જય શિવશંકર બ્રહ્મા મહેશ, જય બુદ્ધિ વિધાતા વિષ્ણુવેષ;
જય કુમતિમતંગનકો મૃગેંદ્ર, જય મદનધ્વાંતકો રવિજિનેન્દ્ર. ૫
જય કૃપાસિંધુ અવિરુદ્ધ બુદ્ધ, જય ૠદ્ધસિદ્ધ દાતા પ્રબુદ્ધ;
જય જગજનમનરંજન મહાન, જય ભવસાગર મહં સુષ્ઠ થાન. ૬
તુવ ભગતિ કરૈ તે ધન્ય જીવ, તે પાવૈં દિવશિવપદ સદીવ;
તુમરો ગુન દેવ વિવિધપ્રકાર, ગાવત નિત કિન્નરકી જુ નાર. ૭
વર ભગતિમાહિં લવલીન હોય, નાચૈં તાથેઈ થેઈ થેઈ બહોય;
તુમ કરુણાસાગર સૃષ્ટિપાલ, અબ મોકોં વેગિ કરો નિહાલ. ૮
મૈં દુખ અનંત વસુકરમજોગ, ભોગે સદીવ નહિ ઔર રોગ;
તુમકો જગમેં જાન્યો દયાલ, હો વીતરાગ ગુનરતનમાલ. ૯
તાતૈં શરના અબ ગહી આય, પ્રભુ કરો વેગિ મેરી સહાય;
યહ વિઘન કરમ મમ ખંડખંડ, મનવાંછિતકારજ મંડ મંડ. ૧૦
સંસારકષ્ટ ચકચૂર ચૂર, સહજાનંદ મમ ઉર પૂર પૂર;
નિજ પર પ્રકાશબુધિ દેહ દેહ, તજિ કે વિલંબ સુધિ લેહ લેહ. ૧૧
હમ જાંચત હૈં યહ બાર બાર, ભવસાગર તેં મો તાર તાર;
નહિ સહ્યો જાત યહ જગત દુઃખ, તાતેં વિનવોં હે સુગુનમુક્ખ. ૧૨
❐
શ્રી નેમિનાથ – સ્તુતિ
(પદ્ધરી છંદ)
જૈ જૈ જૈ નેમિ જિનંદ ચંદ્ર, સુર નર વિદ્યાધર નમત ઇન્દ્ર;
જૈ સોરઠ દેશ અનેક થાન, જૂનાગઢ પૈ શોભિત મહાન. ૧
૩૮૮ ][ શ્રી જિનેન્દ્ર