PDF/HTML Page 15 of 1906
single page version

mumukShu- sAkShAt gnAnIkI vANI ... ADiyo yAnI Tepamen jo vANI hai athavA TI.vI.men-viDIyomen vANI ho, vah samyagdarshanamen nimitta ho, use sAkShAt kah sakate hain?

samAdhAna- nahIn kah sakate. parantu pahale jo vANI svayamne sAkShAt sunI ho, sAkShAt satpuruShase-gurudevakI vANI svayamne sAkShAt pahale sunI ho vah svayamko asar kare, usake sAth milAn kare. lekin anAdise sarvapratham jise satpuruSh mile nahIn, anAdi kAlamen sarvapratham Tepamen sune, vah asar (aur) sAkShAtakI asar alag hotI hai.

mumukShu- use sAkShAt nahIn kah sakate.

samAdhAna- sAkShAt nahIn kah sakate. sAkShAt chaitanyamUrtikI vANI nahIn kah sakate. svayam sAkShAt ek bAr sunA ho, usake bAd vah sab asar karatA hai.

mumukShu- arthAt ekabAr satpuruShakA sAkShAt...

samAdhAna- sAkShAt jinendradev athavA satpuruSh, koI bhI use milane chAhiye. ekabAr sAkShAt mile aur andar sanskAr paD jAye, phir sab asar karatA hai.

mumukShu- aisA kyon hai? mAtAjI! aise dekhe to viDIyomen athavA Tepamen to vahI vANI hai, vahI .. hai, phir bhI itanA antar kyon hai?

samAdhAna- chaitanyamUrti usamen nahIn hai. chaitanyadev birAje aur usamen jo vANI Aye, us vANIkI asar koI alag hotI hai. unakI mudrA, unake bhAv, ve kahAn- se kahate hain, kisaprakAr bhedagnAnase AtmAkI koI apUrvatA darshAte hain, yah unakI mudrA evan bhAv Adi sabake use darshan ho, vah dikhAyI de aur usamense sunakar jo asar hotI hai, vah asar alag hotI hai. deshanAlabdhi hotI hai vah sAkShAt satpuruShase prApta hotI hai.

mumukShu- sAmane pratyakSha chaitanya honA chAhiye.

samAdhAna- pratyakSha chaitanya honA chAhiye.

mumukShu- nirvikalpa dashAmen jo Ananda hotA hai aur savikalpa dashAmen jo shAntikA vedan hotA hai, to AtmA to atIndriy hai, phir bhI usamen Ap jo bhed karate ho usamen kisaprakAr nirvikalpa dashAke kAlamen nirbhel Ananda hai aur isamen shAnti hai?

samAdhAna- vikalpa chhUTakar jo Ananda AtA hai, us Anandamen akelA AtmA

PDF/HTML Page 16 of 1906
single page version

hai. kahIn bhI (upayog nahIn hai). akele AtmAmen lInatA hai. ek AtmAke sivA (kahIn upayog nahIn haie). usamen jo AnandakI pariNati pragaT hotI hai vah alag hai. savikalpa dashAmen bhed to rahatA hI hai. gnAyak svayam jo nirvikalpa (avasthAke) kAlamen hai, vahI gnAyak savikalpa dashAmen vahI gnAyak hai, sAth-sAth vikalpa hai. vikalpa hai isaliye bhinna rahatA hai. ekatvabuddhikI AkUlatA nahIn hai, bhinna rahatA hai. bhinna rahatA hai, us apekShAse use shAntikA vedan rahatA hai, shAnti hai. manda kaShAyakI shAnti nahIn, bhinna rahakar shAntikA vedan vedatA hai. AtmAkA jo adabhUt svarUp hai, AtmAkA adabhUt svarUp hai vah usamen pragaT nahIn hai. usakA ughAD hai. (nirvikalpatAke kAlamen) upayogAtmak hai.

mumukShu- upayogAtmak hai isaliye spaShTa khyAlamen AtA hai.

samAdhAna- andar vedan, ekAgratAkI lInatA ek AtmAmen hI hai, AtmAkA hI vedan kar rahA hai, bAhar kahIn bhI usakA lakShya hI nahIn hai, kahIn bhI upayog nahIn hai. koI vikalpamen upayog nahIn hai, kahIn bhI nahIn hai. upayog ek svarUpamen jam gayA hai. usakA jo svarUp hai us svarUpamen hI upayog jamA hai, isaliye svarUpakA hI vedan karatA hai. jagatase, sab vikalpase bhinna hokar, vibhAvake lokase bhinna hokar ek svabhAvalokamen chalA gayA hai. vibhAvakA lok hai yA nahIn, usakA use bhAn bhI nahIn hai. ek svabhAvamen hI rahatA hai, svabhAvakA hI vedan hai. svabhAvako hI dekhatA hai, svabhAvakA hI vedan karatA hai, us samay svabhAvako hI jAnatA hai.

savikalpa dashAmen svabhAvakI or pariNati hai. svabhAvakI or pariNati hai, svabhAvakI or shAnti hai, svabhAvakI or gnAyakakI dhArA hai, parantu svabhAvamen vaisA lIn nahIn hai. vibhAv aur svabhAv, donon sAthamen use gnAnamen gnAt ho rahe hain. vibhAv aur svabhAv dononkA gnAn hotA hai. svayam bhinna rahakar jAnatA hai. lekin svarUpamen upayog lIn nahIn huA hai. upayog lIn nahIn huA hai. lIn nahIn hai arthAt usakA vedan bhI usaprakArakA nahIn hai.

usamen to ek hI hai-nirvikalpadashAkA Ananda aur savikalpadashAkI (shAnti) donon alag hI hai. shAnti-vah shAnti, ekatvabuddhimen manda kaShAyakI shAnti hotI hai, usase gnAyakadhArAkI shAnti alag hai. vah manda kaShAyakI shAnti nahIn hai. use bhinnatAkI shAnti hai. lekin nirvikalpadashAkA Ananda aur vah shAnti donon alag hai. gRuhasthAshramamen ho to bhI aisA hai aur chAritradashA baDhe to munidashAmen bhI bAhar Aye to nirvikalpadashA alag hai aur savikalpadashA, donon dashA hI alag hai. donommen antar hai. munidashAmen kuchh alag ho jAtA hai, aisA bhI nahIn hai.

PDF/HTML Page 17 of 1906
single page version

savikalpadashAmen upayog bAhar vikalpakI or AyA, to gnAyakakI pariNati, chAritrasahitakI pariNati hai. muniko visheSh chAritra hai. unhen savikalpatAke kAlamen bhI amuk kaShAyakA nAsh ho gayA hai, lInatAkA ekadam jor vartatA hai, to bhI upayog bAhar hai. upayog svarUpamen lIn ho (tab to) svayam svarUp chaitanyalokamen chalA gayA. usakA vedan hI ek chaitanyakI or hai. bAhar vibhAvakI or...

kevalagnAnIkI bAt alag hai. svayam svarUpamen lIn ho gaye, upayog jam gayA, gnAnakI aisI nirmalatA (pragaT ho gayI). sab vikalpa chhUT gaye, abuddhipUrvakakA bhI sab chhUT gayA, isaliye sahajapane lokAlokakA gnAn hotA hai. to bhI svayam nirmalapane svayammen lIn hain. usamen unakA adabhUt Ananda to vaisA hI rahatA hai. lokAlok gnAt ho to bhI rahatA hai. unhen lokAlok nukasAn nahIn karatA.

... aur rAgakA kartA anAdise mAnatA hai. kaun karavAtA hai? svayam karatA hai. svayamke puruShArthakI mandatAse svayam karatA hai. pudagal nimitta hai aur rAgakI paryAy, ashuddha paryAy svayam ekatvabuddhise anAdise kar rahA hai. par pudagal use nahIn karavAtA. svayam karatA hai.

mumukShu- hotA to hai jIvake pariNAmamen?

samAdhAna- hAn, jIvake pariNAmamen hotA hai.

mumukShu- pudagaladravya usakA nimitta hai?

samAdhAna- pudagaladravya nimitta hai. jIvake pariNAmamen rAg hotA hai.

mumukShu- dRuShTAntamen aisA le ki lAl rang phUlakA svabhAv hai aur sphaTikamaNimen vah jhalakatA hai.

samAdhAna- jhalakatA hai, parantu sphaTikakI yogyatAse jhalakatA hai. sphaTikakI yogyatAse (jhalakatA hai). lAl aur hare phUl hai, usakA jabarajastI pratibimb nahIn jhalakatA. (yadi aisA ho to) dUsarI vastumen bhI honA chAhiye, lohemen athavA dUsarI vastumen nahIn hotA. jisakA svabhAv pratibimbarUp jhalakanekA hai, jisakI yogyatA hai usamen vah hotA hai. isaliye jIvamen vaisI puruShArthakI mandatA hai to svayam vaisI mandatAse rAgarUp pariNamatA hai.

jaD rAg aur chaitanya rAg, aise usake do bhed hain. jIvakrodh aur jaDakrodh, aisA kahanemen AtA hai. pudagal, krodharUp kadApi nahIn hotA. lekin use jaDakrodh aur jIvakA krodh kahanemen AtA hai. chaitanyamen bhI krodh hotA hai, jaDakrodh, aise usake do bhed hai. shAstramen AtA hai.

mumukShu- samayAsaramen AtA hai, rAgI to pudagal hai, vyavahArase jIvake pariNAm

PDF/HTML Page 18 of 1906
single page version

kahanemen AtA hai.

samAdhAna- rAgI pudagal hai arthAt jIvakA svabhAv rAg nahIn hai. rAgI pudagal hai yAnI rAg ekAntase pudagal hai aisA nahIn hai. ekAntase pudagal hI rAg hai aur jIvakA kuchh hai hI nahIn, aisA nahIn hai. vyavahAr yAnI jIv kuchh karatA hI nahIn hai aur ekAntase shuddha hI hai, to phir use mokSha-kevalagnAn honA chAhiye, use shuddhatAkA vedan honA chAhiye. shuddhatAkA vedan to hai nahIn. dravyadRuShTise shuddha hai parantu paryAyamen rAgakI pariNati svayam karatA hai. dravyadRuShTise aisA kahanemen AtA hai ki rAg hai vah pudagal hai. rAgako jaD kahA, dravyadRuShTikI apekShAse. parantu paryAy apekShAse jIvamen-chaitanyamen vah pariNati- rAgakI pariNati hotI hai. paryAy apekShAse paryAy hai hI nahIn aisA nahIn hai. ashuddha paryAy hotI hI nahIn ho to shuddhatAkA vedan honA chAhiye. shuddhatAkA vedan to hai nahIn. isaliye paryAyadRuShTise jIv svayam rAgakA kartA hotA hai. agnAn avasthAse.

mumukShu- main pratisamay jANan.. jANan.. jANan.. svabhAvI hUn, vahAn tak pakaDamen AtA hai, phir Age pakaDamen nahIn AtA. main jAnanevAlA hUn, gnAnasvarUp hUn, itanA buddhipUrvak vichAr ho sakatA hai ki jo jAnanevAlA hai, is vikalpake pIchhe jo jAnanevAlA gnAn hai, yahAn tak vichAr hotA hai, phir Age nahIn chalatA.

samAdhAna- jAnanahAramen hI sab bharA hai. gnAn lakShaN AtmAkA asAdhAraN hai. asAdhAraN lakShaN hai yAnI us gnAn lakShaN dvArA AtmA pahachAnamen AtA hai. lekin us gnAyak lakShaNamen, us lakShaNase gnAyak pahachAnamen AtA hai. gnAyak adabhut svarUp hai, gnAyak ananta guNase bharA adabhut svarUpI gnAyak hai. gnAn lakShaN use vAstavik grahaN ho to use gnAyakakI mahimA Aye binA nahIn rahatI. gnAnalakShaN yathArtharUpase grahaN honA chAhiye. svayam vichArase nakkI kare ki yah gnAnalakShaN hai, yah sharIr main nahIn hUn, yah vibhAv main nahIn hUn, ye shubhAshubh vikalpa merA svarUp nahIn hai. puruShArthakI mandatAse chaitanyamen hotA hai, lekin vah merA svarUp nahIn hai. merA svarUp to jo gnAyak jAnanevAlA hai vahI main hUn.

use pahachAnakar andarase yathArtha pratIti hove, andarase pahachAnakar Aye to gnAyakakI mahimA Aye binA nahIn rahatI. gnAyak adabhut mahimAse bharA hai. usakI pratIti karake main gnAnalakShaN hUn, yah gnAyak hai vahI main hUn, aisI nishankarUpase pratIti Aye to usakA bhedagnAn ho. to usakA bhedagnAn nirantar varte ki yah vikalpa main nahIn hUn, lekin main yah gnAyak hUn. gnAyakakA jor baDhatA jAye to usamen vikalpa TUTakar svAnubhUti ho to use chaitanyasvarUp anubhavamen Aye. usakI yathArtha pratIti honI chAhiye.

gnAnalakShaNase yathArtha lakShaNase lakShya pahachAnamen AnA chAhiye. vah lakShaN guNamAtra nahIn,

PDF/HTML Page 19 of 1906
single page version

vah lakShaN bhedarUp nahIn, parantu jo gnAyak hai us lakShaN dvArA pUrA gnAyak pahachAnanemen AnA chAhiye ki gnAyak hai vah main hUn, pUrNa dravya hai vah main hUn.

mumukShu- Apane to bahut diyA hai, parantu vahIn ulajhan hotI hai.

samAdhAna- vahAnse Age baDhanA chAhiye. lakShaN hai vah guNamAtra nahIn hai, parantu pUrA guNI hai vah main hUn, pUrNa astitva-gnAyakakA astitva hai vahI main hUn, yah lakShaN hai utanA nahIn, parantu main pUrNa gnAyak, ek gnAyak astitva, pUrNa gnAyakase bharA gnAn.. gnAn.. gnAn.. gnAyakase paripUrNa aisA dravya hai vahI main hUn. aisI vastu jo guN-paryAyayukta hai, vah vastu hI main hUn. aise vastuke astitva par usakA jor AnA chAhiye.

mumukShu- vichArapUrvak?

samAdhAna- hAn, vichArapUrvak nakkI karake phir pratItikA jor AnA chAhiye. use antarase lakShya grahaN honA chAhiye.

mumukShu- Age nahIn baDhA jAtA usamen svayamke puruShArthakI (kamI hai)?

samAdhAna- svayamke puruShArthakI mandatA hai. svayamko utanI jignAsA, taiyArI ho to Age baDh sakatA hai. vibhAv merA svabhAv nahIn hai, main chaitanya hUn, koI adabhUt svarUpI hUn, ananta guNase bharA chaitanya gnAyak, chaitanyamUrti main hUn, aisI mahimA Aye, andar usakI jignAsA jAgRut ho, pratikShaN usakI bhAvanA jAgRut hotI rahe to Age baDhe, puruShArtha kare. pratikShaN use gnAyakakA jor AnA chAhiye. pratikShaNa. ye jo vikalpa Ate hain, vah main nahIn hUn, main to gnAyak hUn. use pratikShaN pratyek kAryamen gnAyak hUn, gnAyakakI mahimApUrvak gnAyak AnA chAhiye, mAtra bolanerUp nahIn. pratham vichArase Aye lekin use mahimApUrvak main to gnAyakadev hUn, main yah nahIn hUn. gnAyakakI mahimApUrvak andarase pratItikA jor AnA chAhiye. aisA puruShArtha kare to hotA hai.

mumukShu- aisA puruShArtha karanepar nirvikalpadashA pragaT hotI hai?

samAdhAna- puruShArtha kare to hotI hai. andarase utanI lagan laganI chAhiye. din- rAt usake pIchhe paD jAye, din-rAt mujhe gnAyakadev kaise pahachAnamen Aye? mujhe chaitanyadev kaise pahachAnamen Aye? bAhar kahIn chain nahIn paDe, vibhAvamen kahIn bhI sukh nahIn lage. sukh mere AtmAmen hI hai. aisA bArambAr puruShArtha karatA rahe. usakI laganI lage ki yah gnAyak hai vahI main hUn, anya kuchh bhI main nahIn hUn. gnAyakakI pratItikA bArambAr jor Aye to hotA hai.

main gnAyak shuddhAtmA hUn. usake sAth jo vibhAvakI ashuddha paryAy hotI hai vah merA svarUp nahIn hai. puruShArthakI mandatAse hotA hai. hotA hai mere puruShArthakI mandatAse, koI pudagal nahIn karavAtA, lekin main usase bhinna dravya-shuddhAtma dravya hUn. bArambAr usakA puruShArtha

PDF/HTML Page 20 of 1906
single page version

chale to bhedagnAnakI dhArA pragaT ho, svAnubhUti pragaT ho, gnAtAdhArA pragaT ho to bhI use alpa asthiratA bAkI rahatI hai. vah puruShArthakI mandatAse (rahatI hai).

dravyadRuShTikI apekShAse, jo samayasAramen AtA hai ki (rAg) AtmAkA nahIn hai, vah dravyadRuShTike jorase (kahA hai). lekin amRutachandrAchArya kahate hain na ki main is samayasArakI TIkA rachatA hUn. main dravyadRuShTise to shuddha chaitanyamAtra mUrti hUn, lekin anAdise merI pariNati kalmAShit mailI ho rahI hai, usakI shuddhi hoo, aisA kahate hain. vah pariNati svayamkI hai aur svayam puruShArtha dvArA siddhi ho, aisI bhAvanA bhAte hain. main to dravyadRuShTise shuddha chaitanyamAtra mUrti hUn, parantu puruShArtha dvArA merI shuddhi prApta hoo, AchAryadev aisI bhAvanA bhAte hain.

alpa asthiratA hai, munikI dashA hai to bhI aisA kahate hain ki abhI bhI alpa asthiratA hai. sanjvalanakA itanA kaShAy hai vah bhI pusAtA nahIn. usase chhUTakar keval vItarAgadashA kaisA prApta ho, usakI bhAvanA bhAte hain. puna dravyadRuShTikI bAt Aye aur AchAryadevako itanI alpa asthiratA hai use bhI toDanekI bAt prArambhamen karate hain. donon bAt samajhamen Aye dravyadRuShTikI mukhyatApUrvak, kahAn ashuddhatA rahatI hai, un dononkI sandhi samajhakar Age baDhe to usakI sAdhakadashA yathArtha pragaT hotI hai.

mumukShu- sAdhanasampanna aur sAnukUlatAvAle log dharma kar sake aur prApta kar sake, parantu garIb ho, dalit ho, jise khAne-pInekA ThikAnA nahIn hai, vah is dharmamen kaise shurUAt kar sake?

samAdhAna- sab kar sakate hain. yahAn paisevAle ho yA sAnukUlatAvAle ho vahI kar sake aisA kuchh nahIn hai. garIb bhI kar sakate hain. dharma to antaramen hai. use bAhya sAmagrIke sAth koI sambandha nahIn hai. antaramen chaitanyako pahachAne, merA chaitanyadravya kaisA adbhut hai, use pahachAnakar andarase bhedagnAn kare ki yah sharIr main nahIn hUn, bAhya dhan to kahAn apanA hai, us dhanake sAth kahAn sambandha hai, bAhya sukh-sampattike sAth use koI sambandha nahIn hai. usase AtmAkA nibhAv nahIn hotA. AtmA svayam apanese, svayamkA astitva anAdise rakShit hI hai, vah bAharase rakShit ho aisA nahIn hai.

AtmA anAdi-ananta hai. (Atmahit) to garIb bhI kar sakatA hai. pratyekakA AtmA ekasamAn hai. garIb bhI, yah sharIr main nahIn hUn, yah vibhAv main nahIn hUn, aisI ekatvabuddhi toDakar chaitanyadev-gnAyakadevakI mahimA lAkar usakI pratIti lAye, svAnubhUti kare to garIb bhI kar sakatA hai. paisevAle bhI kar sakate hain, sab kar sakate hain.

shAstra jo kahate hain, unhonne jo mArga darshAyA use svayam andar grahaN kare. shuddhAtmA bhinna hai, lekin usakA mArga darshAnevAle jinendradev, guru sAkShAt chaitanyamUrti darshAte hain,

PDF/HTML Page 21 of 1906
single page version

use svayam grahaN kare to mArga prApta hue binA rahatA nahIn. grahaN svayamko karanA hai.

mumukShu- garIbonko kyA karanA? yahAn sabhI sAdhanasampanna sukhI log hI dharma pAlate hain.

samAdhAna- aisA kuchh nahIn hai. yahAn sAdhanasampanna log pAlate hain aisA nahIn hai. yahAn sab sAdhanasampanna log hI hai aisA nahIn hai. sab pAlate hain. sonagaDhamen to sabhI prakArake log rahate hain.

mumukShu- samavasaraNamen to sabhI Ate hain. uttara- sab Ate hain. tiryant bhI Ate hain aur sab Ate hain. dev bhI Ate hain, manuShya bhI Ate hain, chakravartI bhI Ate hain, nirdhan bhI Ate hain aur sadhan bhI Ate hain. nirogI bhI kar sake aur rogI bhI kar sake, nirdhan bhI kar sake aur sab kar sakate hain.

mumukShu- mere mitra krishchiyan hain, unake samAjamen agraNI kAryakartA hai. samAdhAna- is kAlamen janma huA, mahAbhAgyakI bAt hai, (gurudevane) bahut logonko jAgRut kiye.