Atmadharma magazine - Ank 342 (Original language). Page: 3.

PDF/HTML Page 41 of 45
single page version

: ૩૮: આત્મધર્મ : ચૈત્ર: ૨૪૯૮

• જ્ઞાનીએ તો અંતર્મુખ થઈને સ્વભાવનું સુખ ચાખ્યું છે, ત્યાં સંસારના કોઈ સુખની

વાંછા તેને નથી. અરે, મારા ચૈતન્યસુખ પાસે સંસારનું સુખ કેવું? સંસારના
રાગજનિત કોઈપણ સુખમાં ધર્મીને સુખ લાગતું જ નથી. ચૈતન્યસુખના અમૃત
પાસે એ વિષયસુખો તો ઝેરી સ્વાદવાળો લાગે છે.

• મારો આત્મા સદા ચિદાનંદસ્વરૂપ છે–એમ મેં જાણ્યું છે તેથી હવે અન્ય કાંઈ મારે

સાધ્ય નથી. મારાથી અન્ય કોઈ પણ પરદ્રવ્ય–દેખેલું કે સાંભળેલું હો, પરિચયમાં
આવ્યું હો, બૂરુ હો કે ભલું હો, સંસ્કૃત હો કે વિકૃત હો, નષ્ટ હો કે ઉત્પન્ન હો, સ્થૂળ
હો કે સૂક્ષ્મ હો, જડ હો કે ચેતન હો, ઈન્દ્રિયોને પ્રિય હો કે અપ્રિય હો, –તે અન્ય
દ્રવ્યોથી મારે કાંઈ પણ સાધ્ય જ નથી; સદા ચિદાનંદસ્વરૂપ મારો આત્મા જ મારે
સાધ્ય છે.

અર્ધા શ્લોકમાં મુક્તિનો ઉપદેશ

‘હું ચિદ્રૂપ કેવળ શુદ્ધ આનંદરૂપ છું’ – એમ સ્મરણ કરું

છું – ચિંતન કરું છું, – મુક્તિ માટે સર્વજ્ઞ ભગવાનો જે ઉપદેશ છે

તે આ અર્ધા શ્લોકમાં સમાઈ જાય છે.

શુદ્ધ ચિદ્રૂપનું ચિંતન કરવું તેમાં સર્વજ્ઞદેવનો બધો ઉપદેશ

સમાઈ જાય છે, તેથી કુન્દકુન્દસ્વામીએ શુદ્ધ આત્માની

અનુભૂતિને સમસ્ત જિનશાસન કહ્યું છે.

વૈરાગ્ય–સમાચાર

• મુંબઈના ભાઈશ્રી ચંદ્રકાન્ત હરિલાલ દોશી તા. ૭–૩–૭૨ ના રોજ મુંબઈ મુકામે

હૃદય બંધ પડી જતાં એકાએક સ્વર્ગવાસ પામી ગયા. મુંબઈ મુમુક્ષુમંડળના તેઓ
એક ઉત્સાહી ને ઉદાર કાર્યકર હતા; પરમાગમમંદિર વેલાસર થાય તે માટે તેમને
ઘણી ભાવના હતી. સોનગઢમાં સ્વતંત્ર મકાન કરીને કેટલોક વખત તેમણે લાભ
લીધો, ને વિશેષ નિવૃત્તિથી રહેવાની ભાવના હતી. સ્વર્ગવાસના બે દિવસ અગાઉ
તેમને મુંબઈમાં ગુરુદેવના દર્શનનો તથા પ્રવચનનો લાભ મળતાં તેઓ ઘણા ખુશી
થયા હતા, ને ગુરુદેવસમક્ષ પોતાનો પ્રમોદ તથા ભક્તિભાવ વ્યક્ત કર્યો હતો. બે
દિવસ બાદ તો તેઓ સ્વર્ગવાસ પામી ગયા.

PDF/HTML Page 42 of 45
single page version

: ચૈત્ર: ૨૪૯૮ આત્મધર્મ : ૩૯ :

• રંગુનવાળા પારેખ મગનલાલ રતનશી (ઉ. વ. ૮૩) અમદાવાદ મુકામે તા. ૮–

૩–૭૨ ના રોજ સ્વર્ગવાસ પામ્યા છે. વિહાર પહેલાંં ઠેઠ સુધી સોનગઢ રહીને
તેમણે ગુરુદેવના પ્રવચનોનો લાભ લીધો હતો; અને કાયમ સોનગઢ રહેવાની
ભાવના હતી.

• રાજકોટના ભાઈશ્રી ધીરજલાલ મૂળચંદ દોશી (ઉ. વર્ષ૮૪) તા. ૧૧–૧૨–૭૧ ના

રોજ સ્વર્ગવાસ પામ્યા છે.

• શ્રી મહાનંદવિજયજી જેતપુર મુકામે તા. ૧૪–૩–૭૨ ના રોજ સ્વર્ગવાસ પામી ગયા છે.

પ્રથમ તેમણે શ્વેતાંબર દીક્ષા લીધી હતી; પણ પછી છેલ્લા કેટલાક વખતથી જિજ્ઞાસુ
ભાવે સોનગઢમાં રહીને ગુરુદેવના પ્રવચનાદિનો લાભ લેતા હતા. તાજેતરમાં ગુરુદેવ
જેતપુર પધાર્યા ત્યારે તેઓશ્રીના દર્શન–પ્રવચનથી પ્રસન્ન થયા હતા.

• રાજકોટના ભાઈશ્રી વસંતલાલ મોહનલાલ જસાણી ગત માસમાં આશરે ૪૦

વર્ષની ભરયુવાન વયે મુંબઈમુકામે સ્વર્ગવાસ પામ્યા છે.

• મહુવાવાળા શાહ પુનમચંદ વનમાળીદાસ ફાગણ સુદ ૪ ના રોજ મુંબઈમુકામે

સ્વર્ગવાસ પામ્યા છે. તેઓ તાજેતરમાં વિહાર વખતે સોનગઢ હતા, ને મુંબઈ પણ
હંમેશ વાંચનમાં જતા હતા.

• દડવાવાળા (હાલ ભાવનગર) બચુભાઈ હરગોવિંદદાસના સુપુત્ર ભરતકુમાર માત્ર

૧૩ તેર વર્ષની વયે માહ વદ નોમના રોજ મુંબઈ મુકામે સ્વર્ગવાસ પામી ગયા છે.
નાની વય છતાં દેવ–ગુરુની ભક્તિનો તેમને પ્રેમ હતો, ને સોનગઢ બોર્ડિગમાં
રહેવાની તેમને ભાવના હતી.

• ભાઈશ્રી વિમચલચંદજી જૈન B.E. ગીરડીહ મુકામે તા. ૧૪–૩–૭૨ના રોજ

સ્વર્ગવાસ પામી ગયા છે. તેમની ઉંમર ચાલીસેક વર્ષની હતી. ષટ્ખંડાગમ વગેરે
સિદ્ધાંતગ્રંથોનો તેમને સારો અભ્યાસ હતો. જૈન સિદ્ધાંત અનુસાર પૃથ્વીની રચના,
તથા ચંદ્ર ઉપર મનુષ્યના ગમનની અશક્યતા વગેરે બાબતમાં પણ તેમને સારો
અભ્યાસ હતો. પૂ. ગુરુદેવ પ્રત્યે તેમને ભક્તિભાવ હતો અને અવારનવાર
સોનગઢ પણ આવતા. આવા જૈનસિદ્ધાંતના અભ્યાસી એક ઉત્સાહી યુવાન
ભરયુવાન વયે ચાલ્યા ગયા તે ખૂબ વૈરાગ્યપ્રસંગ છે. તેઓ છેલ્લા ચાર–પાંચ
વર્ષથી ગંભીર બીમારીમાં હોવા છતાં પોતાની ધાર્મિક ભાવનાઓમાં દ્રઢ રહેતા હતા.
જૈનધર્મના સંસ્કાર બળે આગળ વધીને તેઓ આત્મહિત સાધે–એ જ ભાવના.

–સ્વર્ગસ્થ આત્માઓ વીતરાગી દેવગુરુધર્મની છાયામાં આત્મહિત પામો.

PDF/HTML Page 43 of 45
single page version

• ગીરનારદર્શન :–ફાગણ સુદ ૧૪ ના રોજ જેતપુરથી પૂ. ગુરુદેવ ગીરનારતીર્થના

દર્શને પધાર્યા હતા. તળેટીના જિનમંદિરમાં ભાવભીની ભક્તિ થઈ હતી. અનેક

મુમુક્ષુઓએ પણ ગીરનારદર્શનનો લાભ ગુરુદેવ સાથે લીધો હતો.
• મુંબઈમાં પ્રતિષ્ઠામહોત્સવ :–પૂ. ગુરુદેવ રાજકોટથી બે દિવસ માટે

મુંબઈ ઘાટકોરપર સર્વોદય ઈસ્પિતાલ પાસે દિ. જિનમંદિરમાં સવાપાંચ ફૂટના આદિનાથ

ભગવાનની પ્રતિષ્ઠાના પંચકલ્યાણક ઉત્સવ નિમિત્તે પધાર્યા હતા. બે દિવસ દરમિયાન

પ્રવચનમાં આઠ–દશ હજાર શ્રોતાજનોએ ઉત્સાહથી લાભ લીધો હતો, અને સારી

પ્રભાવના થઈ હતી.
• જૈન વિદ્યાર્થીગૃહ : સોનગઢ:–આ સંસ્થાના સોનગઢમાં વીસ વર્ષથી ચાલે છે.

કોઈપણ જૈન વિદ્યાર્થી દાખલ થઈ શકે છે. પૂરી ફી માસિક રૂ. ૪૦ તથા અધૂરી ફી રૂ.

૨૫ છે. બોર્ડિંગના વિધાર્થીઓને અવારનવાર પૂ. ગુરુદેવ શ્રી કાનજીસ્વામીના

પ્રવચનોનો લાભ પણ મળે છે. દાખલ થવા ઈચ્છનારે (જૈન વિદ્યાર્થીગૃહ, સોનગઢ,

સૌરાષ્ટ્ર) એ સરનામે પચીસ પૈસાની ટિકિટ મોકલીને પ્રવેશપત્ર મંગાવી લેવા, ને તા.

૨૦–૫–૭૨ સુધીમાં ભરીને મોકલી દેવા.

“આત્મધર્મ” પત્ર સંબંધી જરૂરી માહિતી

૧. પ્રસિદ્ધિ સ્થળ:– શ્રી દિ. જેન સ્વા. મંદિર ટ્રસ્ટ, સોનગઢ
૨. પ્રસિદ્ધિ ક્રમ:– દરેક અંગ્રેજી માસની પચીસમી તારીખ
૩. મુદ્રકનું નામ:– શ્રી મગનલાલ જૈન
૪. ક્યા દેશના:– ભારત
૫. ઠેકાણું:– અજિત મુદ્રણાલય–સોનગઢ (સૌરાષ્ટ્ર)
૬. પ્રકાશકનું નામ:– શ્રી દિ. જૈન સ્વાધ્યાય મંદિર ટ્રસ્ટ વતી
શ્રી પુરુષોત્તમદાસ શિવલાલ કામદાર

ક્યા દેશના:– ભારત ઠેકાણું:– સોનગઢ (સૌરાષ્ટ્ર)
૭. તંત્રી – શ્રી પુરુષોત્તમદાસ શિવલાલ કામદાર
ક્યા દેશના:– ભારત ઠેકાણું:– શ્રી દિ. જૈન સ્વાધ્યાય મંદિર ટ્રસ્ટ, સોનગઢ
૮. માસિકના માલિકનું નામ:– શ્રી દિ. જૈન સ્વાધ્યાય મંદિર ટ્રસ્ટ, સોનગઢ
આથી અમો જાહેર કરીએ છીએ કે ઉપર આપેલી વિગતો અમારી જાણ

અને માન્યતા મુજબ બરોબર છે. તા. ૨૫–૩–૭૨

પુરુષોત્તમદાસ શિવલાલ કામદાર, શ્રી દિ. સ્વા. મંદિર ટ્રસ્ટ વતી.

PDF/HTML Page 44 of 45
single page version

હે જ્ઞાન! તું જગતમાં કેટલું મહાન છો! કેટલું શાંત છો! તને

તારી શાંતિના વેદનમાં કોઈ પ્રતિબંધ કરી શકે નહીં. અહા, આવું

મારું જ્ઞાન સદા મારી સાથે જ રહે ત્યાં રાગ–દ્વેષ કેવા?

જો રાગમાં જ્ઞાનને ન ભેળવો, ને એકલા રાગને માત્ર

રાગરૂપે જ જુઓ, તો તે રાગ તદ્ન અચેત, શાંતિ વગરનો, સુખ

વગરનો, કાંઈ પણ કિંમત વગરનો જ દેખાય છે; આત્મા સાથે જાણે

તેને કાંઈ જ સંબંધ ન હોય એટલે તે સ્પષ્ટ જુદો દેખાય છે; ને તે

રાગમાં જરાય મજા આવતી નથી.

અને જ્યાં રાગને જુદો કરીને એકલા–જ્ઞાનને દેખ્યું ત્યાં તે

જ્ઞાન મહાન ચૈતન્યરસથી ભરેલું, પરમશાંત, સુખી અને અચિંત્ય

ગંભીર–મહિમાવાળું અનુભવાય છે. અહા, આવું જ્ઞાન તે હું,–જેમાં

રાગદ્વેષનોય સ્પર્શ નહીં–ત્યાં દુનિયાના બીજા પ્રસંગોની શી વાત!

આવા જ્ઞાનતત્ત્વરૂપે પોતાની ભાવના કરનાર આત્મા

આ જગતમાં સુખી છે–ધન્ય છે.

જીવને આત્મહિતની ભાવના જાગે તે ઉત્તમ છે. સાધર્મીના

સંગે આત્મહિતની ભાવના પુષ્ટ કર્યાં કરવી. ધર્માત્માઓનું

ચૈતન્યસ્પર્શી જીવન દેખીદેખીને આત્માર્થ પુષ્ટ થાય છે; તેથી

આત્માર્થીને સત્સંગ અત્યંત જરૂરી છે.

બાકી જીવનમાં ‘આત્માર્થભાવ’ તે જ મુખ્ય વસ્તુ છે.

અંતરમાં કેટલી લગની છે તેના ઉપર બધો આધાર છે.

સાદાઈ બ્રહ્મચર્ય વગેરે આત્માર્થની પુષ્ટિ માટે છે....મુખ્યવસ્તુ તો

અંતરનો આત્માર્થ જ છે.

મુમુક્ષુનેય જીવનમાં અનેક વિધ પ્રસંગો આવે છે. માન–

અપમાન, સંયોગ–વિયોગ, વગેરે પ્રકારે અનેક કટોકટી આવતી હોય

છે, તેની વચ્ચે આત્માર્થનું જોર ટકાવી રાખવું, તે મુમુક્ષુ જીવ જ કરી

શકે. અને તેની પાછળ તત્ત્વના નિર્ણયનું ખૂબ જોર હોય છે.

આત્મબળે મુમુક્ષુ પોતાના ધ્યેય તરફ આગળ વધ્યે જાય છે. મુમુક્ષુને

ચારે અનુયોગના વીતરાગી શાસ્ત્રનો અભ્યાસ ઉપયોગી છે, તેના

દ્વારા આત્મહિતની જ ભાવના પોષાય છે.

PDF/HTML Page 45 of 45
single page version

ફોન નં. : ૩૪ “આત્મધર્મ” Regd No. G. B. V. 10

પૂ. ગુરુદેવના વિહારનો કાર્યક્રમ

મુમુક્ષુઓને ચૈતન્યના અધ્યાત્મરસનું પાન કરાવતાં–કરાવતાં પૂ. ગુરુદેવ

મંગલવિહાર કરી રહ્યા છે: હવે પછીનો કાર્યક્રમ નીચે મુજબ છે–
વાંકાનેર તા. ૨૪ થી ૨૭ (ચૈ. સુદ ચેરસ તા. ૨૭મીએ મહાવીરજયંતિ તથા

જિનમંદિરની વર્ષગાંઠ)

સુરેન્દ્રનગર તા. ૨૮ થી ૩૦ જોરાવરનગર તા. ૩૧ માર્ચ તથા ૧ એપ્રિલ
લીંબડી એપ્રિલ તા. ૨–૩–૪
વઢવાણ શહેર તા. ૫–૬–૭ (ચૈત્ર વદ આઠમે જિનમંદિરની વર્ષગાઠ)
અમદાવાદ તા. ૮ થી ૧૩
પાલેજ તા. ૧૪–૧૫ અધિક વૈ. સુદ ૧–૨ અમદાવાદ તા. ૧૬
દહેગામ તા. ૧૭–૧૮; રખિયાલ તા. ૧૯–૨૦
તલોદ તા. ૨૧–૨૨ એપ્રિલ; સોનાસણ તા. ૨૩ રવિવાર.
ઝીંઝવા તા. ૨૪;

હિંમતનગર તા. ૨૫–૨૬, નવા તા. ૨૭

ચોરીવાડ તા. ૨૮–૨૯ રણાસણ તા. ૩૦ એપ્રિલ તથા પહેલી મે.

ફત્તેપુર મે. તા. ૨ થી ૧૬ (પ્રથમ વૈશાખ વદ ૪ થી દ્વિતીય વૈશાખ સુદ ૪ સુધી)

(વૈશાખ સુદ ત્રીજે પંચકલ્યાણક–મહોત્સવ પૂર્વક વેદી–પ્રતિષ્ઠા)

(વૈશાખ સુદ બીજ તા. ૧૪ના રોજ ગુરુદેવની જન્મજયંતિ)

બામણવાડા તા. ૧૭–૧૮ (સુ. પ રામપુરા–સુ. ૬ બામણવાડા–વેદીપ્રતિષ્ઠા)
ઉદેપુર તા. ૧૯ થી ૨૨ (સ્વાધ્યાયભવન ઉદ્ધાટન)
કુરાવડ તા. ૨૩–૨૪ (સ્વાધ્યાયભવન ઉદદ્યાટન)
મંદસોર તા. ૨૫ થી ૨૮ પ્રતાપગઢ તા. ૨૯ થી ૧ જુન
રતલામ તા. ૨–૩

ઈન્દોર તા. ૪–૫–૬–૭

મુંબઈ તા. ૮ ભાવનગર તા. ૯–૧૦–૧૧–૧૨

સોનગઢ તા. ૧૩ જૂન મંગળવાર

પ્રકાશક : શ્રી દિ. જૈન સ્વા. મંદિર ટ્રસ્ટ. સોનગઢ (સૌરાષ્ટ્ર) પ્રત : ૩૦૦૦

મુદ્રક : મગનલાલ જૈન અજિત મુદ્રણાલય : સોનગઢ (સૌરાષ્ટ્ર) ફાગણ : (૩૪૨)

< Previous Page