PDF/HTML Page 362 of 1906
single page version

mumukShu- nay, nikShep aur pramAN jo asta ho jAte hain anubhUtike kAlamen, anubhUtike kAlamen nay, nikShep, pramAN asta ho jAte hain, vah vikalparUpase asta ho jAte hain, parantu nirvikalparUpase to tab hote hain na?

samAdhAna- nirvikalparUpase use shuddha pariNati hai. dravya par jo dRuShTi hai vah dRuShTi nirvikalparUpase hai aur gnAn svayamko jAnatA hai, gnAn apane ananta guNonko jAnatA hai, gnAn paryAyako bhI jAnatA hai. gnAn apanI pariNatiko jAnatA hai, gnAn guNonko jAnatA hai. vah usakI jAnanekI pariNati aur dRuShTi ek shuddhAtmA par, us jAtakI usakI pariNati chAlU hai. nay aur pramAN chAlU hai.

mumukShu- nirvikalparUpase?

samAdhAna- nirvikalparUpase nirvikalpa nay, pramANa. vah apekShAse kah sakate hain. bAkI jo shAstramen AtA hai vikalpAtmak nay, pramAN, us prakArase nahIn hote hain. AdhyAtmik dRuShTikoNase us jAtakI pariNati hai. ek dravyakA Alamban hai, isaliye vikalpAtmak nahIn hai. aur gnAn sab jAnatA hai. gnAn svayam ek svarUpako jAne, ek abhedako jAne, gnAn bhedako jAne, sab jAne. AnandakI dashAkA vedan ho use gnAn jAne. AtmAmen ananta-ananta guNonkI gambhIratAse bharA anant AshcharyakArI dravya hai, usakI adabhut paryAyen, usake adabhut guNonkI jo gahanatA hai, vah sab jAne. usakI adabhutatAko gnAn jAnatA hai.

mumukShu- satsang binA dhyAn tarangarUp ho jAtA hai. to gnAnIkI nishrAmen rahakar dhyAn karanemen koI dikkat hai?

samAdhAna- satsang binA dhyAn tarangarUp hotA hai. guruke Ashrayamen gurune jo mArga batAyA hai, vah mArga grahaN karake dhyAn kare to usamen koI dikkat nahIn hai. gurune jo mArga batAyA hai ki tU gnAyakako grahaN kara. pahale sachchA gnAn kar, phir sachchA dhyAn hotA hai. sachchA gnAn jo gurune batAyA, gurudevane mahAn upakAr kiyA hai. bhavakA abhAv ho aisA mArga batAyA. chaitanyakI adabhutatA, chaitanyake dravya-guN-paryAy, svadravya-paradravya, usakI bhinnatA, svatantratA, anek prakArase gurudevane mahAn-mahAn upakAr karake jo batAyA

PDF/HTML Page 363 of 1906
single page version

hai, gurukA Ashay samajhakare gurudevane jo mArga batAyA hai, us mArga par svayam jAy to usamen dikkat nahIn hai.

gurukA Ashray kare. gurukA Ashray kiyA kab kahanemen Aye? ki unakA Ashay grahaN karake jo unhonne kahA hai, us anusAr svayam kare to pahale sachchA gnAn hotA hai, phir sachchA dhyAn hotA hai. pahale jo binA gnAnake dhyAn hotA hai, to kahAn khaDA rahegA? kyonki dhyAnakI ekAgratA kisake Ashrayase karegA? jo astitva AtmAkA hai, us AtmAkA astitva grahaN kiye binA kahAn sthir khaDA rahegA? kahAn vah sthiratA karegA?

aise to bahut log karate hain. koI-koI mantrommen vikalpa kam kare, aisA sab karate hain. vikalpa kam ho jAy isaliye use aisA lagatA hai ki mAno dhyAn ho gayA. manda vikalpako pakaD nahIn sakatA hai. koI prakAsh dikhe, kuchh dikhe to mAno AtmA mil gayA, aisA mAn lete hain. aisI kalpanA ho jAtI hai. AtmAko pahachAne binA, AtmAkA Ashray liye binA (dhyAn hotA nahIn).

gurudevane jo mArga kahA hai, us mArgako grahaN karake gurudevake Ashrayase dhyAn kare, usamen yathArtha kare to dikkat nahIn hai. Ashay grahaN karake (kare). dhyAn hotA hai. sachchA gnAn (pahale) hotA hai. main yah gnAyak hI hUn, aisI shraddhA kare, usakA gnAn kare, bhedagnAn kare ki yah sharIr main nahIn hUn, yah vibhAv merA svabhAv nahIn hai, yah sab shubhAshubh bhAv AkulatArUp hai, usase main bhinna hUn. aise barAbar gnAyakako grahaN karake usamen ekAgratA kare.

dhyAn arthAt ekAgratA. aisI ekAgratA kare to yathArtha hotA hai. bAkI to anek bAr "yam niyam sanyam Ap kiyo, puni tyAg virAg athAg liyo'. muni huA, vanavAsamen rahA, mukh maun rahA, Asan-padmAnas lagAkar dhyAn kiyA. to bhI mArga nahIn prApta hotA hai. AtmAko grahaN kiye binA, gnAyakako grahaN kiye binA dhyAn nahIn ho sakatA hai. parantu gurukA Ashray yathArtha kare to vah mArga milatA hai. gurune jo kahA hai, usI anusAr kare to mArga prApta hue binA rahatA nahIn. to sachchA dhyAn hotA hai.

dhyAn hotA hai, mArgamen ekAgratA hotI hai. gnAyakako grahaN kare, shraddhAke balapUrvak AtmAmen ekAgratA ho, aisI dhyAnakI dashA ho to vikalpa TUTakar AtmAkI svAnubhUti ho, vah mArga hai. parantu AtmAko grahaN karake ho to yathArtha hotA hai. bAkI munionko to dhyAnakI dashA hotI hai. samyagdarshan honeke bAd sahaj dhyAnakI dashA hotI hai. aisI dhyAnakI dashA hotI hai ki antarmuhUrta-antarmuhUrtamen nirvikalpa dashAmen chale jAte hain. antarmuhUrtamen bAhar Ate hain. aisI sahaj dhyAnakI dashA, aisI ekAgratAkI pariNati munionko sahaj

PDF/HTML Page 364 of 1906
single page version

hotI hai. aisI dhyAnakI dashA to pUrNatA tak hotI hai.

phir muniko dhyAn bahut ugra ho jAy to usamense shreNi lagAkar kevalagnAn prApta karate hain. aisI dhyAnakI dashA munionko pragaT hotI hai. gRuhasthAshramamen dhyAn hotA hai, parantu gnAyakako grahaN karake (hotA hai). (gnAyakako) grahaN karake main gnAyak hUn, aisI gnAyakakI pariNati dRuDh karake, usakA Ashray lekar usakA dhyAn kare to usamen nirvikalpa svAnubhUti (hotI hai). svayam apane svarUpamen lIn ho, vah ho sakatA hai. parantu gurudevane jo kahA hai, vah Ashay grahaN karake, vah mArga grahaN karake jo kare to yathArtha hotA hai. nahIn to bAharase shubhabhAvarUpase jIvane anek bAr kiyA hai. parantu vah shubhabhAvarUp hotA hai, puNyabandha hotA hai, lekin bhavakA abhAv nahIn ho sakatA. isaliye gurukA Ashay, Ashay grahaN karake kare to yathArtha hotA hai.

mumukShu- he pUjya mAtAjI! AjakA din mahAmangal hai. kyonki Ajake din Apane shuddhAtmasvarUp bhagavAn AtmAke sAkShAt darshan kiye, Ap vikalpAtIt hue, pavitra samyagdarshan pragaT kiyA, to hamArI vinatI hai ki vikalpAtIt honekA upAy kyA hai? yah batAkar Ap hamen AshirvAd dIjiye.

samAdhAna- gurudevane mArga spaShTa kiyA hai. gurudevakA param-param upakAr hai. gurudevane hI pUrA mArga batAyA hai. svayam vichAr kare to samajhamen Aye aisA hai. gurudevane itanA spaShTa kiyA hai. gurudevane gnAyakakI pahachAn karavAyI. sab gurudevakA param-param upakAr (hai). is dAs par bhI gurudevakA param upakAr hai.

gurudevane kahA hai aur shAstramen bhI AtA hai ki pahale shrutagnAnase gnAnasvabhAv AtmAkA nirNay, yah gnAyak hai vahI main hUn, usakA nishchay aisA dRuDh kare ki in sabase bhinna main gnAyak hUn. yah sharIr bhI main nahIn hUn, yah vibhAv merA svabhAv nahIn hai, usase bhinna aisA gnAnasvabhAv (hai). gnAnamen arthAt pUrNa gnAyak aisA nirNay karake, aisA nishchay kare ki vah aisA nishank ho jAy ki koI chAhe kuchh bhI kahe athavA chaudah brahmANDa phir jAy, to bhI usakI dRuDhatA phire nahIn. aisA nishank ho jAya. aisA gnAtAmen shraddhAkA bal lAye. us balase gnAyakakI dRuDhatA karake, gnAyakamen ugratA kare, vibhAvase virakti ho, chaitanyakI-gnAyakakI mahimA Aye, parase, vibhAvase sabase mahimA chhUT jAya. ek gnAyakakI mahimA, gnAyakakI rAt aur din laganI, jise gnAyak.. gnAyak.. gnAyakadevake sivA kahIn chain nahIn paDatI.

bhedagnAnakI dhArA ugra ho, kShaN-kShaNamen, kShaN-kShaNamen gnAyakakI ugratA ho. gnAyakakI ugratA, gnAyakamen ekAgratA, gnAyakakI dhUn aur gnAyakamen bArambAr gnAyak.. gnAyak.. kare. jo mati-shrutakA upayog bAhar jAtA hai, bAhar jo vichAr aur shrutake vichAr Ate

PDF/HTML Page 365 of 1906
single page version

hain, use bhI svayam sthir karake svarUp sanmukh jo upayogako sthir karatA hai, svarUpamen lIn hotA hai, svarUpamen jam jAtA hai, bAharamen jise kahIn bhI chain nahIn paDatI, gnAyakamen ekAgratA, gnAtAkI ugratA aur usImen sthir ho jAya. jo gnAyakakI Dorako svarUpakI or, svarUp sanmukh karake gnAyakamen sthir ho jAtA hai. bArambAr upayogakI Dor, gnAyakakI Dor svarUpamen lIn karatA hai. vah vikalpAtIt honekA upAy hai, dUsarA koI upAy nahIn hai.

bArambAr svarUpamen sthir ho jAy to usake vikalpa chhUTe aur gnAyakadev use pragaT ho. us gnAyakadevamen hI sab bharA hai. bAhar kahIn nahIn hai. Ananda usamen, ananta guN usamen, sab (usImen hai). jagatase bhinna aisA gnAyakadev, jo bhavakA abhAv ho, antaramense ananta sukh pragaT ho, jo apanA svabhAv hai vahI sukharUp hai. shAstramen AtA hai ki utanA hI satya paramArtha hai ki jitanA yah gnAn hai. jitanA yah gnAn hai utanA hI tU hai. vahI satya paramArtha hai, usImen tU santuShTa ho, usImen tU ruchi kara. gnAnamen sab bharA hai. ananta mahimAvant gnAyak svabhAv, mahimAse bharA, jagatase bhinna aisA anupam tattva hai. gnAnasvabhAvamen aisA nishchay karake usamen santuShTa ho.

utanA hI satya kalyAN hai ki jitanA yah gnAn hai. anyakI mahimA chhoDakar gnAyakamen lIn ho. utanA hI satya paramArtha, utanA hI kalyAN (hai). usImen tU santuShTa ho. tere antaramen upayogako aisA lIn kar, aisA lIn kar ki jise bAhar jAnA ruchatA nahIn. aisI lInatA kara. vahI vikalpa chhUTanekA upAy hai. aisA karate-karate antaramen aisI koI laganI laganese, antaramen aisI vishrAntikI pariNati honese gnAyakakI Dor svarUp sanmukh Anese aisI vishrAnti aur aisI shAnti use pragaT hotI hai ki vikalpa chhUT jAy aur gnAyakakA koI anupam anubhav, anupam Ananda, anupam svAd (AtA hai).

gnAyakadev jagatase bhinna, aisA nyArA vah gnAyakadev use is prakAr pragaT hotA hai. gurudevane vah mArga aisA spaShTa karake samajhAyA hai, kahIn shankA rahe aisA nahIn hai. puruShArtha to svayamko hI karanA hai. gurudevane use chAron orase samajhAyA hai. gurudevakA param-param upakAr hai aur vahI jIvanamen karane jaisA hai.

shrutagnAnase nishchay karake mati-shrutakA upayog jo bAhar jAtA hai, use antaramen lAkar AtmAkI prasiddhi ho, aisA puruShArtha kara. to gnAnasvarUp gnAnAtmA, paramAtmA tujhe pratyakSha anubhavamen AyegA aur vah tujhe dikhegA. aisA jo AtmA alaukik hai, parantu usakI bhedagnAnakI dhArAkI ugratA kara. dravya par dRuShTi kar, usakA gnAn kar aur us or bArambAr sthir honekA prayatna kar to tujhe vah hue binA rahegA nahIn.

shAstramen AtA hai ki ek bAr tU (sharIrakA) paDosI banakar dekh, to tujhe antaramen

PDF/HTML Page 366 of 1906
single page version

aisA koI apUrva chaitanyadev pragaT hogA ki jo anupam hai. vahI usakA upAy hai. bhagavAn kaise mile? chaitanyadev kaise prApta ho? "kanchan varaNo nAh mune koI milAvo' kahIn achchhA nahIn lagatA. "anjan rekh na Ankh na bhAve' kahIn achchhA nahIn lagatA hai, kisIke sAth bolanA achchhA nahIn lagatA, khAnA achchhA nahIn lagatA, kisIke prati rAg karanA ruchatA nahIn, kahIn phiranA achchhA nahIn lagatA, kahIn chain nahIn paDatI hai. ek AtmA, ek Atmadev mujhe koI milAvo. he gurudev! mujhe vah milAvo. vah to koI alag hI thA. andar aisI bhAvanA, laganI lage to aisI bhAvanA hotI hai. andar vedanake kAraN aisA sab gAnemen AtA thA.

samAdhAna- dravya usakI nAm hai ki dUsare bhAvakI rAh nahIn dekhanI paDe. dUsarekI rAh dekhanI paDe to dravya kaisA? dravya aisA svatantra svata svarUp hotA hai ki jisake kAryake liye dUsare sAdhanonkI rAh dekhanI paDe to vah dravya svayam kamajor huA. vah svayam svatantra ananta shaktivAlA dravya (hai). dravya use kahate hain ki jo svatasiddha ho. use kisIne banAyA nahIn hai. ananta shakti sampanna jo chaitanya dravya hai, use kAryakI, jo apanI pariNati pragaT karanI hai, usake liye sAdhan Aye tab yah kArya ho, sAdhan nahIn hai to kArya kaise ho? aise rAh dekhanI paDe to dravya hI nahIn kahalAtA. aisI rAh nahIn dekhanI paDatI.

usake kAryakI taiyArI ho to use sAdhan svata A jAte hain. use sAdhanonkI rAh dekhanI paDe, sAdhan nahIn hai, ab kaisA Age jAUn? sAdhanonkI rAh dekhanI nahIn paDatI. svayam pariNati karanevAlA jo dravya hai, svayam hI usakI kAryakI pariNati hotI hai. anAdiananta svatasiddha shuddhAtmA svayam (hai). usamen darshan, gnAn, chAritrakI jo sAdhanA hotI hai, usakI kAryakI pariNati karanevAlA vah svayam hai. svayam svatasiddha kAryakI pariNati karatA hai. sAdhanake binA main kaise Age jAUn? use dravya hI nahIn kahate. aisA dravya vah dravya nahIn hai. aisA parAdhIn dravya (nahIn hai).

dravya use kahen ki usake kAryake liye dUsarekI rAh dekhanI paDe, vah dravya hI nahIn kahalAtA. aisA dravya ho nahIn sakatA. kudaratI svayam dravya svatasiddha hai. use dUsare sAdhan ho to vah dravya khaDA rahe, aisA nahIn hotA. anAdise svayam apanese hI shAshvat TikA hai aur usakI kAryakI pariNatimen svayam anAdise svatantra (hai), pratyek kAryamen svatantra hai. use sAdhanonkI rAh dekhanI paDe to use dravya hI nahIn kahate.

andarase samyagdarshan pragaT ho, dravyakA Ashray le, us rUp gnAnakI pariNati ho, andar lInatA baDhe, vah sab svayam pariNaman karanevAlA hai. apanI pariNatikI gati, puruShArthakI gati vah svayam karatA hai. usamen usakI pariNati ho, aisI pariNati ho aur sAdhan

PDF/HTML Page 367 of 1906
single page version

Aye nahIn, aise usakI rAh nahIn dekhanI paDatI. vah dravya hI nahIn kahalAtA. aisA parAdhIn dravya ho sakatA nahIn. vah dravya hI nahIn kahalAtA. kudaratamen aisA dravya hotA hI nahIn. parAdhIn dravya (nahIn hotA). usakI kAryakI pariNati ho to apaneAp sAdhan A jAte hain, use rAh nahIn dekhanI paDatI. svayam apanemen pariNati karanevAlA hai.

.. pUrA chakra apanese hI chal rahA hai. karmake kAraN hotA nahIn athavA sAdhan nahIn mile hain, aisA nahIn hai. svayamkI kachAsake kAraN svayam aTakA hai. svayam puruShArtha kare to svayam Age baDhatA hai. usake kAryake liye kisI bhI sAdhanakI jarUrat paDatI nahIn. sAdhanake liye rukanA paDe to vah dravya hI nahIn hai. aur aisA parAdhIn dravya ho hI nahIn sakatA.

mumukShu- dravya kamajor ho gayA.

samAdhAna- dravya kamajor ho gayA. aisA kamajor dravya hotA hI nahIn. aisA dUsareke AdhArase TikanevAlA dravya, aisA dravya shAshvat rah nahIn sakatA, us dravyakA nAsh hotA hai. (ananta guNonse) bharapUr dravya svayam jab bhI pariNati karanI ho tab kar sakatA hai. apane svabhAvakI or jAnekI taiyArI ho, to ApoAp sab nimitta use prApta ho jAte hain.

mumukShu- .. kamajor paD jAy, .. samAdhAna- dravya kamajor paD gayA. aisA kamajor dravya hotA hI nahIn. ek sAdhanake liye kamajor paD gayA. sAdhanake liye kamajor hotA ho to kamajor hI rahegA. vah kahAn shaktivAn huA? aisA dravya hI nahIn hotA, use dravya hI nahIn kahate. aisA ho sakatA nahIn.