Atmadharma magazine - Ank 313 (Original language). Page: 3.

PDF/HTML Page 41 of 49
single page version

: ૩૮ : : કારતક : ૨૪૯૬

જ્ઞાનગોષ્ઠી

પ્રશ્ન:– લોકાકાશની હદ બતાવનારા કયા દ્રવ્યો છે?
ઉત્તર:– જીવાદિ પાંચ દ્રવ્યોનાં સમૂહનું જ્યાં અવલોકન થાય તેટલું લોકાકાશ છે,

બાકીનું અલોકાકાશ છે. અલોક તે સર્વથા શૂન્ય નથી, ત્યાં એકલું આકાશ છે.

પ્રશ્ન:– અલોકાકાશમાં અજવાળું હોય કે અંધારું?
ઉત્તર:– અંધારું કે અજવાળું કાંઈ પણ ન હોય, કેમકે તે અરૂપી છે. અંધારું ને

અજવાળું તે તો રૂપી–પુદ્ગલની પર્યાય છે.

પ્રશ્ન:– આપણે અલોકમાં જઈ શકીએ?
ઉત્તર:– ના, ત્યાં જઈ ન શકીએ; પણ અહીં બેઠાબેઠા કેવળજ્ઞાનવડે તેને જાણી

શકીએ.

તમને આ જ્ઞાનગોષ્ઠી ગમી? ..હા;

અમે આ જ્ઞાનગોષ્ઠીમાં ભાગ લઈ શકીએ? .. હા; ઘણી જ ખુશીથી.

* સાચા ભગવાન *

આપણા ભગવાન એટલે સાચા દેવ કેવા હોય તે બરાબર ઓળખવું જોઈએ.
નીચેની હકીકત ઉપરથી ભગવાનનું સાચું સ્વરૂપ તમે વિચારજો–
(૧) એક જીવ ત્રિશુલ, બાણ, સુદર્શનચક્ર વગેરે હાથમાં ધારણ કરે છે;
બીજા જીવ કોઈપણ શસ્ત્રને ધારણ કરતા નથી;
–તો તેમાં સાચા દેવ કોણ?
(૨) એક જીવ ભક્તો ઉપર રાગ કરે છે, દુશ્મનો ઉપર દ્વેષ કરીને તેને મારે છે;
બીજા જીવ ભક્તો ઉપર રાગ નથી કરતા, કે નિંદા કરનાર ઉપર દ્વેષ નથી કરતા,
–તો તેમાં સાચા વીતરાગદેવ કોણ?
(૩) એક જીવ વસ્ત્ર–હાર–મુગટ વગેરે શણગાર પહેરે છે,
બીજા જીવને વસ્ત્ર–મુગટ–વગેરે કાંઈ શણગાર નથી;
–તો તેમાં સાચા દેવ કોણ?

PDF/HTML Page 42 of 49
single page version

: કારતક : ૨૪૯૬ : ૩૯ :

(૪) એક જીવ ખાય છે–પીએ છે–રોગ થાય છે–દવા કરે છે,
બીજા જીવ ખાતા નથી–પીતા નથી, રોગ થતો નથી;
–તો તેમાં સાચા દેવ કોણ?
(પ) એક જીવને ખબર નથી કે કાલે શું થવાનું છે?
બીજા જીવ ત્રણે કાળની બધી વાત સાક્ષાત્ જાણે છે;
–તો તેમાં સાચા ભગવાન કોણ?
(૬) એક જીવ સંપૂર્ણ સુખી છે ને સંસારમાં અવતાર ધારણ કરતા નથી;
એક જીવ દુઃખી છે, ને સંસારમાં અવતાર ધારણ કરે છે;
–તો તેમાં સાચા દેવ કોણ?
(૭) એક જીવ કહે છે–હું આ સૃષ્ટિ બનાવું છું ને તેનો નાશ કરું છું;
બીજા જીવ કહે છે–હું આ સૃષ્ટિને બનાવતો નથી, હું તો તેને માત્ર જાણું છું.
–તો તેમાં સાચા દેવ કોણ?
(૮) એક જીવ કહે છે કે શરીર અને આત્મા એક છે, બંનેની ક્રિયાઓ એક છે;
બીજા જીવ કહે છે કે શરીર અને આત્મા જુદા છે, બંનેની ક્રિયાઓ જુદી છે;
–તો તેમાં સાચા દેવ કોણ?
(૯) એક જીવ લડાઈ કરે છે, ક્રોધથી દુશ્મનોને મારે છે, દુષ્ટ જીવોને હણે છે;
બીજા જીવ કદી ક્રોધ કરતા નથી, પરમ શાંત વીતરાગ ભાવમાં જ રહે છે,
–તો તેમાં સાચા ભગવાન કોણ?
(૧૦) એક જીવ રાગી–દ્વેષી–મોહી છે, બધું જાણતો નથી; અને અહિત થાય

એવો ખોટો ઉપદેશ આપે છે;

બીજા જીવ રાગ–દ્વેષ–મોહ વગરના વીતરાગ છે; સર્વને જાણનારા છે, અને હિત

થાય એવા મોક્ષમાર્ગનો ઉપદેશ આપે છે.

–તો તેમાં સાચા દેવ કોણ?
ભગવાન સર્વજ્ઞ છે, વીતરાગ છે, મોક્ષમાર્ગનો ઉપદેશ દેનાર છે; આવા ભગવાન

તે આપણા સાચા દેવ છે; તેમને અરિહંત કહેવાય છે. આવા સાચા ભગવાનને

ઓળખીને તેમણે બતાવેલા આત્માના સ્વરૂપને ઓળખતાં જીવને ધર્મ થાય છે,

સમ્યક્ત્વ થાય છે. માટે હે જીવો! તમે સાચા ભગવાનને ઓળખો.

PDF/HTML Page 43 of 49
single page version

: ૪૦ : : કારતક : ૨૪૯૬

અજબ મારી નૌકા........નાવિક મારા સાધકસંતો

(મુમુક્ષુને ભવસાગર તરવાના આત્મિક પરાક્રમમાં ઉત્સાહિત કરે એવો નૌકાવિહાર)

અફર પ્રયાણ થયું આ મ્હારું... મુક્તિનગરના ધ્યેયે...
તુફાન તરંગથી ઊછળે દરિયો...એને તરવું મારે...
મોટો દરિયો ભવસાગરનો નૌકા મારી નાની,

છોને’ નાની પણ એ નૌકા ભવથી તારણહારી...એવી અજબ મારી નૌકા...

... એમાં બેસી મેં તો અફર પ્રયાણ આદર્યું...

ગજગજ ઊછળે સાગર છોને...નૌકા મારી ન ઝૂકે,
નાવીક મારા સાધકસન્તોં કદી ન સાથ જ છૂટે...

એવી અજબ મારી નૌકા...તેમાં બેસી૦

ઊછળે કુદે...ડગમગ ડોલે...છતાં ન ડુબે એવી.
ગંજ તરંગને ભેદી–ભેદી તારકસ્વભાવ વાળી...

એવી અજબ મારી નૌકા...તેમાં બેસી૦

પ્રતિકૂળતાના ગંજને ભેદી...આગે બઢતી નૌકા...
સાગર ઊછળી ગગને સ્પર્શે (તોય) કરે ન પાછી પાની...

એવી અજબ મારી નૌકા...તેમાં બેસી૦

PDF/HTML Page 44 of 49
single page version

: કારતક : ૨૪૯૬ : ૪૧ :

મુક્તિ જાવું...મુક્તિ

જાવું દોડે એક જ ધ્યેયે

જ્ઞાનમાર્ગનો ધ્રુવ કાંટો ને વૈરાગ્યના હલેસાં,
હમ્–હમ્ કરતી દોડી જાયે, શ્રદ્ધાનાં બળ બાંહે...

એવી અજબ મારી નૌકા...તેમાં બેસી૦

કદી ઊછળે, કદી અદ્રશ્ય થાયે, છોને જળચર ઘેરે,
મેઘ ગર્જે કે હીમ વર્ષે પણ મારી નૌકા દોડે...

એવી અજબ મારી નૌકા...તેમાં બેસી૦

કાયર દુનિયા ડરતી ભારે ‘ડુબી જશે આ હમણાં!’
(પણ) વીરમાર્ગની દ્રઢતા જેને ભરે ન પાછા પગલાં...

એવી અજબ મારી નૌકા...તેમાં બેસી૦

પાછું વળીને જુએ નહીં...એ દોડે એક જ ધ્યેયે,
મારે મુક્તિ જાવું–મુક્તિ જાવું...રે’ વું ન વચ્ચે ક્યાંયે...

એવી અજબ મારી નૌકા...

તેમાં બેસી મેં તો અફર પ્રયાણ આદર્યું.

(હરિ)

***

*****

***

* વવાણીયાથી એક જિજ્ઞાસુ લખે છે કે–”આત્મધર્મ આ જીવની વહાલામાં વહાલી

ચીજ, તેનાં આવવાની રાહ જોઈને જ બેઠા હોઈએ...આપ સહુ પરમ ભાગ્યવાન

છો કે એક જ્ઞાનીપુરુષની નિશ્રામાં જીવન વીતાવી રહ્યા છો. પૂ. શ્રી કાનજીસ્વામી

પ્રતિ આ જીવને પિતા જેવું વહાલપ આવ્યા કરે છે, તેઓશ્રીના આશીર્વાદ ઈચ્છું

છું; તેઓશ્રી યથાર્થ મોક્ષમાર્ગ નીરૂપી રહ્યા છે.”

PDF/HTML Page 45 of 49
single page version

: ૪૨ : : કારતક : ૨૪૯૬

અમે જિનવરના સંતાન (નવા સભ્યોના નામ)

૨૪૦૪A જયશ્રીબેન એન. જૈન અમરાપુર ૨૪૧૮A વિનોદકુમાર જૈન રાધૌગઢ

૨૪૦૪B રંજનાબેન એન. જૈન “ ૨૪૧૮B કુસુમકુમારી જૈન “

૨૪૦૪C મીનાક્ષીબેન એન. જૈન “ ૨૪૧૯A અજયકુમાર એસ. જૈન “

૨૪૦૪D કિર્તીદાબેન એન. જૈન “ ૨૪૧૯B અનીલકુમાર એસ. જૈન “

૨૪૦૪E મુકેશકુમાર એન. જૈન “ ૨૪૧૯C ચંદ્રાબાઈ એસ. જૈન “

૨૪૦પ રામસંગભાઈ ડી. જૈન વઢવાણ ૨૪૨૦A વિજયકુમારી બી. જૈન “

૨૪૦૬ દશરથસિંહજી કે. જૈન “ ૨૪૨૦B પ્રેમકુમારી બી. જૈન “

૨૪૦૭ હર્ષાબેન એસ. જૈન “ ૨૪૨૦C લક્ષ્મીકુમારી બી. જૈન “

૨૪૦૮ નરેન્દ્રકુમાર એમ. જૈન “ ૨૪૨૧A ઉર્મીલાબેન જૈન “

૨૪૦૯ કેતનકુમાર કે. જૈન “ ૨૪૨૧B ઉષાબેન જૈન “

૨૪૧૦ કમલેશકુમાર એ. જૈન “ ૨૪૨૧C સંતોષકુમાર જૈન “

૨૪૧૧ રાજેશકુમાર ટી. જૈન “ ૨૪૨૨A સુરેન્દ્રકુમાર જૈન “

૨૪૧૨ મીનાકુમારી ટી. જૈન રાધૌગઢ ૨૪૨૨B સાધનાકુમારી જૈન “

૨૪૧૩ કપુરીદેવી એફ. જૈન “ ૨૪૨૨C અવિનાશકુમાર જૈન “

૨૪૧૪ રાજકુમારી જી. જૈન “ ૨૪૨૨D મંજુકુમારી જૈન “

૨૪૧પ રવિકુમારી જૈન “ ૨૪૨૨E કલ્પનાકુમારી જૈન “

૨૪૧૬B મીનાકુમારી જૈન “ ૨૪૨૩ મુકેશભાઈ જૈન વઢવાણ

૨૪૧૭A વિજયકુમારી કે. જૈન “ ૨૪૨૪ નયનાબેન જૈન વઢવાણ

૨૪૧૭B પ્રમોદકુમારી કે. જૈન “ ૨૪૨પ શૈલેશકુમાર નથુભાઈ. જૈન વીજાપુર

૨૪૧૬A વિનયકુમાર જૈન “

જ્યાં સુધી–

જીવને જ્યાંસુધી ઉપાદાન–નિમિત્તની સ્વતંત્રતાનું જ્ઞાન ન થાય, જ્યાં સુધી જડ–

ચેતનની ભિન્નતાને તે ન ઓળખે, અને જીવ પોતે જ્ઞાનસ્વરૂપ છે એટલે તેનું જ્ઞાન કોઈ

બીજામાંથી નથી આવતું–આટલી જૈન સિદ્ધાંતની મૂળ વાત જ્યાં સુધી ન સમજે, ત્યાં
સુધી તે જીવને આત્મજ્ઞાનની કે સાધુપણાની પાત્રતા હોઈ શકતી નથી.

આત્મધર્મના ઘણા પાઠકો તરફથી અભિનંદન–સંદેશ મળ્‌યા છે;
સંપાદક પણ સૌ સાધર્મીઓને ધર્મવાત્સલ્ય સહિત અભિનંદન પાઠવે છે.

PDF/HTML Page 46 of 49
single page version

: કારતક : ૨૪૯૬ : ૪૩ :

–: વિવિધ સમાચાર :–

* જલગાંવ (મહારાષ્ટ્ર) માં નવીન દિગંબર જિનમંદિર બાંધવા માટે આસો વદ

૭ના રોજ માનનીય પ્રમુખ શ્રી નવનીતલાલ ચુનીલાલ ઝવેરીના સુહસ્તે શિલાન્યાસ

થયું. મુમુક્ષુ ભાઈ–બહેનોએ આ પ્રસંગે ઘણો ઉલ્લાસ બતાવ્યો હતો. થોડા વખતમાં

જિનમંદિર તૈયાર થશે. આ માટે જલગાંવના મુમુક્ષુઓને વધાઈ!

સવારના પ્રવચનમાં સમયસાર નિર્જરા અધિકાર વંચાય છે. બપોરે પ્રવચનસાર

પૂરું થયું છે; અને પંચાસ્તિકાય શરૂ થયું છે. પ્રવચનસારમાં છેલ્લે આચાર્યદેવે

આત્મપ્રાપ્તિના આશીર્વાદ દેતાં કહ્યું કે આવા આનંદમય ચૈતન્યતત્ત્વને હે જીવો! આજે જ

તમે પ્રાપ્ત કરો...તેનો અનુભવ કરીને પરમ આનંદરૂપે આજે જ પરિણમો.

સોનગઢમાં દીવાળી અને બેસતા વર્ષના મંગલ પર્વો આનંદથી ઉજવાયા હતા.

બેસતા વર્ષે આહારદાન–પ્રસંગની ખુશાલીમાં પ્રમુખશ્રી નવનીતભાઈ તરફથી

જૈનબાળપોથી (નવીન, બીજો ભાગ) વીસ હજાર નકલ છપાવીને હિંદી–ગુજરાતી

આત્મધર્મના ગ્રાહકોને ભેટ આપવાનું જાહેર કરવામાં આવ્યું છે.

જરા ઈસકોભી પઢિયે જી!

આત્મધર્મ...સર્વે જિજ્ઞાસુઓનું પ્રિય માસિક...
આત્મધર્મ...ગુરુદેવનો સંદેશ ઘર ઘર પહોંચાડતું માસિક...
આત્મધર્મ...શુદ્ધ અધ્યાત્મની પ્રેરણા આપતું માસિક...
આત્મધર્મ...આત્માર્થિતાને પોષતું અધ્યાત્મ–માસિક...
આત્મધર્મ...વાત્સલ્યભાવનાને વિસ્તારતું માસિક...
આત્મધર્મ...દેવ–ગુરુ–ધર્મની સેવાને અપનાવતું માસિક...
આત્મધર્મ...હજારો બાળકોને આનંદ સાથે ધર્મસંસ્કાર આપતું માસિક...

આવું આત્મધર્મ–માસિક ૨૬ વર્ષથી આપ નિયમિત વાંચો છો. આ અંકે

આત્મધર્મનું ૨૭મું વર્ષ શરૂ થાય છે. મોટા ભાગના ગ્રાહકોનું લવાજમ આવી ગયું છે.

આપે હજી મોકલ્યું ન હોય તો નીચેના સરનામે રૂા. ચાર વેલાસર ભરીને વ્યવસ્થામાં

સહકાર આપવા વિનંતી.–શ્રી દિ. જૈન સ્વાધ્યાય મંદિર ટ્રસ્ટ સોનગઢ (સૌરાષ્ટ્ર)

PDF/HTML Page 47 of 49
single page version

જાહેરાત

ટ્રસ્ટ તરફથી જણાવવામાં આવે છે કે શ્રાવિકાશાળાના કંપાઉન્ડમાં ૧૦ રૂમો

૧૬×૧૦ સાઈઝની બાંધવાનું નક્કી કરવામાં આવ્યું છે. જે નીચેના નિયમો ને શરતોએ

નોંધવામાં આવશે.

(૧) આ રૂમ પોતા તરફથી લખાવનારે રૂા. ૨૦૦૧) ટ્રસ્ટને આપવાના રહેશે.
(૨) રૂમની માલિકી ટ્રસ્ટની રહેશે.
(૩) રૂમ લખાવનાર કે તેના કુટુંબીજનોને રહેવા માટે ૧પ દિવસ અગાઉથી

ખબર આપ્યેથી રૂમ ખાલી કરાવી દેવામાં આવશે.

(૪) રૂમ લખાવનાર સોનગઢ બહાર જાય ત્યારે રૂમનો કબજો ટ્રસ્ટને સોંપી

જવાનો રહેશે. તેમનો પોતાનો થોડોક સામાન રાખવાની સગવડતા માટે રૂમ ઉપરના

ભાગે એક માળીયું કરી આપવામાં આવશે.

લી. દિગંબર જૈન સ્વાધ્યાય મંદિર ટ્રસ્ટ

જાહેરાત

પૂજ્ય સદ્ગુરુદેવશ્રી કાનજીસ્વામીની ૮૦મી જન્મજયંતિના ઉપલક્ષ્યમાં

સોનગઢમાં જે ભવ્ય અને આદર્શ પરમાગમ મંદિરનું નિર્માણ કરવાનું નક્કી થયેલ છે

તેમાં ઘણાં મુમુક્ષુઓ તરફથી ગાથા કોતરાવવા માટે રકમો લખાવવામાં આવે છે. તે

રકમો ઉચક લખાવવામાં આવે છે. આ ઉપરથી કેટલાક ભાઈ–બહેનોએ એવું સૂચન

કરેલ છે કે ગાથા દીઠ અમુક રકમ નક્કી કરવામાં આવે તો દાન દેનારને અમુક પ્રકારનો

સંતોષ થાય કે મેં આ પવિત્ર કાર્યમાં અમુક ગાથા લખાવી મારો યત્કિંચીત ફાળો

આપ્યો છે. તે માગણી ઉપરથી ગાથા ટીકા સાથે એકના રૂા. પ૦૧) નક્કી કરવામાં આવે

છે.

આજ સુધી જે રકમો લેવાયેલી છે તેનો હિસાબ પણ ગાથા ટીકા સાથે એકના

રૂા. પ૦૧) પ્રમાણે ગણવામાં આવશે.

જેઓને એવી ભાવના હોય કે પોતા તરફથી પૂર્ણ ગાથા હોય તો સારૂં અને પોતે

રૂા. પ૦૧) થી ઓછી રકમ પરમાગમ મંદિર ખાતે ગમે ત્યારે લખાવી હોય તો તેઓ

બાકીની રકમ લખાવી પોતાની ભાવના પૂર્ણ કરી શકશે.

લી.

શ્રી પરમાગમ મંદિર કમિટિ

શ્રી દિગમ્બર જૈન મુમુક્ષુ મંડળ–મુંબઈ

PDF/HTML Page 48 of 49
single page version

ગતાંકમાં આ ચિત્રના ચાર
જીવોને ઓળખવાનું કહેલ
હતું, તે આ પ્રમાણે છે–
(૧) તે જીવ અજ્ઞાની

મિથ્યાદ્રષ્ટિ છે; તે કર્મ બાંધે છે ઝાઝું,
પણ છોડે છે થોડું.

(૨) આ બીજો જીવ જ્ઞાની

ધર્માત્મા છે; તે ઘણું કર્મ છોડે છે, પણ
બાંધે થોડુંક જ.

(૩) આકાશમાં રહેલા તે

અરિહંત ભગવાન, બધા જ કર્મોને
છોડે છે, ને જરાય કર્મ બાંધતા નથી.

(૪) દૂર દૂર રહેલા તે

સિદ્ધભગવાન કર્મોને બાંધતા પણ
નથી, ને છોડતા પણ નથી.

વિશેષ પરિચય:– નદી કિનારે જ્ઞાની ધર્માત્મા આત્મવિચારમાં બેઠા છે, પાસે

બાળક બેઠેલો છે તે બાળકની જેમ સરળ અને જિજ્ઞાસુ છે.

(૧) હવે પહેલો જીવ ત્યાંથી ‘પસાર થઈ જાય છે,’–તે જ્ઞાની ધર્માત્મા પાસે

આવતો નથી પણ તેનાથી વિમુખ વર્તે છે. તે મિથ્યાદ્રષ્ટિ છે.

(૨) બીજો જીવ ત્યાં આવીને ‘જ્ઞાની ધર્માત્માની સાથે જ બેઠો’ તે જ્ઞાની છે,

જ્ઞાની સાથે તેને સાધર્મીપણું છે.

(૩) ત્રીજા અરિહંત ભગવાન છે, તે આકાશમાં ગમન કરે છે; તેમની ઓળખાણ

આપતી વખતે જ્ઞાનીએ તેમના પ્રત્યે હાથ જોડ્યા, કેમકે તે પૂજ્ય દેવ છે.

(૪) ચોથા સિદ્ધ ભગવાન છે, તેઓ અહીં નથી આવતા, પણ મુમુક્ષુ જીવ

જ્ઞાનવડે તેમને લક્ષમાં લ્યે છે. ને ધર્માત્માએ આંખ મીંચીને તેમની ઓળખાણ આપી
એટલે કે અંતરની દ્રષ્ટિ વડે તે સિદ્ધ ભગવાન ઓળખાય છે એમ બતાવ્યું. તેમને કોઈ
કર્મનો સંબંધ જ નથી, તેથી તેઓ કર્મને બાંધતા કે છોડતા નથી.

PDF/HTML Page 49 of 49
single page version

ફોન નં: ૩૪ “આત્મધર્મ” Regd. No. G. 182

__________________________________________________________________

સૌને ગમે એવી વાત

આત્માર્થિતા

મુમુક્ષુ જીવમાં આત્માર્થિતા હોય છે,

આત્મા જ તેને વહાલો હોય છે; આત્માને

સાધવા સિવાય બીજું કોઈ પ્રયોજન તેને

નથી. આત્માનો મહિમા બતાવીને આવી

આત્માર્થિતાને પુષ્ટ કરવી તે આ

‘આત્મધર્મ’ નો પહેલો ઉદ્દેશ છે.

દેવ–ગુરુ–ધર્મની સેવા

જેણે પોતાનો આત્મા સાધી લીધો છે ને

એવો આત્મા સાધવાનું બીજા જીવોને

બતાવી રહ્યા છે, એવા વીતરાગી દેવ–

ગુરુ–ધર્મની સાચી ઓળખાણ, અને પરમ

બહુમાન પૂર્વક તેમની સેવા;–એ આપણા

આત્મધર્મનો બીજો ઉદ્દેશ છે.

અહીં આપેલા ચાર ઉત્તમ આદર્શો આપે વાંચ્યા...હા; આપને તે ગમ્યા? ...હા...

બહુ જ ગમ્યા. તો હવે સૌને ગમે એવા આ ઉત્તમ આદર્શોની પુષ્ટિ માટે ‘આત્મધર્મ’

ની પ્રભાવનામાં આપ સાથ આપો...માત્ર આપના ઘરમાં જ નહિ પણ આપના ઘરની

આસપાસ પણ આત્મધર્મ દ્વારા ઉત્તમ સંસ્કારોની સુવાસ પ્રસરાવો.

વાત્સલ્ય

અહા, મને પરમ પ્રિય એવો આ વીતરાગી

જૈનધર્મ, અને તેના વીતરાગી દેવ–ગુરુ–

શાસ્ત્ર, તેમની ઉપાસના કરનારા જીવો

ધન્ય છે, તેઓ મારા સાધર્મી છે.–એમ

સાધર્મી પ્રત્યેનું પરમ વહાલ, તે આપણા

આત્મધર્મનો ત્રીજો ઉદ્દેશ છે.

બાળકોમાં ધર્મ સંસ્કાર

અનેક ઉત્તમ ધર્મસ્થાનો, ને ધર્મશાસ્ત્રો

ભલે હો, પણ જો તે ધર્મસ્થાને જવાના

અને શાસ્ત્રો સમજવાના ઉત્તમ સંસ્કારો

આપણા બાળકોમાં નહીં સીંચાય, તો તે

ધર્મસ્થાનોનો કે શાસ્ત્રોનો ઉપયોગ કોણ

કરશે?–માટે બાળકોમાં ધર્મસંસ્કારનું

સીંચન એ આપણો ચોથો ઉદ્દેેશ છે.

__________________________________________________________________

શ્રી દિગંબર જૈન સ્વાધ્યાયમંદિર ટ્રસ્ટ વતી પ્રકાશક અને

મુદ્રક: મગનલાલ જૈન અજિત મુદ્રણાલય: સોનગઢ (સૌરાષ્ટ્ર) પ્રત: ૨૭૦૦

< Previous Page