Gurustutiaadisangrah (Gujarati). 70. SHREE SIMNDHAR BHAGAVAN-STAVAN (SUNDAR SWARNAPURIMA); 71. BHAJ BHAJ PYARE!.

Page 93 of 95
PDF/HTML Page 101 of 103
single page version

જિનવર-પ્રતિમા જિનવર સરખાં જાણીએ રે, (૨)

સદ્ભક્તોને ભવથી પાર ઉતારતાં;

આશ્ચર્યકારી મુદ્રા પ્રભુની શોભતી રે, (૨)

ભક્તજનોને આશ્ચર્ય ઉપજાવતી;

કહાનગુરુને આશ્ચર્ય ઉપજાવતી....સ્વર્ણ૦ ૧૦.

અનિમિષ નયને નિરખું જિનવરદેવને રે, (૨)

જિનદર્શનમાં અંતરિયા થંભી રહ્યાં;

નિરખ્યા કરું હું નિશદિન શ્રી જિનનાથને રે, (૨)

જિનદર્શનમાં મનડાં અમ લાગી રહ્યાં....સ્વર્ણ૦ ૧૧.

કઈ વિધ વંદું, કઈ વિધ પૂજું નાથને રે, (૨)

તૃપ્તિ ન થાયે, અંતરિયાં ઉલસી રહ્યાં;

વિધવિધનાં પૂજન રચાવો આંગણે રે, (૨)

માણેક-મોતીનાં મંડલ મંડાવો મંદિરે....સ્વર્ણ૦ ૧૨.

રત્નચિંતામણિ નાથ પધાર્યા આંગણે રે, (૨)

જિનજી મારા સર્વ સિદ્ધિ દાતાર છે;

હીરા-મોતીના સ્વસ્તિક રચાવો આંગણે રે, (૨)

ત્રિભુવનતારક દેવ પધાર્યા આંગણે....સ્વર્ણ૦ ૧૩.

મહાભાગ્યેથી જિનવરદર્શન પામિયા રે, (૨)

પ્રભુજી મારા! નિયે દર્શન આપજો;

જિનજી મારા! નિત્યે સેવા આપજો રે, (૨)

અમ સેવકની વિનતડી સ્વીકારજો;

અમ સેવકને નિત્યે શરણે રાખજો....સ્વર્ણ૦ ૧૪.

ગુરુજી-પ્રતાપે જિનવરદર્શન પામિયા રે, (૨)

ગુરુવરજીનાં કૃપામૃત વરસી રહ્યાં;

[ ૯૩ ]

Page 94 of 95
PDF/HTML Page 102 of 103
single page version

ગુરુજી મારા! ચૈતન્યરસ વરસાવજો રે, (૨)

અમ સેવકને ભવોદધિતારણહાર છો;

દેવ, ગુરુ ને શાસ્ત્ર વસો મનમંદિરે રે, (૨)

અમ સેવકને શિવસુખના દાતાર છો....સ્વર્ણ૦ ૧૫.

✽

૭૦. શ્રી સીમંધારભગવાન – સ્તવન

(રાગ – ગાજે પાટણપુરમાં)

સુંદર સ્વર્ણપુરીમાં સ્વર્ણ - રવિ આજે ઊગ્યો રે,

ભવ્યજનોનાં હૈયે હર્ષાનંદ અપાર,

શ્રી સીમંધર પ્રભુજી પધાર્યા છે અમ આંગણે રે.......૧.

(વસંતતિલકા)

નિર્મૂળ મોહ કરીને પ્રભુ નિર્વિકારી,
છે દ્રવ્યભાવ સહુના પરિપૂર્ણ સાક્ષી;
કોટિ સુધાંશુ કરતાં વધુ આત્મશાન્તિ,
કોટિ રવીંદ્ર કરતાં વધુ જ્ઞાનજ્યોતિ.

જેની મુદ્રા જોતાં આત્મસ્વરૂપ લખાય છે રે,

જેની ભક્તિથી ચારિત્રવિમળતા થાય,

એવા ચૈતન્યમૂર્તિ પ્રભુજી અહો ! અમ આંગણે રે. સુંદર૦ ૨.

‘સદ્ધર્મવૃદ્ધિ વર્તો’ જયનાદ બોલ્યા,
શ્રી કુન્દના વિરહતાપ પ્રભુ નિવાર્યા;
સપ્તાહ એક વરસી અદ્ભુત ધારા,
શ્રી કુન્દકુન્દ હૃદયે પરિતોષ પામ્યા.

[ ૯૪ ]

Page 95 of 95
PDF/HTML Page 103 of 103
single page version

જેની વાણી ઝીલી કુન્દપ્રભુ શાસ્ત્રો રચ્યાં રે,

જેણી વાણીનો વળી સદ્ગુરુ પર ઉપકાર,

એવા ત્રણ ભુવનના નાથ અહો ! અમ આંગણે રે. સુંદર૦ ૩.

પૂર્વજ્ઞ છે ગણધરો પ્રભુપાદપદ્મે;

સર્વજ્ઞ કેવળી ઘણા પ્રભુના નિમિત્તે;

આત્મજ્ઞ સંતગણના હૃદયેશ સ્વામી,

સીમંધરા! નમું તને શિર નામી નામી.

જેના દ્વારા જિનજી આવ્યા, ભવ્યે ઓળખ્યા રે,

તે શ્રી કહાનગુરુનો પણ અનુપમ ઉપકાર,

નિત્યે દેવ-ગુરુનાં ચરણકમલ હૃદયે વસો રે. સુંદર૦ ૪.

✽

૭૧. શ્રી જિન સ્તવન

(રાગ – રઘુપતિ રાઘવ રાજારામ)

ભજ ભજ પ્યારે! ભજ ભગવાન, જો તૂ ચાહે નિજ કલ્યાણ. ટેક
શ્રી અરહંતા સિદ્ધમહાન, હૈં પરમાતમ ધરિયે ધ્યાન.

૧.

શ્રા આચારજ ગુરુ મુનિરાજ, ભજ ભજ તારનતરન જિહાજ. ૨.

વૃષભાદિક ચૌવીસ જિનેશ, ભજ સીમંધર આદિ મહેશ. ૩.

ભજ ભજ ગૌતમ ગુરુ ભગવાન, કુંદકુંદ આચાર્ય મહાન. ૪.

ભજ અકલંક મહાવિદ્વાન, સ્વામી વિદ્યાનંદ મહાન. ૫.

ઉન સબકો પહિચાવનહાર, પરમ પ્રતાપી ભજ ગુરુ કહાન. ૬.

ભજ જિનવાણી સરસ્વતિ નામ, ઉત્તમ ધામ મિલે તુમદાસ. ૭.

✽

[ ૯૫ ]

< Previous Page