોટિ અસંખ્ય શુભતર વિવિધ મંગલ કારિયં;

દ્રગ સફલ નિરખત સિર નમત કર જોરતં સફલોત્તમં,

હનિ રજરહસ્ય પ્રત્યક્ષજ્ઞાયક વિશ્વનાયક દ્યોતમં. ૭

²⁴

Page 370 of 438
PDF/HTML Page 388 of 456
single page version

આનંદ મેરે ગાત અતિ હી, રોમ-રોમનિ લખિયતં,

તુમ પાદ ભક્તિ અખંડ પાઊં જબ ન મોક્ષ મિલીયતં,

વાંછા કછૂ અબ ના રહી, તુમરો દરશ પાયેં વિભો,

સુનિ યશ શ્રવણ ભએ તૃપ્ત જિહ્વા, સફલ ગુણ ગાએ પ્રભો;

વિનતી ઉચારી અબ ‘હજારી’ પૈ દયા કરિયો તુમં,

હનિ રજરહસ્ય પ્રત્યક્ષજ્ઞાયક વિશ્વનાયક દ્યોતમં. ૮

❐

શ્રી શાંતિનાથ જિન – સ્તવન

પદ્ધરિ છંદ (૧૬ માત્રા)

જય શાંતિનાથ ચિદ્રૂપરાજ,

ભવસાગરમૈં અદ્ભુત જહાજ;

તુમ તજ સરવારથસિદ્ધ થાન,

સરવારથજુત ગજપુર મહાન. ૧

તિત જનમ લિયો આનંદધાર,

હરિ તતછિન આયો રાજદ્વાર;

ઇંદ્રાની જાય પ્રસૂતિ-થાન,

તુમકો કરમૈં લે હરષ માન. ૨

હરિ ગોદ દેય સો મોદ ધાર,

સિર ચમર અમર ઢારત અપાર;

ગિરિરાજ જાય તિત શિલા-પાંડ,

તાપૈં થાપ્યો અભિષેક માંડ. ૩

Page 371 of 438
PDF/HTML Page 389 of 456
single page version

તિત પંચમ ઉદધિતનોં સુવાર,

સુર કર કર કરિ લ્યાયે ઉદાર;

તબ ઇન્દ્ર સહસ કર કરિ અનંદ,

તુમ શિર ધારા ડાર્યો સુનંદ. ૪

અઘ ઘઘ ઘઘ ઘઘ ધુનિ હોત ઘોર,

ભભ ભભ ભભ ધધ ધધ કલશ શોર;

દ્રમદ્રમ દ્રમદ્રમ બાજત મૃદંગ,

ઝન નન નન નન નન નૂપુરંગ. ૫

તન નન નન નન નન તનન તાન,

ઘન નન નન ઘંટા કરત ધ્વાન;

તાથેઈ થેઈ થેઈ થેઈ થેઈ સુચાલ,

જુત નાચત નાવત તુમહિં ભાલ. ૬

ચટ ચટ ચટ અટપટ નટત નાટ,

ઝટ ઝટ ઝટ હટ નટ શટ વિરાટ,

ઇમિ નાચત રાચત ભગત રંગ,

સુર લેત જહાં આનંદ સંગ. ૭

ઇત્યાદિ અતુલ મંગલ સુઠાટ,

તિત બન્યૌ જહાં સુરગિરિ વિરાટ;

પુનિ કરિ નિયોગ પિતુસદન આય,

હરિ સૌંપ્યો તુમ તિત વૃદ્ધ થાય. ૮

પુનિ રાજમાહિં લહિ ચક્રરત્ન,

ભોગ્યો છખંડ કરિ ધરમજત્ન;

Page 372 of 438
PDF/HTML Page 390 of 456
single page version

પુનિ તપધરિ કેવલરિદ્ધિ પાય,

ભવિજીવનકોં શિવમગ બતાય. ૯

શિવપુર પહુંચે તુમ હે જિનેશ,

ગુનમંડિત અતુલ અનંત ભેષ;

મૈં ધ્યાવતું હૌં નિત શીશનાય,

હમરી ભવબાધા હરિ જિનાય. ૧૦

સેવક અપનો નિજ જાન જાન,

કરુણા કરિ ભૌભય ભાન ભાન;

યહ વિઘનમૂલતરુ ખંડ ખંડ,

ચિતચિંતિત આનંદ મંડ મંડ. ૧૧

❐

શ્રી જિનેન્દ્ર – સ્તુતિ

(પદ્ધરી છંદ)

રચી નગરી છહમાસ અગાર,

બને ચહું ગોપુર શોભ અપાર;

સુ કોટતની રચના છવિ દેત,

કંગૂરનપૈ લહકૈં બહુકેત. ૧

બનારસકી રચના જુ અપાર,

કરી બહુભાંતિ ધનેશ તૈયાર;

તહાં વિશ્વસેન નરેંદ્ર ઉદાર,

કરે સુખ વામ સુ દે પટનાર. ૨

Page 373 of 438
PDF/HTML Page 391 of 456
single page version

તજ્યો તુમ પ્રાનત નામ વિમાન,

ભયે તિનકે વર નંદન આન;

તબૈ સુરઈંદ નિયોગન આય,

ગિરિંદ કરી વિધિ ન્હૌન સુ જાય. ૩

પિતા ઘર સૌંપિ ગયે નિજ ધામ,

કુબેર કરે વસુ જામ સુ કામ;

બઢૈ જિન દૌજ મયંક સમાન,

રમૈં બહુ બાલક નિર્જર આન. ૪

ભયે જબ અષ્ટમ વર્ષ કુમાર,

ધરે અણુવ્રત મહાસુખકાર;

પિતા જબ આન કરી અરદાસ,

કરૌ તુમ બ્યાહ વરૈ મમ આસ. ૫

કરી તબ નાહિં રહે જગચંદ,

કિયે તુમ કામ કષાય જુ મંદ,

ચઢે ગજરાજ કુમારન સંગ,

સુ દેખત ગંગતની સુ તરંગ. ૬

લખ્યો ઇક રંક કરૈ તપ ઘોર,

ચહૂંદિશિ અગનિ બલૈ અતિ જોર;

કહૈ જિનનાથ અરે સુન ભ્રાત,

કરૈ બહુ જીવનકી મત ઘાત. ૭

ભયો તબ કોપ કહૈ કિત જીવ,

જલે તબ નાગ દિખાય સજીવ,

Page 374 of 438
PDF/HTML Page 392 of 456
single page version

લખ્યો યહ કારણ ભાવન ભાય,

નયે દિવ બ્રહ્મરિષીસુર આય. ૮

તબહિ સુર ચાર પ્રકાર નિયોગ,

ધરી શિબિકા નિજ કંધ મનોગ;

કિયો વનમાંહિ નિવાસ જિનંદ,

ધરે વ્રત ચારિત આનઁદ કંદ. ૯

ગહે તહઁ અષ્ટમકે ઉપવાસ,

ગયે ધનદત્ત તને જુ અવાસ;

દયો પયદાન મહાસુખકાર,

ભયી પનવૃષ્ટિ તહાં તિહિં બાર. ૧૦

ગયે તબ કાનનમાંહિ દયાલ,

ધર્યો તુમ યોગ સબહિં અઘટાલ;

તબૈ વહ ધૂમ સુકેત અયાન,

ભયો કમઠાચરકો સુર આન. ૧૧

કરૈ નભ ગૌન લખે તુમ ધીર,

જુ પૂરબ વૈર વિચાર ગહીર;

કિયો ઉપસર્ગ ભયાનક ઘોર,

ચલી બહુ તીક્ષણ પવન ઝકોર. ૧૨

રહ્યો દસહૂં દિશિમૈં તપ છાય,

લગી બહુ અગ્નિ લખી નહિં જાય;

Page 375 of 438
PDF/HTML Page 393 of 456
single page version

સુરુંડનકે વિન મુંડ દિખાય,

પડૈ જલ મૂસલધાર અથાય. ૧૩

તબેં પદમાવતિ-કંથ ધનિંદ,

ચલે જુગ આય જિહાં જિનચંદ;

ભગ્યો તબ રંક સુ દેખત હાલ,

લહ્યો તબ કેવલજ્ઞાન વિશાલ. ૧૪

દિયો ઉપદેશ મહા હિતકાર,

સુભવ્યન બોધિ સમેદ પધાર;

સુવર્ણભદ્ર જહઁ કૂટ પ્રસિદ્ધ,

વરી શિવ નારિ લહી વસુરિદ્ધ. ૧૫

જજૂં તુમ ચરન દુહૂં કર જોર,

પ્રભુ લખિયે અબ હી મમ ઓર;

કહૈ બખતાવર રત્ન બનાય,

જિનેશ હમેં ભવપાર લગાય. ૧૬

❐

શ્રી જિન – સ્તવન

(ચૌપાઈ)

પ્રભુ ઇસ જગ સમરથ ના કોય,

જાસૌં તુમ જસ વર્ણન હોય;

ચાર જ્ઞાનધારી મુનિ થકૈ,

સો મતિમંદ કહા કહિ સકૈં. ૧

Page 376 of 438
PDF/HTML Page 394 of 456
single page version

યહ ઉર જાનત નિશ્ચય કીન,

જિનમહિમા વર્ણન હમ લીન;

પર તુમ ભક્તિથકી વાચાલ,

તિસ વસ હો ગાઊં ગુણમાલ. ૨

જય તીર્થંકર ત્રિભુવનધની,

જય ચંદ્રોપમ ચૂડામની;

જય જય પરમ ધરમદાતાર,

કર્મકુલાચલ ચૂરનહાર. ૩

જય શિવકામિનિકંત મહંત,

અતુલ અનંત ચતુષ્ટયવંત;

જય જય આશ – ભરન બડભાગ,

તપલછમીકે સુભગ સુહાગ. ૪

જય જય ધર્મધ્વજાધર ધીર,

સ્વર્ગ – મોક્ષદાતા વર વીર;

જય રત્નત્રય રતનકરંડ,

જય જિન તારન – તરન તરંડ. ૫

જય જય સમવસરનશ્રૃંગાર,

જય સંશયવન – દહન – તુષાર;

જય જય નિર્વિકાર નિર્દોષ,

જય અનંતગુણમાણિકકોષ. ૬

જય જય બ્રહ્મચર્ય દલ સાજ,

કામસુભટવિજયી ભટરાજ;

Page 377 of 438
PDF/HTML Page 395 of 456
single page version

જય જય મોહમહાતરુ કરી,

જય જય મદકુંજર કેહરી. ૭

ક્રોધ-મહાનલમેઘ પ્રચંડ,

માનમહીધર દામિનિદંડ;

માયાબેલિ ધનંજય-દાહ,

લોભસલિલશોષણ-દિનનાહ. ૮

તુમ ગુણસાગર અગમ અપાર,

જ્ઞાન-જહાજ ન પહુંચૈ પાર;

તટ હી તટ પર ડોલૈ સોય,

કારજ સિદ્ધ તહાં નહિ હોય. ૯

તુમ્હરી કીર્તિ બેલ બહુ બઢી,

યત્ન વિના જગમંડપ ચઢી;

ઔર કુદેવ સુયસ નિજ ચહૈં,

પ્રભુ અપને થલ હી યશ લહૈં. ૧૦

જગત જીવ ઘૂમૈં વિન જ્ઞાન,

કીનૌં મોહમહા વિષપાન;

તુમ સેવા વિષનાશક જરી,

યહ મુનિજન મિલિ નિશ્ચય કરી. ૧૧

જન્મ-લતા મિથ્યામત મૂલ,

જન્મ મરણ લાગૈં તહં ફૂલ;

સો કબહૂં વિન ભક્તિ કુઠાર,

કટૈ નહીં દુખફલદાતાર. ૧૨

Page 378 of 438
PDF/HTML Page 396 of 456
single page version

કલ્પતરૂવર ચિત્રાબેલી,

કામપોરષા નવનિધિ મેલિ;

ચિંતામણિ પારસ પાષાન,

પુણ્ય પદારથ ઔર મહાન. ૧૩

યે સબ એક જન્મ સંજોગ,

કિંચિત્ સુખદાતાર નિયોગ;

ત્રિભુવનનાથ તુમ્હારી સેવ,

જન્મ જન્મ સુખદાયક દેવ. ૧૪

તુમ જગબાંધવ તુમ જગતાત,

અશરણ શરણ વિરદ વિખ્યાત;

તુમ સબ જીવનકે રખવાલ,

તુમ દાતા તુમ પરમ દયાલ. ૧૫

તુમ પુનીત તુમ પુરુષ પ્રમાન,

તુમ શમદર્શી તુમ સબ જાન;

જય જિન યજ્ઞ પુરુષ પરમેશ,

તુમ બ્રહ્મા તુમ વિષ્ણુ મહેશ. ૧૬

તુમ જગભર્તા તુમ જગજાન,

સ્વામિ સ્વયંભૂ તુમ અમલાન;

તુમ વિન તીન કાલ તિહું લોય,

નાહીં શરણ જીવકો કોય. ૧૭

યાતૈં સબ કરુણાનિધિ નાથ,

તુમ સન્મુખ હમ જોડૈં હાથ;

Page 379 of 438
PDF/HTML Page 397 of 456
single page version

જબલૌં નિકટ હોય નિર્વાન,

જગનિવાસ છૂટૈ દુખદાન. ૧૮

તબલૌં તુમ ચરણાંબુજ વાસ,

હમ ઉર હોઉ યહી અરદાસ;

ઔર ન કછુ બાંછા ભગવાન;

હો દયાલ દીજે વરદાન. ૧૯

❐

શ્રી સીમંધર જિન – સ્તવન

(દોહા)

સમવસરણ મેં આઈયો, સીમંધરાદિ જિન વીશ,
અષ્ટોતરશત નામ કહિ, ઇન્દ્ર નમાયો શીશ.

(પદ્ધરી છંદ)

તુમ લોકહિતૂ હો લોકપાલ,

તુમ લોકપતી હોગે દયાલ;

તુમ લોકમાન્ય હો લોક ઇષ્ટ,

તુમ લોક પિતા પરમોતકૃષ્ટ. ૧

તુમ લોકબંધુ હો લોકનાથ,

તુમ લોકોત્તમ હો લોકગાથ;

તુમ જિનધર્મી તુમ જૈનધર્મ,

તુમ સંચાલક હો જૈનધર્મ. ૨

Page 380 of 438
PDF/HTML Page 398 of 456
single page version

તુમ જિનપતિ હો રક્ષક દયાલ,

જિન આત્મા જૈનિન પૂજ્યપાલ;

તુમ આપ આપમેં આપ લીન,

તુમ આત્મવૃત્તિ ધારક પ્રવીન. ૩.

તુમ હો અચિંત વૃત્તિ ધરણહાર,

તુમ સમવશરણ – લક્ષ્મી શિંગાર;

તુમ હો વિદામ્બર જગત – જ્યેષ્ટ,

તુમ જ્ઞાનમાંહિ સ્વયમેવ શ્રેષ્ઠ. ૪

તુમ વદતામ્વર વદતાકે ઇશ,

ધરણેન્દ્ર નમે તુમ ચરણ શીશ;

તુમ કામશત્રુ કે હરણ દેવ,

જિતમાર નામ તુમરો કહેવ. ૫

તુમ જન્મજરામૃતુ કિયો દૂર,

ત્રિપુરારિ નામ તાસોં હજૂર;

તુમ ચાર ઘાતિયા કર્મ નાશ,

વર કેવલજ્ઞાન લહ્યો પ્રકાશ. ૬

તુમ ભવ અનંત કીન્હે સંહાર,

તાસોં અનંતજિત નામધાર;

તુમ જીત્યો દુર્જય કાલ દેવ,

તુમ નામ મૃત્યુંજય હૈ કહેવ. ૭

તુમ લોકહિતૂ સબ કર્મચૂર,

તાસોં ઈશ્વર સંજ્ઞા હજૂર;

Page 381 of 438
PDF/HTML Page 399 of 456
single page version

ત્રૈકાલ ચરાચર સબ લખેવ,

તુમ તીન નેત્રધારક કહેવ. ૮

તુમ મોહ-અંધ કો કિન્હો હાન,

તુમ નામ અંધકાન્તક વખાન;

વસુ કર્મન મેં કિયો ચારિઘાત,

હૈ અર્ધનારીશ્વર નામ તાત. ૯

તુમ ચાર શરણ મંગલ અગાધ,

વચ કેવલ અરહંત સિદ્ધ સાધ;

તુમ ઉત્તમ મંગલ શરણ દેવ,

પદ પંચ પરમ પાવન ધરેવ. ૧૦

સ્વર્ગાગમ સદ્યોજાત નામ,

જન્માભિષેક સો વામ નામ;

અતિરૂપ હોન સો કામ નામ,

આદ્યોર નામ શાંતી પ્રણામ. ૧૧

કેવલ લહિ જગ ઈશ્વર કહાય,

તુમ વસનહાર શિવસદન જાય;

તુમ મોહમલ્લકો કિન્હો ચૂર,

હૈ વીતરાગ સંજ્ઞા હજૂર. ૧૨

હો વીર્ય અનંતહિ ધરણહાર,

તુમ હો અનંત સુખ કે ભંડાર;

તુમ લોક અલોકહિ લખનહાર,

હો અનંત દાન દાની ઉદાર. ૧૩

Page 382 of 438
PDF/HTML Page 400 of 456
single page version

તુમ હો સ્વામી લાભહિ અનંત,

ભોગ ઉપભોગ તુમરો અનંત,

તુમ ક્રોધ માન માયા વિદાર,

તુમ લોભશત્રુ કીન્હો સંહાર. ૧૪

તુમ વિષય કષાયન કિય વિનાશ,

જિતશત્રુ નામ તુમરો પ્રકાશ;

તુમ યોગીશ્વર યોગીન્દ્ર દેવ,

તુમ પરમ યોગ યોગીન સેવ. ૧૫

તુમ નામ અયોની યોનિક્ષેવ,

તુમ પરમ ૠષેશ્વર આપ દેવ;

તુમ સબ વિદ્યાપતિ હો અનૂપ,

તુમ પરમતત્ત્વ પરમાત્મરૂપ. ૧૬

તુમ પરમ પ્રતાપી દુઃખ નિવાર,

હો બંધ કલંકહિ હરણહાર;

હો પરમ ધામ કે ઇશ આપ,

હો પરમ જ્યોતિ તિમિરાંત આપ. ૧૭

તુમ દોષ મોહક્ષય કરણહાર,

ગતિ પંચમ પ્રાપતિ કરણહાર;

તુમ સર્વગત સ્વવ્યાપક સર્વમાંહિ,

સર્વજ્ઞ નામ તાસોં કહાહિ. ૧૮

તુમ જ્ઞાન અતેંદ્રિય-દેવરૂપ,

તુમ નાથ અતેંદ્રિ સુખ ભૂપ;