Shri Jinendra Stavan Manjari (Gujarati).

Page 243 of 438
PDF/HTML Page 261 of 456
single page version

મીઠી જુઠી વાતની,

સંકલના હે નવિ જાણે બાલ કે;

બોલ અમોલ કરે પિતા,

જગમાંહી હે તું લીલ ભૂપાલ કે.....સીમંધર૦ ૪

સ્વરૂપ નિર્મળ વધારસ્યો,

સેવકને હે તું વાછ્યું દેઈ દાન કે;

ભક્તિવશે કહે બાલ એ,

ભક્તવચ્છલ હે બિરૂદ સુણ્યો કાન રે.....સીમંધર૦ ૫

❐

શ્રી સીમંધરનાથ – સ્તવન

હાંરે મ્હારે સીમંધર જિનશું લાગી પૂરણ પ્રીત જો,

સાહિબજીની સેવા ભવદુઃખ ભાંજશેરે લોલ;

હાંરે જિન પ્રતિમા જિનવર સરખી દિલમાં જોય જો,

ભક્તિ કરતાં પ્રભુજી ખૂબ નિવાજશેરે લોલ. ૧

હાંરે જેને જોતાં લાધ્યો રત્ન ચિંતામણિ હાથ જો,

તેહને રે મૂકીને કુણ ગ્રહે કાચનેરે લોલ;

હાંરે જેને હૈડે લાગી પ્રભુજી શું રઢજો,

તેહને મન બીજાનો સંગ નવી ગમે રે લોલ. ૨

હાંરે જે પામ્યા પરિમલ પ્રીતે અમૃતપાન જો,

ખારૂં જલ તે પીવા કહો કુણ મન કરે રે લોલ;

Page 244 of 438
PDF/HTML Page 262 of 456
single page version

હાંરે જે ઘરમાં બેઠા પામ્યા લખમી જોર જો,

ધનને કાજે દેશ દેશાંતર કોણ ફરે રે લોલ. ૩

હાંરે જેણે સેવ્યા પૂરણ ચિત્તે અરિહંત દેવ જો,

તેહનારે મનમાંહે કેમ બીજા ગમે રે લોલ;

હાંરે એ તો દોષ રહિત નિષ્કલંકી ગુણ ભંડાર જો,

મનડું રે અમારૂં પ્રભુ સાથે રમે રે લોલ. ૪

હાંરે મુને મલિયા પૂર્ણ ભાગ્યે સીમંધરનાથ જો,

દેખીને હું હરખ્યો તન મન રંજિયોરે લોલ;

હાંરે એ તો દોલતદાયી પ્રભુજીનો દેદાર જો,

મેં તો જોતાં પ્રભુને કર્મદલ ગંજીયો રે લોલ. ૫

❐

શ્રી સીમંધરદેવ – સ્તવન

શ્રી સીમંધર સ્વામીજીને, કરૂં રે પ્રણામ;

મૂરતિ સુરતિ નિરખી હરખ્યો, માહરો આતમરામ...

મારા સુખના હો ઠામ, મીઠી આંખે દેખત મોરી ભાવઠ ગઈ. ૧

અચરજ તારી વાર્તામાં, થયો રે કરાર;

મૂઢ પણે વિસારી મૂકી, નવિ કીધો નિરધાર....મારા૦ ૨

અવગુણ મુજમાં છે ઘણા, પણ સાહેબ ન આણો મન;

લોક કલંકી થાપિઓ, પણ શશી હર રાખ્યો તન....મારા૦ ૩

ભવમાં ભમતાં જોઈઓ, મેં તુમ્હ સરીખો દેવ,

દીઠો નહિ તેણે કારણે મેં, નિશ્ચે કરવી સેવ.....મારા૦ ૪

Page 245 of 438
PDF/HTML Page 263 of 456
single page version

જ્ઞાનાનંદ પદ તેં દીયો, મહેર કરી મહારાજ;

એટલો દિન લેખે થયો ને, સફળ થયો ભવ આજ......મારા૦ ૫

❐

શ્રી વીર જિન – સ્તવન

(દુર્લભભવ લહી દોહીલો એ – રાગ)

આજ સફળ દિન માહરો એ, ભેટ્યો વીર જિણંદ કે;

ત્રિભુવનનો ધણી એ.

ત્રિશલારાણીનો નંદ એ કે, જગ ચિંતામણિનાથ; ત્રિ૦

દુઃખ દોહગ દૂરે ટળ્યાં એ, પેખી પ્રભુ મુખચંદ કે....ત્રિ૦ ૧

રિદ્ધિ વૃદ્ધિ સુખ સંપદા એ, ઉલટ અંગે ન માય કે; ત્રિ૦

આવી મુજ ઘર આંગણે એ, સુરગવિ^૧ હેજ સવાય કે. ત્રિ૦ ૨

ચિંતામણિ મુજ કર ચઢ્યું એ, પાયો ત્રિભુવનરાજ કે; ત્રિ૦

મુહ માંગ્યા પાસા ઢળ્યાં એ, સિધ્યાં વંછિત કાજ કે. ત્રિ૦ ૩

ચિત્ત ચાહ્યા સાજન મિળ્યા એ, દુરજન ઉડ્યા વાય કે; ત્રિ૦

સૌમ્ય નજર પ્રભુની લહીએ, જેહવી સુરતરુ છાંય કે. ત્રિ૦ ૪

તેજ ઝલાહલ દીપતો એ, ઊગ્યો સમકિત^૨ સૂર કે ત્રિ૦

શ્રી દેવગુરુરાજનો એ ભક્ત લહે સુખપૂર કે. ત્રિ૦ ૫

❐

૧. કામધેનુ ગાય. ૨. સમકિતરૂપી સૂર્ય.

Page 246 of 438
PDF/HTML Page 264 of 456
single page version

શ્રી સીમંધર જિન – સ્તવન

(ૠષભ જિણંદશું પ્રીતડી – એ દેશી)

શ્રી સીમંધર સાહિબા,

સુણો સંપ્રતિ હો ભરતક્ષેત્રની વાત કે;

અરિહા કેવલી કો નહિ,

કેને કહિયે હો મનના અવદાત કે.....શ્રી સીમંધર૦ ૧

ઝાઝું કહેતાં જુગતું નહિ,

તુમ સોહે હો જગ કેવલનાણ કે;

ભૂખ્યાં ભોજન માગતાં,

આપે ઉલટ હો અવસરના જાણ કે.....શ્રી સીમંધર૦ ૨

કહેશ્યો તુમ જુગતા નહિ,

જુગતાને હો વળી તારે સાંઈ કે;

યોગ્ય જનનું કહેવું કિશ્યું,

અલ્પશક્તિવંતને હો તારો ગ્રહી બાંહી કે.....શ્રી સીમંધર૦ ૩

થોડું હી અવસરે આપીએ,

ઘણાની હો પ્રભુ છે પછી વાત કે;

પગલે પગલે પાર પામીયે,

પછી લહીયે હો સઘળા અવદાત કે.....શ્રી સીમંધર૦ ૪

મોડું વહેલું તમે આપશો,

બીજાનો હો હું ન કરું સંગ કે;

Page 247 of 438
PDF/HTML Page 265 of 456
single page version

શ્રી સીમંધરપ્રભુ શિષ્યનો,

રાખીજે હો પ્રભુ અવિચલ રંગ કે.....શ્રી સીમંધર૦ ૫

❐

શ્રી સીમંધર જિન – સ્તવન

(દીઠી હો પ્રભુ દીઠી જગગુરુ તુઝ – એ દેશી)

સાચો હો પ્રભુ સાચો તું વીતરાગ,

જાણ્યો હો પ્રભુ જાણ્યો મેં નિશ્ચે કરીજી;

કાચો હો પ્રભુ કાચો મોહ જંજાળ,

છાંડી હો પ્રભુ છાંડી તેં સમતા ધરીજી. ૧

સેવે હો પ્રભુ સેવે દેવની કોડી,

જોડી હો પ્રભુ જોડી નિજ કર આગલેજી;

દેવે હોં પ્રભુ દેવે ઇંદ્રની નાર,

દ્રષ્ટિ હો પ્રભુ દ્રષ્ટિ તુઝ ગુણ રાગલેજી. ૨

ગાવે હો પ્રભુ ગાવે કિન્નરી ગીત,

ઝીણે હો પ્રભુ ઝીણે રાગે રસ ભરીજી;

બોલે હો પ્રભુ બોલે ખગ યશવાદ,

ભાવે હો પ્રભુ ભાવે મુનિ ધ્યાને ધરીજી. ૩

સોહે હો પ્રભુ સોહે અતિશય રૂપ,

બેસે હો પ્રભુ બેસે કનક સિંહાસનેજી;

ગાજે હો પ્રભુ ગાજે મધુરો નાદ,

રાજે હો પ્રભુ રાજે સંઘ તુઝ શાસનેજી. ૪

Page 248 of 438
PDF/HTML Page 266 of 456
single page version

તું તો હો પ્રભુ તું તો તાહરે રૂપ,

ભુંજે હો પ્રભુ ભુંજે સંપદ આપણીજી;

નાઠી હો પ્રભુ નાઠી કર્મ તતિ દૂર,

ઉઠી હો પ્રભુ ઉઠી તુઝથી પાપણીજી. ૫

જોવો હો પ્રભુ જોવો મુઝ એક વાર,

સ્વામી હો પ્રભુ સ્વામી સીમંધર ધણીજી;

વૃદ્ધિ હો પ્રભુ વૃદ્ધિ જ્ઞાનાદિ અપાર,

પામે હો પ્રભુ પામે શિવ લક્ષ્મી ધણીજી. ૬

❐

શ્રી અનંતનાથ જિન – સ્તવન

(ૠષભ જિણંદસું પ્રીતડી – એ દેશી)

અનંત જિણંદસું પ્રીતડી,

નીકી લાગી હો અમૃતરસ જેમ,

અવર સરાગી દેવની,

વિષ સરીખી હો સેવા કરું કેમ.....અ૦ ૧

જિમ પદમિની મન પિઉ વસે,

નિરધનીયા હો મન ધનકી પ્રીત;

મધુકર કેતકી મન વસે,

જિમ સાજન હો વિરહીજન ચિત્ત.....અ૦ ૨

કરષણી મેઘ આષાઢ જ્યું,

નિજ વાછડ હો સુરભિ જિમ પ્રેમ;

Page 249 of 438
PDF/HTML Page 267 of 456
single page version

સાહિબ અનંત જિણંદસું,

મુઝ લાગી હો ભક્તિ મન તેમ.....અ૦ ૩

પ્રીતિ અનાદિની દુઃખ ભરી,

મેં કીધી હો પર પુદ્ગલ સંગ;

જગત ભમ્યો તિણ પ્રીતસું,

સ્વાંગ ધારી હો નાચ્યો નવનવ રંગ.....અ૦ ૪

જિસકો અપના જાનીયા,

તિન દીધા હો છીનમેં અતિ છેહ;

પરજન કેરી પ્રીતડી,

મેં દેખી હો અંતે નિઃસનેહ.....અ૦ ૫

મેરા કોઈ ન જગતમેં,

તુમ છોડી હો જિનવર જગદીશ;

પ્રીત કરૂં અબ કોનસું,

તું ત્રાતા હો મોહે વિસવાવીસ.....અ૦ ૬

આતમરામ તું માહરો,

સિરસેહરો હો હૈયડાનો હાર;

દીનદયાલ કૃપા કરો,

મુઝ વેગે હો અબ પાર ઉતાર.....અ૦ ૭

❐

Page 250 of 438
PDF/HTML Page 268 of 456
single page version

શ્રી સીમંધર જિન – સ્તવન

(સાહિબ અજિત જિણંદ જુહારિયે – એ દેશી)

સાહિબ શ્રી સીમંધર સાહિબા,

સાહેબ તુમ પ્રભુ દેવાધિદેવ;

સનમુખ જુઓને મ્હારા સાહિબા,

સાહેબ મન શુદ્ધે કરું તુમ સેવ,

એક વાર મળોને મ્હારા સાહિબા.....૧

સાહેબ સુખ દુઃખ વાતો મ્હારે અતિ ઘણી,

સાહેબ કોણ આગળ કહું નાથ; સનમુખ૦

સાહેબ કેવળજ્ઞાની પ્રભુ જો મળે,

સાહેબ તો થાઉં હું રે સનાથ. એક વાર૦ ૨

સાહેબ ભરતક્ષેત્રમાં હું અવતર્યો,

સાહેબ ઓછું એટલું પુણ્ય; સનમુખ૦

સાહેબ જ્ઞાન વિરહ પડ્યો આકરો,

સાહેબ જ્ઞાન રહ્યું અતિ ન્યૂન. એક વાર૦ ૩

સાહેબ જેમ શુદ્ધાશુદ્ધ વસ્તુ છે,

સાહેબ રવિ કરે તેહ પ્રકાશ; સનમુખ૦

સાહેબ તિમહીજ જ્ઞાની મળે થકે,

તે તો આપે રે સમકિત વાસ. એક વાર૦ ૪

Page 251 of 438
PDF/HTML Page 269 of 456
single page version

સાહેબ મેઘ વરસે છે વાડમાં,

સાહેબ વરસે છે ગામોગામ; સનમુખ૦

સાહેબ ઠામ કુઠામ જુએ નહિ,

સાહેબ એવાં મ્હોટાનાં કામ. એક વાર૦ ૫

સાહેબ હું વસ્યો ભરતને છેડલે,

સાહેબ તુમે વસ્યા મહાવિદેહ મોઝાર; સનમુખ૦

સાહેબ દૂર રહી કરૂં વંદના,

સાહેબ ભવસમુદ્ર ઉતારો પાર. એક વાર૦ ૬

સાહેબ તુમ પાસે દેવ ઘણા વસે,

સાહેબ એક મોકલજો મહારાજ; સનમુખ૦

સાહેબ મુખનો સંદેશો સાંભળો,

સાહેબ તો સહેજે સરે મુજ કાજ. એક વાર૦ ૭

સાહેબ હું તુમ પગની મોજડી,

સાહેબ હું તુમ દાસનો દાસ; સનમુખ૦

સાહેબ તુમ સેવકની નમ્ર પ્રાર્થના,

સાહેબ મને રાખો તમારી પાસ. એક વાર૦ ૮

❐

શ્રી શાંતિનાથ – સ્તવન

(દીઠી હો પ્રભુ દીઠી – રાગ)

શાંતિ હો જિન શાંતિ કરો શાંતિનાથ,

અચિરા હો જિન અચિરાનંદન વંદનાજી;

Page 252 of 438
PDF/HTML Page 270 of 456
single page version

કેવળ હો પ્રભુ કેવળ લહીયે દીદાર,

ભાગી હો જિન ભાગી ભાવઠ ભંજનાજી. ૧

પ્રગટી હો જિન પ્રગટી રિદ્ધિ નિદાન,

માહરે હો જિન માહરે જસ સુરતરૂ ફળ્યો;

તોરણ હો જિન તોરણ બાંધ્યા બાર,

અભય હો જિન અભયદાન દાતા મળ્યોજી. ૨

દાયક હો જિન દાયક દીનદયાળ,

જેહને હો જિન જેહને બોલે હુએ મુદાજી;^૧

જિનની હો જિન જિનની વાણી મુજ,

પ્યારી હો જિન પ્યારી લાગે તે સદાજી. ૩

ઉદયો હો જિન ઉદયો જ્ઞાનદિણંદ,

ધાઠો હો જિન ધાઠો અશુભ શુભ દિન વળ્યોજી;

મળીઓ હો જિન મળીઓ ઇષ્ટ સંયોગ,

સુંદર હો જિન સુંદરતા તન મન ભળ્યોજી. ૪

સાખી હો જિન સાખી ઇંદ નરિંદ,

અવર હો જિન અવર અનુભવ આતમાજી;

પ્રેમે હો જિન પ્રેમે સેવક સુજાણ,

ગાયા હો જિન ગાયા ગુણ એ તાતનાજી. ૫

❏

૧. આનંદ.

Page 253 of 438
PDF/HTML Page 271 of 456
single page version

શ્રી સીમંધર જિન – સ્તવન

(લલના – રાગ)

પ્રણમું પ્રેમે પ્રહ સમે, જિનવર સીમંધરનાથ ભવિયણ;

એ જગમાંહીં જોવતાં સાચો શિવપુર સાથ....

ભવિ૦ પ્રણમું૦ ૧

સુખદાયક સાહિબ મલ્યો, તો ફલ્યો સુરતરુ બાર; ભવિ૦

દેખી પ્રભુ દીદારને પામીજે ભવ પાર.....

ભવિ૦ પ્રણમું૦ ૨

નામથી નવનિધિ પામી, દરિશણ દુરિત પલાય; ભવિ૦

પ્રહ સમે પ્રેમે પ્રણમતાં, ભવભવ પાતિક જાય....

ભવિ૦ પ્રણમું૦ ૩

સુરતી એ જિનવર તણી, સાચી સુરતરુ વેલ; ભવિ૦

નિરખંતા નિત નયણશું, ઉગમે આનંદ રેલ.....

ભવિ૦ પ્રણમું૦ ૪

શાંતિ સુધારસશું ભરી, એ મૂરતિ મનોહાર; ભવિ૦

પ્રણમે જે નિત પ્રેમશું, ધન ધન તસ અવતાર.....

ભવિ૦ પ્રણમું૦ ૫

પુણ્ય હશે તે પામશે, એ જિનની નિત સેવ; ભવ૦

સકળ ગુણે કરી શોભતો, અવર ન એહવો દેવ......

ભવિ૦ પ્રણમું૦ ૬

Page 254 of 438
PDF/HTML Page 272 of 456
single page version

ચરણકમળ એ પ્રભુ તણાં, સેવંતાં નિશદીસ; ભવિ૦

જ્ઞાનાનંદ તણી સંપદા, પામીયે વિસવાવીશ.....

પ્રભુ૦ પ્રણમું૦ ૭

❐

શ્રી પદ્મ જિન – સ્તવન

(રાજુલ કહે છે નાથ બોલ્યા પાળજો રે – રાગ)

પદ્મ જિનેશ્વર વિનતી, મુજ મનનીજી;

વિનતી કરું વારંવાર, સુણો ભવભવનીજી. ૧

ઘણા પુણ્યે તુમ્હ પામીયો, સુખદાતાજી;

મુખ પંકજ દીદાર, થઈ મન શાતાજી. ૨

મેં નિશ્ચય સેતી તું ધર્યો ચિત્ત હરખેજી;

નાણુ લઈ જેમ કોઈ ખરો, નિજ પરખેજી. ૩

કંચન કસોટી ચાટતાં ખરૂં ખોટુંજી;

તિમ તુંહી જ મુજ સ્વામી, મહાતમ મોટુંજી. ૪

પ્રેમ ધરીને નીરખીયો, સુણ સ્વામીજી;

મીઠી મહેર કરી રે, નવનિધિ પામીજી. ૫

❐

શ્રી સીમંધર જિન – સ્તવન

(ધરમ પરમ અરનાથનો – રાગ)

સીમંધર થાસું વિનવું, વિનતિ અવધારોજી;

સેવક હું છું તાહરો, મને પાર ઉતારોજી.

સીમંધર૦ ૧

Page 255 of 438
PDF/HTML Page 273 of 456
single page version

ધન્ય વિદેહનાં માનવી, નિત્ય દર્શન કરતાંજી;

પાય તુમારા સેવીને, શીવરમણી વરતાજી,

સીમંધર૦ ૨

કોટી દેવ જઘન્યથી, પ્રભુ પાસે ઠાવેજી,

એક ત્યાંથી અહીં આવતાં, દાસ દર્શન પાવેજી.

સીમંધર૦ ૩

તિહાં તો આરો સુખમો, ઇહાં દુખમો આરોજી,

પ્રભુ ચરણના રાગથી, મને લાગે એ સારોજી.

સીમંધર૦ ૪

ભરતે ક્લેશ વધી પડ્યો, વાદ સમય સ્થપાયોજી;

ભુંડી હુંડાએ દાખવ્યું સ્વેચ્છાચારી પૂજાયોજી.

સીમંધર૦ ૫

પ્રભુ રાગે હું બચી ગયો, મેં એ ફંદ નસાયોજી;

તુજ કૃપાએ આ ચિત્તમાં, આગમસાર વસાયોજી.

સીમંધર૦ ૬

જ્ઞાન ચારિત્ર મારૂં પ્રભુ, રહે સ્થિર એમ કિજોજી;

લોક હેરીમાં હું ના પડું, વરદાન એ દીજોજી.

સીમંધર૦ ૭

આવતા ભવે પ્રભુ પાદની, સેવા વ્રતયુત દીજોજી;

યથાખ્યાત મુજ આપીને, સાથે મોક્ષમાં લીજોજી.

સીમંધર૦ ૮

Page 256 of 438
PDF/HTML Page 274 of 456
single page version

આત્મકમલમાં જિન! તુમે, અવિચલભાવે બિરાજોજી;

સાર સકલ મુજ આપીને, અષ્ટ કર્મોને કાપોજી.

સીમંધર૦ ૯

❐

શ્રી સીમંધર જિન – સ્તવન

(દીઠી હો પ્રભુ દીઠી – રાગ)

ફળિયા હો પ્રભુ ફળિયા મનોરથ મુજ,

મળિયા હો પ્રભુ મળિયા દેવ જિનેશ્વરૂજી;

ઉજ્જ્વળ હો પ્રભુ પૃથ્વી ઉજ્જ્વળ કીધ,

પૂરણ હો પ્રભુ પૂરણ આશા સુરતરૂજી. ૧

આપે હો પ્રભુ આપે સવિ સુખ રિદ્ધિ,

થાપે હો પ્રભુ થાપે નિજ પદ લોકનેજી;

વ્યાપે હો પ્રભુ વ્યાપે પ્રભુ ગુણ જેહ,

કાપે હો પ્રભુ કાપે તેહના શોકનેજી. ૨

ધનધન હો પ્રભુ ધનધન તું જગમાંહિ,

મુજ મન હો પ્રભુ મુજ મનમેં તુંહિ જ વસ્યોજી;

નિરખી હો પ્રભુ નિરખી તાહરૂં રૂપ,

હરખી હો પ્રભુ હરખી તન મન ઉલસ્યોજી. ૩

સમતા હો પ્રભુ સમતા અમૃતસિંધુ,

ગમતા હો પ્રભુ મન ગમતા સ્વામી મળ્યાજી;

Page 257 of 438
PDF/HTML Page 275 of 456
single page version

તેહવા હો પ્રભુ તેહવા દીઠા આજ,

જેહવા હો પ્રભુ જેહવા કાને સાંભળ્યાજી. ૪

માહરી હો પ્રભુ માહરી પૂગી આશ,

તાહરી હો પ્રભુ તાહરી કરુણા હુઈ હવેજી;

જિનજી હો પ્રભુ જિનજી તારો દાસ,

વિનવું હો પ્રભુ વિનવું હું ભાવે કરીજી. ૫

❐

શ્રી જિનેન્દ્ર – સ્તવન

(જિનવર પૂજો – રાગ)

જગલોચન જબ ઉગીઓ રે, પસર્યો પુહવિ પ્રકાશ;

ગુણરા લાયક.

અનુભવ એ મુજ વાતનો રે, ઉદય હુઓ ઉજાસ; ગુણ૦

ઊગ્યો ઊગ્યો રે, જિનવર ઊગ્યો, હાંરે પ્રભુ ઊગ્યો મહાપ્રભાત;

ગુણરા લાયક. ૧

ભજન થકી ભવ ભયહરૂ રે, દરિસણથી દૂર દુઃખ; ગુણ૦

પઈવ કપૂરની વાસતે રે, પામે મહા સુર સુખ. ગુણ૦ ૨

અવિહડ એહને કારણે રે, ધરે ધરમશું ધ્યાન; ગુણ૦

ચિત્ત વિત્ત પાત્ર સંજોગશું રે, પ્રગટે બહુરિદ્ધિ દાન. ગુણ૦ ૩

સ્વરૂપ વધારણ સાહિબો રે, કામિતકામનો ધામ; ગુણ૦

જલધર જલ વરસે સદા રે, ન જોવે ઠામ કુઠામ. ગુણ૦ ૪

¹⁷

Page 258 of 438
PDF/HTML Page 276 of 456
single page version

પશ્ચિમ ઇંદુ રવિ પૂરવે રે, જગત નમે જસ પાય; ગુણ૦

ચિત્ત વિત્ત પાત્રને કારણે રે, પામું આતમ લાભ. ગુણ૦ ૫

❐

શ્રી ચંદ્રપ્રભ જિન – સ્તવન

હાંરે મારે ચંદ્રવદન જિન ચંદ્રપ્રભુ જગનાહજો.

દીઠો મીઠો ઇચ્છો જિનવર આઠમો રે લો; હાંરે૦

હાંરે પ્રભુ મનડાનો માનીતો પ્રાણ આધાર જો,

જગ સુખદાયક જંગમસુર સાખી સમો રે લો; હાંરે૦ ૧

હાંરે પ્રભુ શુદ્ધ આશય ઉદયાચળ સમકિત સૂર જો,

વિમલદશા પૂરવ દિશે ઊગ્યો દીપતો રે લો; હાંરે૦ ૨

હાંરે પ્રભુ સદ્હણા અનુમોદ પરિમલ પૂર જો,

પરછાયો મન માનસસર અનુભવ વાયરે રે લો; હાંરે૦ ૩

હાંરે પ્રભુ ચેતન ચકવા ઉપશમ સરવર નીર જો,

શુભમતિ ચકવી સંગે રંગ રમલ કરે રે લો. હાંરે૦ ૪

હાંરે પ્રભુ જ્ઞાનપ્રકાશે નયણલાં મુજ દોય જો,

જાણે રે ખટદ્રવ્ય સ્વભાવે ચૈતન્યપ્રભુ રે લો; હાંરે૦ ૫

હાંરે પ્રભુ જડ ચેતન ભિન્નાભિન્ન નિત્યાનિત્ય જો;

રૂપી અરૂપી આદિ સ્વરૂપ જ્ઞાયકપણે રે લો; હાંરે૦ ૬

હાંરે પ્રભુ લખગુણદાયક લખમણા રાણી નંદ જો,

ચરણ સરોરૂહ સેવા મેવા સારીખી રે લો, હાંરે૦ ૭

❐

Page 259 of 438
PDF/HTML Page 277 of 456
single page version

શ્રી નેમિનાથ જિન – સ્તવન

(સ્વામી સુજાત સુહાયા – રાગ)

નેમિ જિણેસર મુજ પરમેસર, અલવેસર ઉપગારી રે;

સુણ સાહિબા સાચા.

જગજીવન જિનરાજ જયંકર, મુજને તુજ સુરતિ પ્યારી રે.

સુણ સાહિબા સાચા૦ ૧

મહિર કરીજે વંછિત દીજે, સેવક ચિત્ત ધરીજે રે; સુણ૦
સેવા જાણી શિવસુખ ખાણી, ભક્તિ સહિ નાણી દીજે રે.
સુણ૦ ૨

કામકુંભ ને સુરતરુથી પણ, પ્રભુ ભક્તિ મુજ પ્યારી રે; સુણ૦
જેઓએ ખિણ એક લગી સેવી, શિવસુખની દાતારી રે.
સુણ૦ ૩

ભગતિ સુવાસના વાસે વાસિત, જે હોયે ભવિ પ્રાણી રે; સુણ૦
જીવનમુક્ત ચિદાનંદ રૂપી, તે કહિયે શુદ્ધ નાણી રે.
સુણ૦ ૪

પ્રભુ તુમ ભક્તિ તણી અતિ મોટી, શક્તિ એ જગમાં વ્યાપે રે;
એક વાર પણ ભાવે સેવી, ચિદાનંદ પદ આપે રે.

સુણ૦ ૫

પૂરણ પૂરવ પુણ્ય પસાયે, જો તુમ્હ ભગતિ મેં પામી રે; સુણ૦
તો હું દુત્તર એ ભવ દરિયો, તરીઓ સહેજે સ્વામી રે.
સુણ૦ ૬

Page 260 of 438
PDF/HTML Page 278 of 456
single page version

સાહિબ સેવક જાણી સાચો નેક સુનજરે જોજો રે; સુણ૦
સેવક કહે ભવભવ જિનજી, તુમ્હ ભગતિ મુજ હોજો રે.
સુણ૦ ૭

❐

શ્રી નેમિનાથ જિન – સ્તવન

(આદિત્ય અરિહંત – રાગ)

નેમિ જિનેસર દેવ નયણે દીઠા રે,

મૂરતિવંત મહંત લાગે મીઠા રે;

મધુરી જેહની વાણી જેવી શેલડી,

સાંભળતાં સુખ થાય કામિત વેલડી. ૧

જાગ્યાં માહરાં ભાગ્ય તુજ ચરણે આયો,

પાપ ગયાં પલાય ગંગાજળ ન્હાયો;

દૂધે વરસ્યા મેહ અશુભ દિવસ નાઠા,

દૂર ગયા દુઃખદંદ દુશ્મન થયા માઠા. ૨

હવે માહરો અવતાર સફળ થયો લેખે,

પણ મુજને એક વાર કૃપા નજરે દેખે,

સુરમણિથી જગદિશ તુમે તો અધિક મિલ્યા,

પાસા માહરે દાવ મુહ માગ્યા ઢળીયા. ૩

ભૂખ્યાને મહારાજ જિમ ભોજન મિલે,

તરસ્યાને ટાઢું નીર અંતર તાપ ટળે;

Page 261 of 438
PDF/HTML Page 279 of 456
single page version

થાક્યો તે સુખપાળ બેસી સુખ પામે,

તેમ ચાહંતાં મિત્ત મિલતાં હિત જામે. ૪

તાહરે ચરણે નાથ હેજે વળગ્યો છું,

કદીય મ દેજો છેહ નહિ હું અળગો છું;

શ્રી સદ્ગુરુ જ્ઞાની પ્રભુજી ઉપગારી,

સેવક નમે તુમ પાય થાયે શિવગામી. ૫

❐

શ્રી સીમંધર જિનેશ્વર – સ્તવન

(પદ્મપ્રભુ ગુણનિધિરે લાલ — એ દેશી)

સીમંધર જિનેશ્વર જાણજો રે લાલ,

મુજ મનનો અભિપ્રાય રે...જિનેશ્વર મોરા;

તું આતમ અલવેસરૂ રે લાલ,

રખે તુજ વિરહો થાય રે....જિનેશ્વર મોરા;

તુજ વિરહો કેમ વેઠીએ રે લાલ.....૧

તુજ વિરહો દુઃખદાય રે જિને૦

તુજ વિરહો ન ખમાય રે જિને૦

ખીણ વરસાંસો થાય રે જિને૦

વિરહો મ્હોટી બલાય રે જિને૦

તુજ વિરહો કેમ વેઠીયે રે લાલ....૨

તાહરી પાસે આવવું રે લાલ,

પહેલાં ન આવે તું દાય રે...જિનેશ્વર મોરા;

Page 262 of 438
PDF/HTML Page 280 of 456
single page version

આવ્યા પછી તો જાયવું રે લાલ,

તુજ ગુણ વશ્યે ન સોહાય રે......

જિનેશ્વર મોરા, તુજ વિરહો કેમ વેઠીયે રે લાલ. ૩

ન મળ્યાનો ધોખો નહીં રે લાલ,

જસ ગુણનું નહિ નાણ રે જિને૦

મિળિયા ગુણ કળિયા પછી રે લાલ,

વિછુરત જાએ પ્રાણ રે જિને૦ તુ૦ ૪

જાતિ અંધને દુઃખ નહીં રે લાલ,

ન લહે નયનનો સ્વાદ રે જિને૦

નયણ સવાદ લહી કરી રે લાલ,

હાર્યાને વિખવાદ રે જિને૦ તુ૦ ૫

બીજે પણ ક્યાંહિ નવિ ગમે રે લાલ,

જિણે તુજ વિરહે બચાય રે જિનેશ્વર મોરા;

માલતી કુસુમે મ્હાલીયો રે લાલ,

મધુપ કરીરે ન જાય રે. જિને૦ તુજ વિ૦ ૬

વન દવ દાધાં રૂખડાં રે લાલ,

પાલ્હવે વળી વરસાત રે જિનેશ્વર મોરા;

તુજ વિરહાનળના દહ્યા રે લાલ,

કાળ અનંત ગમાત રે જિને૦ તુજ વિ૦ ૭

ટાઢક રહે તુજ સંગમાં રે લાલ,

આકુળતા મિટી જાય રે જિનેશ્વર મોરા;

< Previous Page Next Page >