३२ ]
अर्थः — एक जीवने एक भवमां आटला संबंध थाय छे तो पछी धर्मरहित जीवोने अन्य भवोना संबंधमां तो शुं कहेवुं? ते संबंध क्या क्या छे? ते कहीए छीएः — पुत्र तो भाई थयो अने भाई हतो ते दियर थयो, माता हती ते शोक थई अने पिता हतो ते भरथार थयो. एटला संबंध वसंततिलका वेश्या, धनदेव, कमळा अने वरुणने (परस्पर) थया. तेमनी कथा अन्य ग्रंथोथी अहीं लखीए छीएः —
मालवदेशनी उज्जयनी नगरीमां राजा विश्वसेन हतो. त्यां सुदत्त नामनो शेठ रहेतो हतो. ते सोळ करोड द्रव्यनो स्वामी हतो. ते शेठ एक वसंततिलका नामनी वेश्यामां आसक्त थयो अने तेने पोताना घरमां राखी. ते गर्भवती थई त्यारे रोग सहित देह थवाथी तेने पोताना घरमांथी काढी मूकी. ते वसंततिलकाए पोताना घरमां ज पुत्र-पुत्रीना जोडकाने जन्म आप्यो. ते वेश्या खेदखिन्न थईने ए बन्ने बाळकोने जुदा जुदा रत्नकांबळमां लपेटी पुत्रीने तो दक्षिण दरवाजे नाखी आवी
स्त्रीने सोंपी. तेनुं (पुत्रीनुं) नाम कमळा राख्युं — तथा पुत्रने उत्तरदिशाना दरवाजे नाख्यो. त्यांथी साकेतपुरना एक सुभद्र नामना वणजाराए तेने (पुत्रने) उपाडी पोतानी स्त्री सुव्रताने सोंप्यो अने तेनुं धनदेव नाम राख्युं. हवे पूर्वोपार्जित कर्मवश ते धनदेवनो पेली कमळानी साथे विवाह थयो अने ए बंने (भाई-बहेन) पति-पत्नी थयां. पछी आ धनदेव व्यापार अर्थे उज्जयिनी नगरीमां गयो. त्यां ते पेली वसंततिलका वेश्यामां लुब्ध थयो अने तेना संयोगथी वसंततिलकाने एक पुत्र जन्म्यो. तेनुं नाम वरुण राख्युं. हवे एक दिवस कमळाए कोई मुनिने पोतानो संबंध पूछ्यो अने मुनिए तेनुं सर्व वृतांत कह्युं, ते नीचे प्रमाणे छेः