PDF/HTML Page 1710 of 1906
single page version

mumukShu- pratyek paryAyakA pariNaman svatantra hai. vah sanskAr Age-pIchhe...

samAdhAna- pariNaman svatantra hai, parantu sanskAr, vastu apekShA-se sanskAr nahIn hai, parantu paryAy apekShA-se sanskAr hai. jo pratyabhignAn hotA hai yA pUrvakA jo yAd AtA hai, vah sab pratyabhignAn hai, ata vah sanskAr hI hai. isaliye sanskAr is prakAr kAm karate hain. svayam andar gnAyakakA bAr-bAr, bAr-bAr abhyAs kare to vah sanskAr paryAy apekShA-se use kAm karate hain. paryAy nahIn hai, sarvathA nahIn hai, aisA nahIn hai.

vastumen vah sanskAr vastu apekShA-se nahIn kah sakate, parantu paryAy apekShA-se sanskAr hai. aur paryAy sarvathA hai hI nahIn aisA nahIn hai. isaliye sanskAr kAm karate hain. gnAyak svayam shuddhAtmA hai. jaise vibhAvake sanskAr paDate hain, jo anAdike (hain), jaise krodhakA sanskAr aur vibhAvakA sanskArakA jaise chalA AtA hai, aise svabhAv taraphake sanskAr DAle to vah sanskAr bhI jIvako kAm Ate hain. jaise main gnAyak hUn, gnAyak hUn, aise jo sanskAr andar gaharAI-se Dale ho to vah sanskAr use pragaT honekA kAraN banatA hai.

gurudevane to apUrva upakAr kiyA hai. bArambAr AtmAkA svarUp samajhAyA hai. gurudev to is jagatamen ek prabhAtasvarUp sUrya samAn the. unhonne gnAyak svarUpakI pahachAn karavAyI. aur bArambAr upadeshakI jamAvaT kI hai. vah to koI apUrva hai. vah sanskAr svayam andar DAle, antaramen-se jignAsApUrvak andar bArambAr usakA abhyAs karake (DAle) to vah sanskAr sarva apekShA-se kAm nahIn karate hain, aisA nahIn hai.

mumukShu- ... usamen dharmakI ashAtanA bahut kI ho, aisA kAraN hotA hai? bahut bAr to aisA hotI hai ki satpuruShako prApta karanekI arthAt milanekI bahut ichchhA ho aur sanyog bhI aise hI ho ki ban nahIn pAtA. to usamen puruShArthakI kamI to nahIn hai, usakI ichchhA to hai kisI bhI prakAr-se AnekI.

samAdhAna- satpuruShako milanekI?

mumukShu- ... parantu satpuruSh nahIn mil sakate usamen aise hI koI kAraN ban jAte hain ki usamen puruShArthakA ...

samAdhAna- usamen puruShArthakA kAraN nahIn hai. satpuruSh bAhar-se milanA vah puNyakA

PDF/HTML Page 1711 of 1906
single page version

kAraN hai. vah bAhar-se nahIn milate. vah puruShArtha-se nahIn milatA. apane chaitanyamen puruShArtha kAm karatA hai. kyonki chaitanya svayam svatantra hai, usamen svabhAv pragaT karanA vah apane hAthakI bAt hai. satpuruSh milanA vah puNyakA prakAr hai. vah vastu par hotI hai. isaliye us jAtake puNya ho to satpuruSh milate hain.

svayam bhAvanA bhAtA rahe, usamenn aisA puNya bandh jAy to satpuruSh milate hain. vah puNya-se milatA hai, puruShArtha-se nahIn milatA hai. svayam bhAvanA bhAtA rahe ki mujhe satpuruSh mile, mile, parantu aisA koI puNyakA yog ho to milate hain. puruShArtha-se nahIn milate. puNya hai vah alag vastu hai aur andar puruShArtha-se AtmAkI prApti karanI vah alag hai aur satpuruSh milanA vah puNyakA kAraN hai.

mumukShu- satpuruSh nahIn milanA vah pApakA kAraN hai?

samAdhAna- hAn, vah pApakA kAraN hai. nahIn milate hain vah apanA us jAtikA puNyakA yog nahIn hai athavA us jAtikA pApakA uday hai. panchamakAlamen janma ho aur jinendra dev, guru, shAstrakI durlabhatA ho, sachche guru milane, jinendra dev sAkShAt milane, sachche shAstra hAthamen kvachit hI mile, aisA sab ho usamen apanI kShati hai. duShamakAlamen janma huA vah bhI apane puNyakI kShati hai. us jAtakA pApakA uday hai ki is kAlamen janma hotA hai. vah puNya-pApakA sanyog hai, apane hAthakI bAt nahIn hai. parantu apanI bhAvanA ho to us jAtakA puNya bandh jAtA hai ki us puNya-se satpuruSh milate hain.

mumuukShu- puruShArtha sirpha chetanamen-apanemen kare. samAdhAna- apanemen puruShArtha kAm karatA hai. bAhya vastuen prApta honI vah sab puNyakA kAraN hai. vah svayam nahIn kar sakatA.

is kAlamen-panchamakAlamen gurudev padhAre vah mahApuNyakA yog thA. isaliye sabako us jAtakA gurudevakA yog prApta huA, satpuruShakA yog prApta huA. unakI vANI milanI, darshan milanA, sAnnidhya milanA, satasamAgam milanA vah sab puNyakA prakAr hai. lekin vah aisI shubhabhAvanA bhAye to vaisA puNya bandhatA hai.

bAhya sanyog milanA, sharIramen pheraphAr honA, bAhyakA kuchh milanA, nahIn milanA vah sab puNyake kAraN hai. shAtA vedanIy (honI) vah puNyakA prakAr hai. antaramen puruShArtha karanA aur AtmAko pahichAnanA vah sab puruShArthakA kArya hai. parantu ananta kAl- se jIvako sachchA milA nahIn hai athavA yathArtha gurukA yog nahIn milA hai, usakA kAraN apanI us jAtakI bhAvanA, jignAsA, aisA puNya nahIn thA. upAdAn taiyAr ho to use nimitta mile binA rahatA hI nahIn. aisI yadi apanI jignAsA taiyAr ho to bAharakA aisA puNya ho jAtA hai ki jisase aisA yog prApta ho jAtA hai.

PDF/HTML Page 1712 of 1906
single page version

aur anAdi kAlase samyagdarshan prApta nahIn huA hai. pratham samyagdarshan prApta kare usamen koI gurukA vachan yA devakA vachan, vANI use prApta hotI hai aur antaramen AtmA jAgRut ho jAtA hai. apane upAdAnakI taiyArI ho to vah nimitta banate hain. aisA nimitta- naimittik sambandha hai. jinendra dev anek bAr mile hain, parantu svayamne pahachAnA nahIn.

bhagavAnakI vANI milI, guru mile aur apanA upAdAn taiyAr ho to upAdAn- nimittakA aisA sambandha hai ki svayamko antaramen aisI deshanAlabdhi hotI hai. anAdi- se samajhA nahIn, aisemen use aise guru yA dev mile tab usakI taiyArI ho. aisA upAdAn- nimittakA sambandha hai. puruShArtha apane-se karatA hai. parantu aisA nimitta use milatA hai. aisA nimitta-naimittik sambandha hai. puruShArtha kare apane-se, parantu use aisA puNya bandhatA hai ki aise jinendra dev athavA guru, guru-satpuruSh mile vah andar jAgRut ho jAtA hai, aisA nimitta-naimittik sambandha hai. pratyek dravya svatantra hone par bhI aisA nimitta- naimittik sambandha hai. usakI vaisI shubhabhAvanA-se aise gurukA yog ho jAtA hai aur apane puruShArtha-se jAgRut hotA hai.

mumukShu- ananta kAl huA, ananta bAr bhagavAnake samavasaraNamen gayA. jaise gurudev kahate the, aisA huA phir aisA hI korA rah gayA?

samAdhAna- hAn, bhagavAnako pahachAnA nahIn. bhagavAn bahut achchhe hain. unakI vANIkA rahasya kyA hai use pahachAnA nahIn. bhagavAn samavasaraNamen baiThe hain, indra Ate hain, sab bAhar- se dekhA.

mumukShu- andar-se nahIn.

samAdhAna- andar-se nahIn. ye bhagavAn kuchh alag kahate hain. unakA AtmA kuchh alag hai aur kuchh alag svarUp batAte hain, kuchh apUrva batAte hain, aise pahichAnA nahIn. bhagavAn antar chaitanyamenn kyA karate hain? aise antar-se bhagavAnako pahachAnA nahIn. bAhar-se bhagavAn samavasaraNamen baiThe hain, vANI barasAte hain, indra Ate hain, aise bAhar- se dekhA.

bhagavAn kuchh vItarAgI mArga kahate hain, AtmAkI koI apUrva bAt kahate hain, bhagavAn AtmAmen sthir ho gaye hain, vItarAg dashA prApta kI hai, jagat-se bhinna hain, aisA kuchh pahachAnA nahIn. merA AtmA.. andar kuchh alag karaneko kahate hain, aisA kuchh gaharI dRuShTi-se dekhA nahIn. isaliye aise hI vApas A gayA.

mumukShu- avyaktamen bahut sUkShma bAt karI. chitasAmAnyamen chitavyaktiyAn antaranimagna hai. bhUt, bhAvi paryAy andar nimagna hai.

samAdhAna- nimagna hai. chitasAmAnyake andar, vah chitasvarUp sAmAnya hone par

PDF/HTML Page 1713 of 1906
single page version

bhI usakI bhUtakI, bhaviShyakI sab yogyatA hai. vah paryAyarUp pariNamatI nahIn, parantu usakI shaktiommen vah sab hai. sAmAnya svarUp-se hai.

mumukShu- paryAy dravyamen-se AtI hai aisA kahanemen AtA hai, vah barAbar hai?

samAdhAna- hAn, paryAy dravyamen-se AtI hai. dravyamen-se arthAt dravya pariNamakar hI paryAy hotI hai. paryAy kahIn Upar-se nahIn AtI hai. paryAy usamen pariNamanarUp nahIn hai, sAmAnyarUp hai, parantu dravya pariNamakar hI paryAy hotI hai. dravya svayam pariNamit hokar paryAy hotI hai. paryAy nirAdhAr nahIn hotI, dravyake Ashray-se paryAy hotI hai.

mumukShu- pUjya gurudev is bAr suprabhAtake din bahut sundar bAt lete the aur andaramen ananta gnAn, ananta darshan, ananta sukh, ananta vIrya kaise pragaT ho, usakA sundar kalash lete the. parantu Aj dekhA, pIchhale kalashamen jise gnAnanay au kriyAnayakI paraspar maitrI ho, usako hI aisA pariNaman hotA hai, aisI bAt lI. to gnAnanay aur kriyAnayakA maitrIkA sambandha kyA hogA?

samAdhAna- gurudev to kuchh alag (the), unakI bAt to alag hai. gnAnanay aur kriyAnay, jo usakI maitrI kare ki main gnAyak hUn, aise antaramen-se jisane grahaN kiyA, apanA astitva jisane grahaN kiyA, vah andar-se rAg-se nivRutta ho aur svayam apanemen lInatA kare ki main gnAyak hUn, gnAyakarUp pariNaman kare to vah gnAnanay aur kriyAnayakI maitrI hai. gnAyakakI gnAyakarUp pariNati na kare aur mAtra main gnAyak hUn, sab udayAdhIn hai, sab vibhAv hai, aise mAtra vah bolatA rahe aur antaramen-se yadi bhedagnAn na ho aur gnAyak hUn (aisI) gnAyakarUp pariNati na ho, gnAyakarUp pariNati na ho to mAtra vah gnAn bolanerUp hotA hai. aur kriyAmen shubh pariNAm karake usamen santuShTa ho jAy to bhI vah kriyAmen ruk jAtA hai. parantu apanA astitva grahaN karake main gnAyak hUn, gnAyak hUn, aisA jAnakar rAgase bhinna paDakar gnAyakakA gnAyakarUp pariNaman kare to vah gnAnanay aur kriyAnayakI maitrI hai. to anekAntapane usane yathArtha AtmAko grahaN kiyA hai.

main chaitanyadravya akhaNDa shAshvat hUn. jaisA gnAyak hai us rUp pariNati karanekA paryAyamen bhI vaisA abhyAs karatA hai. rAg-se nivartatA hai aur apanemen svarUpakI pariNati pragaT karatA hai. to use vAstavamen bhedagnAn aur gnAyakakI pariNati pragaT huyI hai. mAtra akelI kriyAmen santuShTa ho jAy aur bolanemen main gnAyak hUn, gnAyak hUn, aisA karatA rahe aur sab udayAdhIn hai aur antaramen rAg-se nivartatA nahIn aur bhedagnAnakI pariNati karatA nahIn hai to use gnAnanay aur kriyAnayakI maitrI nahIn hai.

dravyadRuShTi use kahate hain ki svayam chaitanyakA astitva grahaN karake gnAyakakI pariNati

PDF/HTML Page 1714 of 1906
single page version

pragaT kare to usane dravyadRuShTi yathArtha pragaT kI hai. aisI gnAyakakI pariNati antaramen-se pragaT kare to vah gnAnanay aur kriyAnayakI maitrI hai. to usamen-se use AtmAkA svarUp jo Ananda svarUp hai, Ananda jisakA rUp hai, aisA jo chaitanya jo ananta gnAn, ananta darshanasvarUp hai aisA jo AtmA, usamen use vah pragaT hotA hai. aisI bhedagnAnakI jise pragaT ho, bArambAr main gnAyak hUn, gnAyak hUn, aisA abhyAs antar-se pariNati pragaT karake vikalpa TUTakar antaramen gnAyak hUn us rUp lInatA kare, to Ananda jisakA rUp hai, AnandasvarUp jisakA ek rUp hai, aisA gnAnasvabhAv use khIl uThatA hai. vah svayam nirvikalpa svarUpamen lIn ho to usamen-se khIl uThatA hai.

gurudev vahI kahate the ki usamen gnAyak prakAshit ho uThe, us prakAr-se usakI gnAnanay, kriyAnayakI maitrI-se chaitanyako us tarah vah grahaN karatA hai aur us prakAr vah abhyAs karatA hai to vah pragaT hotA hai. aisA ananta gnAn jisakA svarUp hai, achal jisakI jyot hai, ki jisakI jyot, jisakA vIrya ananta hai, jo andaramen susthitapane sanyamarUp varte aisA AtmA pragaT hotA hai.

pahale ansh pragaT ho, svAnubhUti ho, usakA prabhAt ho aur phir svayam akhaNDa ananta shaktiyon-se bharapUr pUrNa svarUp hai. parantu usakA prabhAt hone-se pUrNa kevalagnAn pragaT hotA hI hai. isaliye pUrNa kevalagnAn usamen-se pragaT hotA hai. ananta gnAn, ananta darshan, ananta bal, aur Ananda jisakA rUp hai, jisakA rUp Ananda hai aisA AtmA pragaT hotA hai. svAnubhUtimen bhI jisakA Ananda rUp hai aisA AtmA pragaT hotA hai. aur pUrNa dashAmen jisakA Ananda rUp hai, vaisA AtmA pragaT hotA hai. ananta gnAn- se bharA AtmA hai ki jisakA koI pAr nahIn hai aisA ananta gnAn hai, aisA ananta darshan hai, aisA ananta bal hai, aisA ananta vIrya hai. aisA ananta-ananta use pragaT hotA hai.

bAkI pragaT nahIn hotA hai, (kyonki) vah bAharamen ruk gayA hai. gnAtA aur gneyakI ekatAbuddhi (kar rahA hai). jo gney gnAt hotA hai aur main, use bhinna nahIn karatA hai. ekatAmen ruk gayA hai. bAharamen kartAbuddhimen, bAhya kriyAommen mAnon mainne bahut kiyA, usamen ruk gayA hai. aise sabamen ruk gayA hai. rAgakI kriyAommen rAg aur main donon ek hain, aise ruk gayA hai. usase bhinna paDe ki main gnAyak hUn. jo gney gnAt ho usase bhinna main gnAyak hUn. jo rAg hotA hai usase bhedagnAn karatA hai. main parapadArthakA kuchh kar nahIn sakatA, parantu main to gnAyak hUn. gnAyakamen merI pariNati ho, gnAyakarUp main pariNati karun vahI merI kriyA hai. ye bAharakA karanA vah merI kriyA nahIn hai, vah to paradravyakI hai. usase bhinna paDatA hai to usamen-se ananta gnAn, ananta darshan, AnandarUp

PDF/HTML Page 1715 of 1906
single page version

hai vah pragaT hotA hai. vah mArga gurudevane batAyA hai. us bhedagnAnake mArga par chaitanya svarUp apUrva hai, jisake sAth kisIkA mel nahIn hai, aisA apUrva (AtmA hai).

mumukShu- gnAyakakI pariNati pragaT kare use gnAnanay aur kriyAnayakI maitrI hotI hai.

samAdhAna- hAn, gnAyakakI pariNati pragaT kare to gnAnanay aur kriyAnayakI maitrI hai. gnAyakakI pariNati pragaT nahIn huI hai to vah maitrI nahIn hai. vikalpa-se nakkI kare ki yah gnAn, yah kriyA. andar pariNati nahIn hai to gnAnanay aur kriyAnayakI maitrI nahIn hai. koI kriyAmen ruk jAtA hai, koI gnAnamen ruk jAtA hai. aur koI mumukShu AtmArthI ho to aisA mAne ki mujh-se hotA nahIn, parantu yah gnAyakakI pariNati hI pragaT karane yogya hai. vastu svarUp aisA hai ki dravya vastu svabhAv-se bhinna hai. use bhinna karane-se shuddha paryAy pragaT hotI hai. aisA vikalpa-se gnAn kare. AtmArthI ho vah aisA gnAn kare parantu gnAn-kriyAkI maitrI to andar gnAyak dashA pragaT ho to hI gnAnanay aur kriyAnayakI maitrI hotI hai.

pahale vah samajhe ki karanA yah hai. bAkI jo nahIn samajhatA hai vah ekAntamen chalA jAtA hai. mAtra bolatA rahatA hai, AtmA gnAyak hai. aur koI thoDA shubhabhAv kare to main bahut karatA hUn, aisA mAnatA hai. yathArtha AtmArthI ho, jise AtmAkA prayojan hai, vah barAbar samajhatA hai ki yah dravya vastu svabhAv-se bhinna hai. parantu yah rAg usakA svabhAv nahIn hai. lekin us gnAyakarUp main kaise pariNamUn, aisI usakI bhAvanA rahatI hai. aur vah aisA nirNay karatA hai ki karanekA yahI hai.