PDF/HTML Page 408 of 1906
single page version
mumukṣhuḥ- pramāṇ .. kā abhiprāy aisā hai ki āshay grahaṇ karanā.
samādhānaḥ- āshay grahaṇ karanā. gurudevakā vachan pramāṇa. gurudevane kahā, tū bhagavān paramātmā hai. bhagavān paramātmā aisā kahā, vah grahaṇ kiyā kab kahanemen āye? ki vāstavamen main bhagavān paramātmā hī hūn̐, aisī antarase shraddhā āye to vachanako pramāṇ kiyā, kahanemen āye. antaramense niḥshaṅkatā honī chāhiye. niḥshaṅkatāke kāraṇ āge jā sakatā hai. bāharamen gurudevakī pratīti, jo gurudev kahe vah pramāṇa. antaramen gnāyak hai so gnāyak hai. gnāyakakī pratīti dr̥uḍh honī chāhiye. yah gnāyak hai vahī main gnāyak hū̃n. usamen chalavichalatā shaṅkā nahī̃n. yah gnāyak so main gnāyak hī hū̃n. aise gnāyakako pahachānakar aisā niḥshaṅk ho jāy to usamen sthir honeke samartha hotā hai. aisā shāstramen ātā hai. aisā niḥshaṅk ho to usamen līnatā hotī hai. niḥshaṅkatāke binā, use pahachāne binā āge nahīn jā sakatā.
mumukṣhuḥ- niḥshaṅkatā nahīn hai to sachchā pramāṇ bhī nahīn kah sakate.
samādhānaḥ- niḥshaṅkatāke binā use satya mānā nahīn hai.
mumukṣhuḥ- gurudev kahate hain ki hān̐ hī kahanā, kalpanā mat karanā.
samādhānaḥ- hān̐, hān̐ hī kahanā, kalpanā mat karanā. sab kahate haĩn. hān̐ hī kahanā. tū gnāyak hī aisā barābar nakkī karanā. andarase hān̐ kahanā. hān̐ kahanā, to andarase terī paryāy pragaṭ hogī, to gnāyak tere hāthamen āyegā, to gnāyakadevake darshan hoṅge. jaise añjan chorako bhagavānake darshan hue. akr̥utrim chaityālayake (darshan hue), vaise tujhe is chaitanya bhagavānake darshan hoṅge. vah to phir antaramen utar gaye hain, kevalagnān tak pahun̐ch gaye haĩn.
vaise tū andaramen (niḥshaṅkatā pragaṭ kar) bhagavānake darshan hoṅge. gurudev batāte hain, tū andar dekh, andar tujhe bhagavāne darshan hoṅge. chaitanyadevake. gurudevake is vachanako pramāṇ karake andar jāy to chaitanyadevake darshan ho.
mumukṣhuḥ- āshay pakaḍamen nahīn āyā ho aur hān̐ kahe to gurudevakā avarṇavād huā kahanemen āye?
PDF/HTML Page 409 of 1906
single page version
samādhānaḥ- āshay pakaḍe binā hān̐ kahe to avarṇavād nahīn (hotā), parantu vah satya samajhā nahī̃n. samajhe binā hān̐ kahatā hai. samajhe binā bhāvanāse hān̐ kahe, bhaktise kahe. sachchā to kab kahanemen āye ki samajhakar hān̐ kahe to.
mumukṣhuḥ- mātājī! ek bār anubhūti prāpta honeke bād vah jab bhī chāhe tab nirvikalpa ho sakatā hai?
samādhānaḥ- jise svānubhūti prāpta huyī hai, usane mārga jān liyā hai ki kis mārgase is gnāyakamen līnatā hotī hai. yah gnāyak hai, yah sab vibhāv (hai). yah paradravya merā svarūp nahīn hai. yah vibhāv bhī merā svabhāv nahīn hai. main usase bhinna, aisī use shraddhā-pratīt, gnāyakakī pariṇati pragaṭ huyī hai, anubhūti huyī hai. mārga jān liyā hai ki kis mārgase bhāvanagar jānā hotā hai. vah sab mārga jān liyā hai. mārgakā use santoṣh hai. parantu kaise chalakar jānā, koī chalakar jātā hai, koī dhīre-dhīre jātā hai, koī utāvalīse jātā hai.
is prakār use svarūpamen līn honā, vah vartamānakī shuddhi-nirmalatā hotī hai us anusār vah andar nirvikalpa hotā hai. vartamān usakī bhūmikākī nirmalatā ho, shuddhatā ho us anusār use shuddhaupayogakī pariṇati hotī hai. bākī gnāyakakī bhedagnānakī pariṇati nirantar rahatī hai. khāte-pīte gnāyak.. gnāyakakī dashā hī hotī hai. bhedagnānakī dashā chālū hī hai. khāte-pīte, jāgate-sote, svapnamen bhedagnānakī dhārā chālū hai. parantu nirvikalpa dashā usakī bhūmikā anusār hotī hai.
pān̐chave guṇasthānamen usakī bhūmikā anusār, chhaṭhṭhe-sātavemen antarmuhūrta-antarmuhūrtamen hotī hai. chauthe guṇasthānamen usakī nirmalatākī tāratamyatā chauthevālekī jis prakārakī hotī hai, usake anusār use nirvikalpa dashā hotī hai. bākī to apanā svabhāv hai. vah svabhāv, jaise pānī pānīko khīn̐chatā huā apanī or jātā hai, aise svayam svabhāvakī or muḍā, svabhāv-or usakī pariṇati dauḍ rahī hai, lekin use jo virakti, līnatā, chāritramen jis prakārakī līnatā hotī hai, us anusār use nirvikalpa dashā hotī hai. svarūpācharaṇ chāritra chauthe guṇasthānamen usakī jaisī nirmalatā aur tāratamyatā ho, us anusār vah nirvikalpa dashāko prāpta karatā hai.
mumukṣhuḥ- chauthevāleko roj ho sakatī hai?
samādhānaḥ- aisā kuchh nahīn, usakī dashā ho us anusār ho sakatī hai. vah koī niyamīt nahīn hotī. roj nahīn ho aisā bhī nahīn hai, hotī hī hai aisā bhī nahīn hai. usakī nirmalatā anusār hotī hai. roj nahīn ho yā amuk dinoṅke bād hī ho, aisā koī niyam nahīn hai. usakī nirmalatā anusār hotī hai. chhaṭhṭhe guṇasthānamen to antarmuhūrta-
PDF/HTML Page 410 of 1906
single page version
antarmuhūrtamen hotī hai. chauthekī nirmalatā ho us anusār hotī hai. roj hove hī nahīn, aisā koī pratibandh nahīn hai.
mumukṣhuḥ- shuddhopayogakā koī kāl hotā hai, aisā kuchh nahīn hai ki is kālamen shuddhaupayog hotā hai.
samādhānaḥ- aisā koī kāl nahīn hotā. usakī jaisī pariṇati. vartamān nirmalatā, usakī shuddhi (ho), us anusār use hotā hai. vartamānakī jaisī virakti, shuddhikī pariṇati ho us anusār use nirvikalpa dashā hotī hai.
mumukṣhuḥ- samyagdr̥uṣhṭiko aisī ichchhā bhī nahīn hotī. ichchhā to rāg hai, aisā rāg bhī hotā nahīn ki shuddhopayog ho.
samādhānaḥ- vikalpase nirvikalpa huā nahīn jātā. ichchhā hai vah vikalpa hai. us vikalpase nirvikalpa nahīn huā jātā. andarakī sahaj nirmalatākī pariṇati, shuddhikī pariṇatise antarakī viraktise nirvikalpa dashā hotī hai. bhāvanā ek alag bāt hai. parantu bhāvanā yā kr̥utrimatāse antaramen nahīn jā sakatā. ichchhā-rāgase andar nahīn jā sakatā. vītarāgī pariṇatise antaramen jānā hotā hai. bhale shubhabhāv ho, bhāvanā hai, parantu vah vikalpa ṭūṭakar andar jātā hai. vikalpa khaḍā rakhakar andar nahīn jā sakatā.
mumukṣhuḥ- pūrva bhūmikāmen parapadārthase virakti,..
samādhānaḥ- andar gnāyakakī dashāke sāth virakti hotī hai. svarūpakī līnatā, astitvamen svarūpakī līnatā evan shuddhi, apanī nirmalatākī pariṇati, us kāraṇase jātā hai. aur astitva-or usakī... chauthe guṇasthānamen usakī jaisī virakti ho aur svarūp- orakī līnatā, nirmalatā. bākī dashāmen utanā pharka nahīn paḍatā. pān̐chave guṇasthān jaisī dashā nahīn hotī.
mumukṣhuḥ- bhūmikā anusāra.
samādhānaḥ- bhūmikā anusār hotī hai.
mumukṣhuḥ- phir bhī koī pratibandha bhī nahīn hai ki ek mahine pahale nahīn hotī, do mahine pahale nahīn hotī, aisā pratibandha nahīn hai.
samādhānaḥ- aisā pratibandha nahīn hai. aisā nahīn hai. koī dinakā pratibandha nahīn hai.
mumukṣhuḥ- jaise āp kahate ho, ghoḍā ... chhalāṅg lagāye, vaise koī bār aisī dashā āve to..
samādhānaḥ- ghoḍā chhalāṅg bhī māratā hai. aisā hotā hai. usakī bhūmikā palaṭakar nahī̃n. usakī puruṣhārthakī ḍorī kabhī chhalāṅg māre, kabhī dhīmī chale, use kisī bhī prakārakā pratibandha hai. gnāyakakī ḍor apane hāthamen hai. jis prakār usakī nirmalatā aur līnatā
PDF/HTML Page 411 of 1906
single page version
visheṣh hotī hai, us anusār hotī hai. kabhī savikalpa dashāmen ruke, koī bār nirvikalpa dashāmen jātā hai. haṭh karake vikalpase āge nahīn jā sakatā. usakī nirmalatākī pariṇatise āge jānā hotā hai.
mumukṣhuḥ- haṭhase hotā nahīn aur bhūmikā virūddha bhī nahīn hotā.
samādhānaḥ- bhūmikā virūddha nahīn hotā.
mumukṣhuḥ- mātājī! .. shuddhanay kahatā nahīn, usakā kyā artha hai? sādhakako .. shuddhanayakā ālamban chhūṭatā nahīn, vah kaise ban sakatā hai? kyoṅki upayogamen to chañchalatā hotī hai.
samādhānaḥ- gurudevane, shuddhanay kise kahate hain, nishchay kise kahate hain, vyavahār kise kahate hain, koī jānatā nahīn thā. gurudevane spaṣhṭa kar-karake andarase rahasya kholakar samajhāyā hai aur spaṣhṭa bhī utanā kiyā hai ki kuchh bākī nahīn rakhā. yah gurudevakā param-param upakār hai. koī kuchh jānatā nahīn thā. yah sab rahasya gurudevane khulle kiye haĩn. main to unakā dās hū̃n. gurudevane jo spaṣhṭa kiyā hai, vah koī apūrva rahasya khullā kiyā hai, spaṣhṭa kiyā hai. gurudevakā gnān alag, gurudevakī vāṇī alag, gurudevakā ātmā alag, sab alag hī thā. gurudevane jo spaṣhṭa kiyā hai, is bharatakṣhetramen janma lekar jo upakār kiyā hai, vah upakār koī apūrva hai. unakā param-param upakār hai.
paramātma tattvamen dhyānāvalī nahīn hai, dhyānāvalī bhī nahīn hai. paramātmatattva anādiananta shuddha hai. shuddha svarūpamen dhyānāvalī ek sādhakadashā hai. sādhakadashā mūl jo vastu hai, pūrṇa vastu hai, pūrṇa sāmarthyase bharī huyī jo vastu hai, usamen dhyānāvalī sādhakadashā hai. sāshakadashā-gnān, darshan, chāritra, sab sādhak dashā hai. vaise yah dhyānāvalī bhī sādhakadashā hai.
jo pūrṇa sāmarthyase bharapūr vastu hai, usake andar dhyānāvalī kahanī, yah dharmadhyān, shukladhyān, vah sab dhyān pūrṇa svarūpamen nahīn hai. dravyakā svarūp jānanā. dravya par dr̥uṣhṭi rakhe. gnāyakake mūl svarūpamen yah dhyānāvalī bhī nahīn hai. kyoṅki vah anādiananta vastu hai. use yadi pahachāne nahīn, us vastukā āshray na le to dhyān bhī nahīn ho sakatā. isaliye vastuke andar dhyānāvalī bhī nahīn hai. shubhabhāv to ek or rahe, ashubhabhāv bhāv ek or rahe, lekin yah sādhanākī paryāy jo dhyānāvalī hai, vah bhī ātmāmen nahīn hai. aisā barābar svarūp samajhe to hī usakī sādhakadashā hotī hai.
main gnāyak paripūrṇa sāmarthyase bharā, ananta apūrva mahimāvant vastu hū̃n. pūrṇa par dr̥uṣhṭi hai. anādiananta vastu shāshvat hai, us par dr̥uṣhṭi hai. to bhī sādhakadashā bīchamen ātī hai, use gauṇ karatā hai. dravyadr̥uṣhṭimen vah gauṇ hai. to bhī dhyān bīchamen āye binā rahatā nahī̃n. dhyānāvalī bīchamen āye binā rahatī nahī̃n. parantu vah dhyānāvalīko dravyadr̥uṣhṭi nikāl
PDF/HTML Page 412 of 1906
single page version
detī hai. dhyānāvalīko nikāl detī hai, pān̐ch gnānake bhed bhī usamen nahīn hai, usamen guṇasthān bhī nahīn hai. koī vastu usamen nahīn hai. jo anādiananta vastu hai, vah sthirarūp vastu hai. jo paryāy badalatī hai, vah āshrayakā kāraṇ nahīn banatī. āshray to jo anādiananta vastu hai, vahī āshrayarūp hai. isaliye āshray to anādiananta vastu hai vahī āshrayarūp hai. isaliye āshray to anādiananta pūrṇa vastu hai, usīkā āshray karane yogya hai.
dr̥uṣhṭi yadi gnāyakako pahachāne to hī yathārtha sādhakadashā hotī hai. bākī sādhakadashā hotī nahī̃n. isaliye dhyānāvalī bhī ātmāmen nahīn hai. dravyadr̥uṣhṭik ālambanamen dhyānāvalī nahīn hai. parantu vah dhyān bīchamen āye binā rahatā nahī̃n. āchāryadev kahate hain ki are..re..! hastāvalambanatulya yah vyavahār bīchamen āye binā rahatā nahī̃n. kyoṅki abhī adhūrī dashā hai. isaliye vah bīchamen āye binā rahatā nahī̃n.
laḍāīmen khaḍā ho to bhī shuddhanay chhūṭatā nahī̃n. shuddha svarūpako-gnāyakako grahaṇ kiyā, us gnāyakakā avalmab laḍāīmen bhī chhūṭatā nahī̃n. anādise jo shāshvat vastu hai, vah nigodamen gayā, kahīn bhī gayā, gnānakī shakti ghaṭ gayī, parantu andar jo mūl shakti hai, usamen kuchh ghaṭatā nahī̃n. anādiananta vastukā nāsh nahīn hotā. chāhe jaise vibhāvakī paryāy ho to bhī. to phir dravyadr̥uṣhṭi pragaṭ huyī use kaun rok sakatā hai? gnāyakakā avalamban liyā, vah laḍāīmen khaḍā ho to bhī gnāyak hai, dhyānāvalīmen ho to bhī gnāyak hī hai. sādhakadashāmen pūrṇa gnāyak par dr̥uṣhṭi hai. sādhakamen bhī gnāyak aur ashubhabhāvamen laḍāīmen khaḍā ho to bhī gnāyak hai. use koī rok nahīn sakatā. to bhī use andar ashubhabhāvamen khaḍā huā, laḍāīmen khaḍā hai, are..! main kab sādhakadashāmen pūrṇa svarūpakī prāpti karun̐? are..! yah adhūrī dashā hai, merā gnāyak pūrṇa svarūp hai, use yah adhūrī dashā shobhatī nahī̃n. main kab vītarāg hoūn̐? aisī bhāvanā to use rahatī hī hai.
mumukṣhuḥ- dhyānāvalī bhī vyavahār...
samādhānaḥ- dhyānāvalī bhī vyavahār hī hai. shukladhyān bhī vyavahār hai. dravyadr̥uṣhṭimen, dravyake andar bāharase kuchh ātā nahī̃n. vah sab to sādhanā hai. anādiananta vastu jo hai, vah sāmarthyase bharapūr hai. adhūrī ho to adhūrekā ālamban hotā nahī̃n. isaliye shukladhyān ho, parantu vah vyavahār hai. vah bhī vyavahār hai. kevalagnānakī paryāy pragaṭ hotī hai, to bhī vah paryāy hai. hai pūrṇatā, pūrṇa, parantu vah bhī paryāy hai. shukladhyān to sādhanākī paryāy hai, parantu kevalagnān ho to bhī vah paryāy hai. mati, shrut, avadhi, manaḥparyayagnān, kevalagnānake bhed par dr̥uṣhṭi nahīn hai. kevalagnān ho to bhī. vah bhī paryāy hai. dr̥uṣhṭi gnāyak par aur pūrṇatā pragaṭ karanekī bhāvanā, yah donon sāthamen hote haĩn. puruṣhārthakī ḍor chālū hai. chāritra-līnatā ātmāke svarūpamen kaise samā jāūn̐? bāhar āūn̐ nahīn,
PDF/HTML Page 413 of 1906
single page version
aisī bhāvanā hai aur dravya par dr̥uṣhṭi, gnāyakakī dashā, gnāyakakī ḍor chhūṭatī nahī̃n. chāhe jaise bāhya sanyogamen ho, sādhanākī paryāyamen ho, dhyānamen ho to bhī usakī gnāyakakī ḍorī chhūṭatī nahī̃n. aur yah laḍāīke prasaṅgamen ho to bhī usakī gnāyakakī ḍorī andar hai. bhedagnānakī dhārā aur gnāyakako grahaṇ kiyā hai, vah grahaṇ kiyā, jo ālamban liyā vah ālamban use chhūṭatā nahī̃n. bāhya koī bhī sanyog use toḍ nahīn sakate. aisā ālamban āve to hī usakī sādhakadashākī paryāyen hotī hai.
āchāryadev kahate hain, main shuddha chinmātra mūrti hū̃n. to bhī are..! merī pariṇati kalmāṣhit- mailī ho rahī hai. shuddha chinmātra mūrti gnāyakakā ālamban hai. aur abhī chāritrakī dashā adhūrī hai. vah bhī use gnānamen sāthamen vartatī hai. gnānamen sab vartatā hai. puruṣhārthakī ḍorī līnatākī or jātī hai aur gnāyakakā ālambanakā bal aur āshray bhī sāthamen chalatā hai. use gnāyak, pratyek prasaṅgamen gnāyaka. dhyān ho, shukladhyān ho to bhī vah vyavahār hai. lekin vah sādhakadashā bīchamen āye binā rahatī hī nahī̃n. kyoṅki paryāy, vibhāvakī paryāy hotī hai. usase bhedagnān huā, samyagdarshan huā aur svānubhūtikī dashā pragaṭ huyī, phir svānubhūtikī dashā baḍhatī jātī hai, phir bhī abhī adhūrī paryāy hai, usakā kartā hotā nahīn, to bhī asthiratāmen rāgādi vartate hain, apane puruṣhārthakī kamajorīse. usakā use khyāl hai. isaliye puruṣhārthakī ḍor apanī or chālū hī hai. līnatā-andar svarūpamen samā jānekī līnatā chālū hī hai.
mumukṣhuḥ- paramātmatattva bhī padārthakā ansh hai aur dhyānāvalī bhī padārthakā ansh hai. yah ansh hai vah āshrayarūp hai, aur yah ansh gauṇ karanā..
samādhānaḥ- paramātmatattva hai vah svayam pūrā dravya hai. ananta sāmarthyase bharapūr dravya hai pūrā. sāmānya svabhāv hai. lekin vah pūrī vastukā sāmarthya hai. abhed hai. dhyānāvalī hai vah sādhakadashā hai. usamen shubhabhāv mishrit hai. aur ekāgratā jo antaramen hotī hai, jo antaramen vikalpa chhūṭakar hotī hai, ekāgra pariṇati andar svarūpakī ramaṇatā vah alag bāt hai. vah nirvikalpa dhyān hai. aur yah vikalpavālā dhyān hai, usamen shubhabhāvakā āshray hai. to bhī ekāgratā ho, chauthe guṇasthānamen jo svarūp ramaṇatā hai, pān̐chave guṇasthānamen jo shuddhi pragaṭ huyī hai, chhaṭhṭhe-sātavemmen (shuddhi pragaṭ huyī hai) vah bhī adhūrī paryāy hai. adhūrī paryāy bhī pūrṇa svabhāv, mūl svabhāv, asal svarūp usakā nahīn hai. adhūrī paryāy jitanā bhī ātmā nahīn hai. use bhī vah gauṇ karatā hai.
adhūrī paryāyakī bhūmikā baḍhatī jātī hai, guṇasthānakī dashā, chhaṭhṭhe-sātavemmen, phir shreṇi māṇḍatā hai, vah sab adhūrī paryāy hai. adhūrī paryāy aur pūrṇa paryāy, sab dravyadr̥uṣhṭimen gauṇ hotī hai. sabako nikāl detī hai. to bhī gnānamen donon vastu use khyālamen hai.
PDF/HTML Page 414 of 1906
single page version
donoṅko jānatā hai. adhūrī paryāy hai, pūrṇa shuddhi, pūrṇa paryāy kaise pragaṭ ho? antaramen usakī bhāvanā hai. puruṣhārthakī ḍor chālū hai. vah kab hotā hai? ki gnāyakake āshrayake ālambanase hī hotā hai.
mumukṣhuḥ- paramātma svarūp hai vah mūl ātmā hai.
samādhānaḥ- vah mūl ātmā hai. vah mūl vastu hai.
mumukṣhuḥ- paryāyen vyavahār ātmā?
samādhānaḥ- vyavahār ātmā. do ātmā bhinna-bhinna nahīn hai, ek hī hai. sāmānya- visheṣh, do ātmā bhinna-bhinna nahīn hai. sāmānya anādiananta hai, paryāy bhī vastukā svarūp hai. dravya-guṇ-paryāy sab vastu hai. paryāy ek ansharūp, bhedarūp hai. vah ṭikatī nahīn, badal jātī hai. guṇ hai, guṇabhed lakṣhaṇabhed hai. parantu jo pūrī sāmānya vastu hai, vah pūrī vastu mūl vastu hai, asal hai. ālamban usakā lenā hai.
mumukṣhuḥ- sāmānyako pūrī vastu kahanī?
samādhānaḥ- pūrī yānī usamen paryāy gauṇ hotī hai. paryāy bhinna nahīn ho jātī, gauṇ hotī hai. lekin sāmānya jo ṭikanevālā hai, vah mūl hai. vah mūl vastu hai. yah sab usakā svarūp hai. paryāy hai, guṇ hai.
mumukṣhuḥ- nirvikalpa upayogake vakta jo shuddhanayakā ālamban hai aur laḍāīke samay shuddhanayakā nirantar ālamban hai, un donon shuddhanayamen kyā antar hai?
samādhānaḥ- ālamban ek hī jātakā hai. parantu us pariṇatimen shuddhi nirmalatā hai. ashuddhi gauṇ ho gayī. use upayogamen bhī nahīn hai. aur svānubhūtimen nirvikalpatākā vedan hai. laḍāīmen nirmalatākā vedan nahīn hai. usane ālamban liyā hai gnāyakakā. nirmalatākā vedan use jitanā bhinna huā utanā hai. lekin svānubhūtikī to pūrī alag bāt hai. usamen pragaṭarūpase nirmalatākā vedan hai. upayogamen vedan hai.
mumukṣhuḥ- laḍāīmen bhī svarūpācharaṇ chāritra.. samādhānaḥ- svarūpācharaṇ hai, lekin vah vedan alag hai, savikalpatākā. amuk gnāyak-orakī shānti, tr̥upti hai. parantu svānubhūtikā vedan hai vah vedan us vakta nahīn hai. svānubhūtikā vedan nahīn hai. usake vedanamen pharka hai.